Maayos raw na katrabaho ang FranSeth tandem, ayon kay Roselle Monteverde, CEO ng Regal Entertainment.
Ang Regal ang producer ng My Future You, ang pelikulang pinagbibidahan nina Francine Diaz at Seth Fedelin na ipapalabas sa paparating nang 50th edition ng Metro Manila Film Festival (MMFF).
“Very professional, they are passionate,” ang simpleng papuri ni Roselle sa Kapamillya loveteam.
Nakausap ng PEP.ph ang veteran showbiz producer sa private screening ng My Future You ngayong Linggo, December 22, sa isang mall sa Quezon City.
Pagpapatuloy niya, “They wanna be perfect, I think. Kasi I think, ano sila e, not just artists but people who are sincere.”
Read: Seth at Francine, nagulat sa kinalabasan ng My Future You
ROSELLE IMPRESSED WITH FRANSETH'S PROFESSIONALISM
Kuwento pa ni Roselle, na-impress daw siya sa professionalism nila bago pa man simulan ang shooting ng pelikula.
“Doon pa lang sa aming first storycon, na just with the artists, alam na nila yung lines, nabasa na nila yung script. So, sa producer it’s a big relief,” saad niya.
Pinili raw ng Regal Films ang FranSeth tandem para bumida sa My Future You dahil ramdam ang partnership ng dalawa.
“Because in the first place, when you do a romantic movie, there should be a chemistry between the couple. With this one, there’s a genuine chemistry. I don’t know if they are on or not, but I see the sincerity between the both of them,” sabi ni Roselle.
Kahit daw sa shooting ay kitang-kita ang sinseridad ng dalawa sa isa’t isa.
“Kasi on- and off-cam, I would see them talking talaga e, and I would see them in the shoot na nagtutulungan sila sa dialogue,” dagdag pa ng film producer.
Sa December 25 na ipapalabas ang My Future You. Ayon sa mga balita, kaunti lang ang cinemas na magpapalabas nito sa simula ng MMFF.
ROSELLE PRAYS FOR MORE CINEMAS FOR MY FUTURE YOU MMFF RUN
Umaasa raw si Roselle na madagdagan ang mga sinehan ng kanyang pelikula.
“We’re hoping na because of the word of mouth, kumalat na tayo, dumami pa ang cinema.”
Maganda naman daw kasi ang feedback ng mga una nang nakapanood ng My Future You.
“I’m so glad because after the gala premiere, ang daming magandang feedback. And I really want na sana magka-work of mouth na maganda yung pelikulang ito. It’s very inspirational. Feel-good and good vibes for Christmas. It’s not just a romantic story but it’s really for the family,” sabi pa ni Roselle.
Kasama rin sa cast ng My Future You sina Christian Vasquez, Bodjie Pascua, Peewee O’Hara, Almira Muhlach, Vance Larena at Izzy Canillo.
Read: My Future You, dark horse sa Metro Manila Film Festival 2024