Pasok sa Top 5 ng The Voice USA ang Filipino-American singer na si Sofronio Vasquez.
Indikasyon itong magpapatuloy na siya sa final round kunsaan susubukan niyang mapanalunan ang titulong The Voice USA Season 26 champion.
Noong Lunes, December 2, 2024, pinabilib ni Sofronio ang The Voice USA coaches at viewers nang kantahin niya sa live show ang Elvis Presley's 1960 hit song na "If I Can Dream."
Read: Lisa Marie Presley, daughter of Elvis Presley, dies at 54
Bukod pa rito ang pakikipag-duet niya sa kapwa contestant na si Jeremy Beloate.
Ang pag-abante ni Sofronio sa finals ng The Voice USA ay dahil sa nakuha niyang online votes mula sa netizens.
SOFRONIO ExpresseS gratitude to all WHO SUPPORTed HIM
Sa sobrang kaligayahan, agad nag-post sa Facebook si Sofronio para ibalita ang pagkakasama niya sa grand finals ng sikat na singing reality competition.
Kalakip nito ang pasasalamat niya sa lahat ng Pilipinong tumulong, sumuporta, at nagmamahal sa kanya. Gayundin sa lahat ng mga kababayan niya sa New York.
Mababasa sa caption ng singer (kalakip ang litrato niya): "WE MADE IT TO THE FINALE
"Thank you so much to my Filipinos everywhere and in America who gave so much love and support. And Of course, I wanna say Maraming Salamat to my hometown Utica, Upstate New York, Mohawk Valley and Everyoooneeeeeeeeeee!
"Grabe kayo. One last voting nextweek for Finale. Please continue to pray for me. #TeamBublé All the way."
Ang TeamBuble na tinutukoy ni Sofronio ay ang napili niyang coach sa The Voice USA, ang Canadian singer-songwriter na si Michael Bublé.
Bukod kay Michael, coaches din sa edisyong ito sina Snoop Dogg, Gwen Stefani, at Reba McEntire.
Read: Bruno Mars, Snoop Dogg notice Filipino "Kalokalikes"
Bago sumali si Sofronio sa The Voice USA ay naging contestant siya sa "Tawag ng Tanghalan" segment ng ABS-CBN noontime show na It's Showtime.