Ilang linggo matapos ang cheating issue na kinasangkutan nina Maris Racal at Anthony Jennings ay hindi pa rin nakikitang magkasama ang dalawa.
Ito ay kahit magkasama sila sa Incognito, ang bagong Kapamilya action drama na eere na sa susunod na buwan.
Usap-usapan nga ngayon online ang hindi pagdalo ni Maris sa Christmas party ng naturang teleserye noong gabi ng Biyernes, December 20.
Sa ilang mga video at pictures na kuha sa party na naka-upload sa Facebook, Twitter at Tiktok, kitang-kita na nagkakasiyahan ang cast ng Incognito. Kasama ni Anthony sa sayawan at kantahan sina Daniel Padilla, Polo Ravales, Kaila Estrada, Ian Veneracion at Richard Gutierrez.
Wala si Maris sa lahat ng videos at photos ng party.
Hindi malinaw kung bakit wala si Maris sa naturang kasiyahan.
Read: Anthony, Jamela, Maris: The unfinished tale of a messy breakup
MARIS GOES TO MT. ULAP
Samantala, kumalat naman online ang mga picture ng recent hiking trip ni Maris.
Sa Facebook post ng tour guide na si Conz Asmin sa Facebook, kitang-kita na sumama ang Kapamilya actress sa pag-akyat sa Mt. Ulap sa Benguet.
In-upload ang mga hiking trip photos noong nakaraang Sabado, December 14.
Wala sa social media pages ni Maris ang mga larawan. December 2 pa ang last na post ng aktres sa kanyang official Facebook page.
Matatandaang dineactivate ni Maris ang kanyang Facebook page noong pumutok ang cheating scadal sa simula ng buwang ito.
Ngunit napansin ng fans na binalik din ni Maris ang Facebook page niya noong December 16.
May 3 million followers si Maris sa nasabing Facebook page.
Read: Maris Racal breaks silence after revelations of Anthony's ex