Dahil matagal naming hindi naka-chika si Vina Morales, una naming kinumusta ang puso niya nang muli siyang makapanayam ng PEP.ph (Philippine Entertainment Portal) kamakailan.
“Nagpapahinga,” natatawa niyang lahad.
Pagpapatuloy pa ng actress/singer, “Relaxed lang, steady lang naman yung aking puso.
“I'm okay, I'm okay, I'm happy with whatever… kung anong nasa position ko ngayon.”
Banggit pa namin kay Vina, kapansin-pansin na wala na siyang post tungkol sa kanila ng foreigner na si Andrew Kovalcin na unang napabalitang kasintahan niya Nobyembre nung nakaraang taon.
Read: Vina Morales confirms breakup with boyfriend Andrew Kovalcin
“Minsan talaga dumadating sa point na hindi ka na masyadong nagpo-post, tinanggal pala? Hahaha!”
Masasabi ba niya na ngayon ay sa kanyang career at sa anak niyang si Ceanna siya nakapokus?
“I would say I'm in a position that I am happy even I'm not seeing someone.
“Ayan na naman,” at muling tumawa si Vina.
“I always believe kasi pag hindi mo… hindi right person, it will never happen.
“Ayoko kasi… nasa point ako ngayon na ayokong ipilit, kasi nung kabataan, maski nakikita mong may mga red flag, ipipilit mo pa rin hangga’t nasasaktan ka na.
“So ngayon nare-realize ko that if it's not really meant for you, huwag mo na ipilit, because I know there's always somebody right for us.
“Maybe it's also not the right time dahil ako personally, hindi pa ako the right person for my partner, so I'm still in a process to be a better person.
“Kaya siguro hindi pa naibibigay sa akin, pero kasi ngayon ang priority ko is hindi…you know, a relationship.
“Priority ko is my daughter, Ceanna and yung trabaho pa rin, trabaho.
“Pero if there's another chance na magkaroon ako to be in a relationship, bakit hindi?
“Pero hindi na iyan yung main goal ko, kasi hindi mo masabi talaga kung kayo, o kung tatagal ba, o forever ba.
“Mahirap magsalita ngayon. Ako, I'm taking it one day at a time.”
Speaking of trabaho, magkakaroon si Vina ng concert, ang “The Ultimate Performer: Vina Morales, Live In Concert sa November 16 sa ballroom ng Winford Resort and Casino Manila (sa likod ng SM San Lazaro), sa direksyon ni Vergel Sto. Domingo at mula sa VCSD Entertainment Productions.
Front act performers sina David Young at Nathan Randal (a Viva Artists Agency talent).
Special guests naman sa concert sina Dindo Fernandez, (dubbed as the “Soulful Balladeer”) at ang Crossover Diva na si Niña Campos.
VINA NO COMMENT ON CEDRIC LEE
Samantala, naging malaking balita ang tungkol sa ama ni Ceanna, si Cedric Lee na ngayon ay nakapiit sa bilangguan.
Hindi naman nagdamot si Vina ng pahayag tungkol dito…
Aniya, “I think I'm not…I'd rather not comment on that, kasi very ano yung situation, but Ceanna and her dad are on good terms.
“She was able to visit her dad already, so we're praying for him. You know, si Lord lang nakakaalam e, so mahirap mag-comment tungkol diyan.
“Basta we're all on good terms.”
Read: Vina Morales, single at "hindi in love"; may co-parenting set-up na with Cedric Lee
VINA PROUD OF HAVING CAMPAIGNED FOR ROBIN
Iniba naman namin ang topic sa pagbanggit na ang isang taong dating malapit sa kanya, si Senator Robin Padilla, ay isang senador na ngayon…
“Oo naman, nangampanya ako doon,” at tumawa si Vina.
Ikinampanya niya si Robin.
“Of course,” bulalas pa ni Vina, “you know, during that time… alam naman ni Robin that every time he needs me, nandiya-diyan naman ako, and vice versa.
“Iyon, I'm happy that he's the number one senator, I'm glad na naging parte ako.”
VINA NOT INTERESTED IN PURSUING career in POLITICs
At dahil nalalapit na muli ang eleksyon, tinanong namin si Vina kung siya ba ay umabot rin sa puntong naisip pasukin ang pulitika?
“Honestly, na-offer sa akin yan before, as Councilor, pero hindi ko talaga ano e, I couldn't see myself being in politics.
“Kasi parang para sa akin, napakalaking responsibility yan.
“I mean, I have a lot of responsibilities now as an actress or as a singer, as a performer, as an entrepreneur.
"Pero pagdating sa kababayan natin, malaking responsibility iyan, so I'd rather serve or help through my music or through shows or charity events, yung mga ganun.
“Pero wala, ibang klase yung nasa politics. So parang hindi ko napi-picture yung sarili ko na magiging isang pulitiko.”