Handang-handa na sa panghabambuhay na pagsasama ang professional basketball star na si Kiefer Ravena at beauty queen-actress na Diana Mackey.
Sa Instagram nitong Huwebes, October 31, 2024, nang gulatin ni Kiefer ang kanyang mga tagahanga nang magpost siya ng mga litratro sa Instagram na may caption na, "October to remember."
Sa mga picture makikita ang naging travel nila ni Diana sa ibang bansa.
Hanggang sa huling litrato ay makikita si Diana na may suot-suot na diamond ring habang siya ay nakayapos kay Kiefer.
Sa comments section ng post ni Kiefer ay nakumpirma ang engagement ng dalawa nang marami sa kanilang mga kaibigan ang nagpahatid ng suporta at congratulatory messages.
Komento ng beauty queen ding si MJ Lastismosa, "May paandar sa dulo, Congratulations beshicakes!!!"
Dagdag pa ni Gazini Ganados (published as is), "FINALLYYYTY CONGRATS TWINNN @dianacmackey."
Saad naman ng professional basketball player na si Bobby Ray Parks (published as is), "Congratulations fam. thats big time!"
DIANA GREETS KIEFER ON HIS 31ST BIRTHDAY
Ang pagsasapubliko sa engagement ng dalawa ay nangyari tatlong araw matapos makumpirma na magkasintahan na sina Kiefer at Diana.
Mismong si Diana ang nagsapubliko nito nang mag-post siya sa Instagram noong Linggo, October 27, 2024, ng mga kuha ng litrato nila ni Kiefer.
Noong October 27, ipinagdiriwang ni Kiefer ang kanyang ika-31 na kaarawan.
"Best plot twist" ng 2024 kung ituring ni Diana ang pagkakakilala niya sa nobyong si Kiefer.
Aniya (published as is), "Happy birthday @kieferravena15 the best plot twist of my 2024 [laughing emoji] getting to know you has been the craziest yet most exciting adventure."
Read: Former PBB housemate Diana Mackey admits pressure in joining Binibining Pilipinas 2022
Inilarawan din ni Diana si Kiefer bilang boyfriend na mapursigi at maalalahanin, dahilan para mas lalo niya itong hangaan at mahalin.
Saad ni Diana (published as is), "You are the most hard working, passionate, caring person I know and you continue to amaze me everyday.
"Couldn’t be prouder of you and all the amazing things you have and will accomplish."
Sa huli, hiling ni Diana ang marami pang blessings kay Kiefer at marami pang taon nilang pagsasama bilang magkasintahan.
Sabi niya, "Cheers to celebrating our first of many birthdays together! Mahal kita [finger heart emoji]
"P.S. can’t wait to watch you play live and be the annoying overly supportive girlfriend sitting on the bench."
Read: Kiefer Ravena, Diana Mackey confirmed to be in relationship
Sa comments section ng post ni Diana ay agad namang nag-reply si Kiefer para siya ay pasalamatan.
Komento nito, "Thank you, My love!! I love you!"
DIANA AND KIEFER SPOTTED TOGETHER IN SIARGAO
Noong July 2024, unang naintriga ang relasyon nina Diana at Kiefer nang maispatan silang magkasamang nagbabakasyon sa Siargao.
Sa mga video na kumalat noon sa social media, makikita ang pagiging malapit at sweet sa isa't isa ng dalawa habang sila ay naglilibot sa Siargao.
Read: Kiefer Ravena cries foul over cheating allegations after breakup with Alyssa Valdez