Sa kauna-unahang pagkakataon ay nagsalita na si Victorias City, Negros Occidental Mayor Javi Benitez, tungkol sa matagal nang bulung-bulungang hiwalay na sila ng aktres na si Sue Ramirez.
Noong October 2024, nagsimulang naintriga ang kanilang relasyon nang mapabalitang nagwakas na ang halos limang taon nilang pag-iibigan.
Read: Sue Ramirez opens up about managing LDR with Victorias City Mayor Javi Benitez
Hanggang ngayong Sabado, November 9, kinumpirma ni Javi na nagwakas na ang relasyon nila ni Sue, apat na buwan na ang nakararaan.
Sa kanyang Facebook post, inihayag ni Javi ang desisyon nila ni Sue na tapusin ang kanilang relasyon na puno ng pagmamahal at pag-asa sa isa't isa, na balang araw ay matatagpuan din nila ang tamang tao para sa kanila.
Aminado ang alkalde na hindi naging perpekto ang limang taong relasyon nila.
Katulad ng ibang relasyon ay dumaan din daw sila sa mga pagsubok, na siyang nagpatibay sa pagmamahalan nila sa isa't isa.
Mababasa sa kanyang post (published as is): "For the last five years, as Inday Sue and Toto Javi, two Negrosanons from different worlds, we built a world of our own.
"It was full of love, dreams, laughter, and all the ups and downs in a relationship where you shared your life with someone.
"There were no outside forces, just two hearts finding their way together.
"Four months have passed since our paths quietly and respectfully went their separate ways."
JAVI DESCRIBES SUE AS A GIRLFRIEND
Nagkahiwalay man, hindi raw nagsisisi si Javi na nakilala at naging nobya niya si Sue na may ginintuang puso at talento.
Saad ni Javi, "I look back with so much gratitude for the smiles, the laughter, and all the little joys we shared.
"Sue is a beautiful soul, a gem in the entertainment world, a true talent who showed me that love can be both fierce and gentle."
Read: How Sue Ramirez deals with "hindi ako maganda" moments
Wala raw ibang hangad ngayon si Javi kundi ang kasiyahan at pagmamahal na karapat-dapat matanggap ni Sue.
Aniya, "I wish her nothing but happiness and the love she deserves. Here’s to those good times, held close to my heart and to the grace of whatever lies ahead.
"I hope she continues to share her God-given talent with many more, touching lives as she has touched mine."
Sue, Dominic Roque spotted together in Siargao
Ang pagsasalita ni Javi sa hiwalayan nila ni Sue ay nangyari isang araw matapos mag-viral online ang larawan ng aktres kasama ang aktor na si Dominic Roque.
Sa viral na video ng isang netizen nitong Biyernes, November 8, makikita si Sue na kahalikan ang ex-fiancé ni Bea Alonzo na si Dominic sa isang bar sa Siargao.
Read: Bea Alonzo not blaming Dominic Roque for their breakup
Ayon sa Reddit, kuha ang video nina Sue at Dominic sa isang bar sa General Luna, Siargao, kunsaan parehas na nagbabakasyon ang dalawa.
Tila tugma naman ito sa Instagram Stories at post nina Sue at Dominic.
Noong Huwebes, November 7, 2024, nag-post si Sue sa Instagram ng larawan niya habang siya ay nasa Lamari, Siargao.
Nitong Biyernes, November 8, naman nag-post si Dominic sa kanyang Instagram Stories habang siya ay nasa isang resort sa General Luna, Siargao.
Read: Sue Ramirez spotted kissing Dominic Roque; are they an item?