Naghubad si Andrew E sa kanyang 1 Time For Your Mind concert nitong Disyembre 11, 2024, Miyerkules ng gabi, sa New Frontier Theater sa Cubao, Quezon City.
Sa encore number niyang "Banyo Queen," kung saan nakatayo na ang audience na nakikanta, nakisayaw, at nakihiyaw sa kanya, hinubad ni Andrew ang kanyang black Prada jacket at inihagis sa mga tao.
Tatlong lalaki ang nag-agawan!
Read: Andrew E., 34 taon ang hinintay para sa first major concert
Hinubad kapagkuwan ni Andrew E ang kanyang rubber shoes at inihagis sa mga manonood.
Tumalikod si Andrew E at hinubad ang kanyang pantalon, at inihagis sa audience.
Nakakahibangers, Bini B. Rocha!
Sa pagtatapos ng concert, ang suot na lang ni Andrew ay T-shirt, short, at medyas. Mali Vodka!!!
Kapagkuwan ay isa-isang niyakap ni Andrew E ang mga musikero sa entablado.
Nag-backup singer si Martin Nievera. Ang cute!
Umakyat sa entablado si Sam Verzosa at may pa-congratulatory cake na gawa ng Fernando’s.
Hinila ni Andrew papunta sa center ng stage ang wifey niyang si Mylene Espiritu na mangiyak-ngiyak, tila hiyang-hiya at tinatakpan ang mukha, ngunit bakas sa mukha ang kasiyahan at pagiging proud sa tagumpay ng first-ever major concert in 34 years ni Andrew sa music industry.
Masuyong niyakap ni Andrew E at hinalikan sa pisngi ang kanyang asawa.
Read: Andrew E. cites reasons he is still a hit even with new audience
LABUBU, HEAVEN, AND TAKI AT ANDREW E'S CONCERT
Ang finale number ni Andrew E ay "Humanap Ka Ng Pangit," kung saan ang Labubu mascot ay nagpaagaw ng mga Labubung tunay.
Ang isa sa guest stars na si Heaven Peralejo ay umakyat sa stage at nanghingi ng Labubu.
Sa pag-awit ni Andrew E ng ballad na "Mahal Kita," ipina-flash sa screen ang mga litrato ni Taki Saito ng J-pop girl group na Faky.
Ang 24-anyos na si Taki ay dugong-Pilipino, at naging bahagi noon ng Eat Bulaga!, Calle Siete, at Trops sa GMA-7.
Magtatambal sina Andrew E at Taki sa pelikulang What Lies Hidden — coming this summer 2025 sa Amazon Prime Video.
Kasunod ng "Mahal Kita" song ang emotional number ni Andrew E.
Nakaupo lamang siya at payuku-yuko sa gitna ng entablado habang inaawit ang ending theme song ng Voltes V na "Chichi Wo Motomete (I Want Father)."
Sa LED screen ay ipina-flash ang mga litrato ng kanyang namayapang ama.
Read: Andrew E., relevant pa rin sa music industry after 34 years
ANDREW E PERFORMS WITH SONS, SALBAKUTA, HEAVEN, REGINE
Naka-duet ni Andrew E ang panganay na si Fordy habang nagpo-pole dancing si Sheree.
Afterwards ay naki-join sa jamming ang dalawa pang anak ni Andrew E na sina Jassley at Ichiro.
First time na nakasama ni Andrew E sa pagpe-perform onstage ang tatlo niyang anak.
Iyong collab ni Andrew E with Anygma ay napakatagal din daw niyang hinintay.
Naka-duet ni Andrew E si Heaven Peralejo sa "APT" at "Alabang Girls."
Ang solo number ni Heaven ay "Killing Me Softly with His Song." Ibang-iba kay Roberta Flack ang bersyon ni Heaven.
Ang Salbakuta ay bumanat ng "Stupid Luv," at kasama si Andrew E sa interactive number with rapper Nasty Mac na pumanaw noong 2008.
Nakakatuwang marinig muli ang duet nina Andrew E at Regine Velasquez sa "That’s Why I Love You" (2004).
Payanig siyempre ang solo number ni Asia’s Songbird na "Pangako."
Read: Andrew E. weighs in on current generation of Pinoy rappers
ANDREW E AND MARTIN NIEVERA
Ang angas ng mash-up nina Andrew E at Martin Nievera ng "Andrew Ford Medina" at "Easy Lover." Ang likut-likot nila pareho!
Afterwards, ang sabi ni Martin bago ang solo number niya, “Andrew E, what am I doing here? You’re probably wondering what a balladeer like me is doing here tonight.”
Siyempre, panay-panay ang pakuwela ni Martin.
Hirit niya, “Andrew and I started many, many years ago. We were both very confused. And as you can see, we still are.
“But I want you to know this is my very first Andrew E experience. The man… the man is a genius!
“I’ve never seen someone so amazing, and how he handles the crowd the way he does. There truly is only one Andrew E.
“Right?! Where have you been? Where has this man come from? Now Andrew E has given me a brand new song that he wants me to try…”
Poker-faced na eme ni Martin habang may prelude na pinapatugtog, “Andrew wrote this song himself, and he wants me to sing it to all of you for the very first time. I see some record producers on the audience, I hope you like this.
“Give me the key… I hope you like this.”
Ang solo numbers ni Martin ay ang walang kamatayang "Be My Lady," at ang "Say That You Love Me."
Ang 1 Time For Your Mind ay prinodyus ni Jonathan Wee ng Ticket1 Concerts.