Panay ang papuri ni Piolo Pascual kay Vic Sotto.
"I’ve always been a fan. Kapag nakikita ko siya, para akong nangangarap. It was like living my dreams, you know, ang makasama ko ang isang Vic Sotto. Wow!”
First time magkatrabaho ng dalawa sa The Kingdom, ang pinagbibidahan nilang pelikula na opisyal na kalahok sa 2024 Metro Manila Film Festival.
Read: Piolo Pascual, "kinilig" sa unang pagsasama nila ni Vic Sotto
Read: Piolo Pascual, "kinilig" sa unang pagsasama nila ni Vic Sotto
During the film's mediacon noong Nobyembre 29, 2024, Biyernes ng gabi, sa Novotel Manila Araneta City, Cubao, Quezon City, hindi raw kaya sa ilang salita ang gusto niyang sabihin sa veteran comedian.
Aniya, “Naku, hindi tayo matatapos. Sobra akong fan ni Bossing. Bata pa lang ako, pinapanood ko na all his films, his TV shows.
"And to be able to act alongside this guy, an icon, for that matter, totoo bang nangyayari ito?"
Inilarawan din niya si Vic bilang katrabaho.
“It’s very surreal for me until now and it’s such a privilege to see firsthand, the kind of person that he is, on- and off-cam.
"Totoo ang sinasabi ng mga tao—simpatico, napakabait sa set."
Singit ni Vic, "Boy-next-door!"
Nag-agree si Piolo, "Boy-next-door!"
Sa ka niya idinugtong, “As an actor, mas humanga ako sa kanya nang sobra, because just the same for me, my role is very hard, but even Bossing helped me to just really focus on my character.
"Hindi siya nagdyu-joke sa set. Parang baguhang artista ba. Hindi siya yung ‘know it all.’ Ang dami niyang tanong kay Direk Mike [Tuviera].”
Dugtong pa ni Piolo, “Yung pagmamahal niya sa craft, i-a-admire mo. Kasi, sa tagal niya sa industriya, hindi na kailangan, e. But because he loves what he’s doing, that’s why he had so much of my respect.”
PIOLO PRAISES VIC’S DRAMATIC PROWESS
Dahil mas nalinya si Piolo sa drama, tinanong siya kung paano niya i-a-assess si Bossing bilang isang dramatic actor.
Sagot ng 47-year-old star, “I think, it also helps na this is our first time together and in a film acting for that matter.
“Napapanood ko lang siya sa TV. Sa Enteng Kabisote, Okay Ka Fairy Ko, I have to say, I saw the King. I saw the Lakan. He didn’t break the character, not once."
Ang tinutukoy ni Piolo ay ang role ni Vic sa The Kingdom bilang Lakan Makisig, hari ng Kingdom ng Kalayaan.
Pagpapatuloy niya, “Once na naka-costume siya, hindi ko siya makakausap. Nasa isang tabi, studying his lines. He’s really a pro. So, you have to give your best as well.
"Kasi bihira kang makatrabaho ng isang katulad ni Bossing Vic Sotto na tinitingala ng lahat.
“Hindi dahil lang sa galing, kung hindi dahil sa tagal na rin niya sa industriya. He knows what he’s doing, but he’s always up for the challenge.
"So, sobra talaga ang respect ko sa kanya. At sobra kong na-enjoy ang mga eksena namin. Hindi ka matatawa, madadala ka pa lalo.
“So, he really proves to us that he’s a chameleon. So matutuwa kayo at mapa-proud kayo sa ginawa ng isang Vic Sotto rito sa The Kingdom.”
May laban ba si Bossing Vic sa pagka-Best Actor versus possible contenders na sina Aga Muhlach, Vice Ganda, Dennis Trillo, at iba pa?
“Sobra,” ang nakangiti at mabilis na sagot ni Piolo.
PIOLO WISHES FOR BOX-OFFICE SUCCESS MORE THAN AWARDS
Noong nakaraang MMFF, isa si Piolo sa may maraming award na napanalunan para sa pelikulang Mallari. Sa pagkakataong ito, sa The Kingdom—award o box-office ang mas gusto niya?
“Gusto kong manood ang tao,” saad niya.
“Bago ang award, box-office muna. You have to make sure that your producers get their business back or their money back. Wala kang itulak-kabigin sa pelikula kaya wow, wala na ‘kong masasabi. Nasa tao na ‘yan.”
Ang The Kingdom ay prinodyus ng MQuest Ventures, MZet Entertainment at APT Productions. Kasama rin sa pelikula sina Cristine Reyes, Sue Ramirez, Cedric Juan, Nico Antonio, Zion Cruz at Sid Lucero.