Sa likod ng pagnanais magpatawa sa audience, inamin ni Jon Santos, 58, na may personal siyang pinagdadaanan dala ng ina at asawa na parehong may sakit.
"Isang taon na akong caregiver to two important patients in my life. Oo, the mama and the darling," kalmadong saad ni Jon sa eksklusibong panayam ng PEP.ph (Philippine Entertainment Portal).
Ang mga magulang ni Jon ay nakatira sa Silang, Cavite.
Parehong 85 years old ang kanyang ama na si Lito at ina na si Zeny.
Ang ina ni Jon ay maysakit, habang ang ama niya ay malakas pa.
"There's a little farm where my mom is. Medyo bedridden. She's slowed down a lot. May pulmo issues," pagbabahagi ng comedian.
At dahil matanda na ang ina, marami raw silang "conversations about ano nang next, ano mangyayari, eventualities."
Hindi madali para kay Jon na makitang mahina ang ina. Pero silver lining daw para sa kanya ang mas lumalim nilang relasyong mag-ina.
"It brought us closer. Kasi there's this cloud, may parang elephant in the room. Somebody is sick and surrounded by oxygen tanks.
"Mapapatanong ka, 'What do you pray about?' It made the conversations deeper and lighter. Alternating yun, deeper and lighter.
"There's this gratitude din. Yung mga kuwentuhan namin includes things like, 'Mabuti pala we did all the traveling together nung malakas ka pa.'
"We're travel buddies. We went to Europe, minsan Amerika, minsan Asia. May kahalong I was working."
Sinasama raw niya ang ina kapag may concert si Sharon Cuneta sa San Francisco, California, kasama si Jon.
"Sabi lang niya talaga, 'Mabuti na lang we were also the type of people who knew how to seize the day.
"Mabuti na lang all the traveling we did together as a family, and just you and me.
"Marami kaming mabuti na lang," saad ni Jon.
Kahit apektado ang mobility ng ina ay "sharp" pa rin daw ito mag-isip.
Kaya malaking bagay kay Jon kapag napapatawa niya ang ina.
"She's staying sane, staying grateful," dagdag ni Jon.
Read: Jon Santos to impersonate Olivia Rodrigo, BINI?
JON SANTOS ON HUSBAND WEST
Ang asawa ni Jon na si West Stewart ay 69 taong gulang. Isa itong retiree sa Pilipinas.
Nagpakasal sila sa pamamagitan ng isang civil wedding ceremony sa Canada noong August 24, 2005.
Ngayon ay may sakit sa puso ang asawa ni Jon.
"Nakatawid ng dalawang surgery sa puso!" bulalas ni Jon.
Sumailalim daw sa surgery si West para ayusin ang valve sa puso nito.
Pero hindi raw ito makaalis ng ospital ngayon dahil may na-detect na ibang problema sa heart rhythm nito.
Gumagamit daw ng pacemaker si West ngayon.
Pero kahit seryoso ang kondisyon ng partner, likas daw kay Jon ang daanin sa pagpapatawa ang sitwasyon.
Biro raw niya minsan dito: "Minsan tinitingnan ko, e. 'Don't die ha! Wag ka ma-heart attack!'"
Paliwanag ni Jon, "You can laugh about it. Actually, equal opportunity offender ako. Parang walang bawal pagtawanan. Lahat ipa-punchline kasi it heals."
Biro pa raw niya minsan, "Iyang pacemaker ba na iyan puwede i-charge? Pinapatay sa gabi? Sa umaga I will turn you on? Solar na ba iyan?"
Patok naman daw ang biro ni Jon kay West.
Read: BJ Pascual, Rajo Laurel, Jon Santos join Drag Race Philippines as panelists
FINDING THE GOOD IN THE LOW MOMENTS
Dito raw natutunan ni Jon na totoong nakakapagpagaan ng pakiramdam ang pagpapatawa.
