Pumanaw si former Pagsanjan, Laguna mayor Girlie “Maita” Ejercito dahil sa endometrial cancer ngayong Linggo, Nobyembre 3, 2024.
Binawian ng buhay si Girlie sa St. Luke’s Medical Center, Quezon City.
Siya ay 55.
Si Girlie ay asawa ng aktor at dating Laguna governor ER Ejercito.
Read: Mag-asawang ER Ejercito at Girlie Ejercito, tatakbong mayor sa magkaibang bayan sa Laguna
Si ER ang nagkumpirma ng malungkot na balita tungkol sa pagpanaw ng kanyang asawa sa pamamagitan ng isang Facebook post ngayong Linggo ng umaga.
Nakasaad dito: “My lovely and beautiful wife, our dearly beloved Mayora Girlie “Maita” Javier- Ejercito of Pagsanjan, Laguna just passed away due to endometrial cancer at 12:01 am, November 3, 2024 at St. Luke’s Medical Center, Quezon City.
“She was 55 and we have six children, Eric, Jet, Jerico, Jhulia, Diego and Gabriela.
“Heartfelt thanks for all your love and prayers.”
Inihayag ni ER na nakatakdang iburol at paglamayan ang mga labi ng kanyang asawa sa tahanan nila sa The Don Porong Ejercito, 1912 Ancestral Mansion, Pagsanjan Laguna.
POLITICAL AND SHOWBIZ CAREER
Nagsilbi si Maita bilang alkalde ng Pagsanjan mula Hunyo 30, 2010 hanggang Hunyo 30, 2019.
Naglingkod din siyang bise-alkalde ng Pagsanjan noong Hunyo 30, 2019 hanggang Hunyo 30, 2022.
Nahalal si Maita bilang national President ng League of Municipalities of the Philippines (LMP) na pinamunuan niya mula 2010 hanggang 2016.
Bago siya sumabak sa pelikula ay pinasok muna ni Girlie ang showbiz gamit ang screen name na Maita Sanchez.
Karamihan ng mga pelikulang ginawa ni Maita ay action films na ang bida ay ang pumanaw na King of Philippine Movies na si Fernando Poe Jr.
Kabilang sa mga ginawa niyang pelikula ang Sa Dulo ng Baril (1988), Lagalag: The Eddie Fernandez Story (1994), Minsan Pa: Kahit Pagtingin Part 2 (1995), Hagedorn (1996), Pagbabalik ng Probinsyano (1998), Ang Dalubhasa (2000), at Batas ng Lansangan (2002).
Huling napanood si Maita sa Shake, Rattle & Roll The Extreme na ipinalabas sa mga sinehan noong 2023.
Read: Former sexy star Maita Sanchez and now Pagsanjan Mayor Girlie Ejercito open for showbiz comeback