"Nagulat ako. Despite how corny or how trite, it can really be the best medicine. E, ganun, e.
"Pag nagagawa mo pa rin tawanan, it's going to be alright.
"Mas na-appreciate ko kasi madaling mahila into a very dark place.
"Pasyente number one, nasa Makati [hospital for my partner]. Tapos kalahati ng linggo, lilipad ka sa probinsiya kasi kailangan ka rin ni Mama.
"And then, it's a house, but you're really running a little ward. 'May tangke pa ba ng oxyrgen? Mayroon pa bang lampin? Bibili ba na bago ng gloves? May food ba?' Round the clock.
"Sa kabila naman, 'Aabot ba hanggang next week ang huling bilin natin sa Mercury Drug ng mga gamot?'
"Her pulmo issues and my asawa's puso issues kept me medyo occasionally overwhelmed.
"So, 'Ay, tumawa naman tayo!' Kasi it really brings people together. It really makes you feel less alone."
Back and forth si Jon dito sa Pilipinas at sa Amerika dahil naroon ang pamilya ni West at may mga cardiologist din ang asawa doon.
Pero ngayong nasa Pilipinas si Jon ay nakakagawa siya ng iba-ibang proyekto.
Isa siya sa mga hurado sa Drag Race Philippines Season 3, ang reality competition ng drag queens, na nagtapos noong Oktubre 9.
Sabi ni Jon, "It's all good. I will still choose to be grateful."
DECEMBER CONCERT
Sa December 7, gaganapin ang one-night concert niya sa SM Aura Premiere sa BGC, ang Jon Santos Is Coming To Town.
"Before, my shows are talk, talk, talk, monologue, monologue, monologue.
"Now, there's a little more music, a little more Jon. It's like a very big Christmas party."
Bago raw para kay Jon ang magkaroon ng show ng Diseymbre.
"I've done Valentine's, I've done New Year. I've done siyempre halalan shows, rock-the-boat type of projects.
"It's a feel-good kind of show that we need."
Sa puntong ito, ikinuwento ni Jon na bukod sa research ay nakadagdag sa libangan niya ang magbasa ng articles sa PEP.
"Nakakatulong din ang content niyo, kasi nakakatawa kayo. Kung anu-anong natutunan ko.
"In fact, I needed to consult your site to double check stuff I can talk about in the show.
"Wow! Nag-curate ako alphabetically from A to Z. A-Alice. B-Bamban. C? Kulang pa ako. Butas-butas pa.
"In my head nag-curate ako. Ano ba magandang letter? F- Familia Yulo!"
Naa-update daw si Jon sa showbiz sa PEP.
"Kasi mahirap mahirap pag wala ka lagi. Hindi ka naman lagi online. Nahuhuli ka sa balita."
grateful for good health
Sa huli, ibinahagi ni Jon na inaalagaan din niya ang sarili.
"One more thing I learned about myself, I'm healthy pala. May dahilan," napapangiting saad ni Jon bilang pagtukoy sa pag-aalaga niya sa ina at asawa.
"Napilitan ako magpa-check up ng lahat-lahat na ng kailangan alamin.
"Tsaka, di ba, last year we went through so many goodbyes. Si Floy [Quintos], recently si Robert Alejandro, an artist I really admire.
"So, na-remind ako, I'm extra aware of... Sinong nagsabi si Moira Keith, 'We are not promised tomorrow.'"
Read: Robert Alejandro, former Art Is-Kool host, passes away at 61
Kaya kahit mahirap ay dapat daw enjoy-in ang buhay.
"Sa lahat, seize the day. Pag merong opportunity to escape, take a break, and kahit dalawang oras man lamang tumawa tayo sa isang maliit na teatro sa SM Aura.
"At mag- escape to a world where the boy gets the girl, the girl gets the boy, the kontrabida gets defeated, at lahat tayo nagmamahalan.
"Then we copy it again tomorrow."