Si Ma. Thea Judinelle Casuncad ang ikalawang Pinay na nanalo bilang Miss Supermodel Worldwide.
Ginanap ang coronation night sa New Delhi, India, noong Mayo 2024.
Tatlumpu’t anim na kandidata mula sa iba't ibang bansa ang nakalaban ni Thea.
Read: All Miss Universe winners throughout the years
Saad ni Thea tungkol sa kanyang pagwawagi: “Sobrang laki po ng pinagbago ever since I was crowned Miss Supermodel Worldwide 2024.
“I feel like I was given the recognition that I deserve.
"I have been a model since I was fourteen years old, and it’s truly amazing na parang lahat ng hirap ko since I was young, nare-recognize na.
“It’s hard getting rackets without a title in the Philippines.”
Dagdag niya, "I’ve been modeling since I was young so it’s really my passion, it’s really what I want to do.
“It’s really an amazing journey po and I can’t really explain it through words kasi sobrang overwhelming po yung nangyari, and super grateful po ako sa lahat.”
Nang tawagin ang pangalan niya bilang Miss Supermodel Worldwide 2024, ano ang unang pumasok sa isipan ni Thea?
“It was a rollercoaster ride, I wasn’t actually expecting it,” sagot ni Thea.
Magaganda at mga talentado rin daw ang mga nakalaban niyang kandidata mula sa iba’t ibang panig ng mundo.
“So when my name was called, it was very intense, very emotional.”
Read: Markki Stroem finishes 4th runner-up in Mister Universe 2024
Nakausap ng PEP.ph (Philippine Entertainment Portal) si Thea sa mediacon para sa tagumpay ni Thea sa Velvet Studio, West Service Rd. Bicutan, Parañaque City, noong December 7, 2024.
FRIENDSHIP WITH MISS NETHERLANDS
Isang hindi raw makakalimutang karanasan ni Thea sa India ay ang pagkakaroon ng bagong kaibigan sa katauhan ni Miss Netherlands.
Pagbabahagi niya: “Sobrang parang soul sisters kami, naging sobrang close po namin, parang years na po kaming magkakilala.
“Yung pinaka-unforgettable moment po is when I was talking to her on our way to the Taj Mahal.
“Sa sobrang kumportable ko po sa kanya hindi ko napansin na nagta-Tagalog na ako habang kausap siya!
“And she also did that to me, bigla siyang nag-Dutch sa akin kasi sobra na rin niyang comfortable sa akin.”
Read: Kirk Bondad breaks silence after failed Mr. World 2024 bid
Si Thea ay kasalukuyang kumukuha ng kursong Tourism sa University of Perpetual Help - Dr. Jose G. Tamayo Medical University sa Biñan, Laguna.
ON MEETING KABABAYAN ALDEN RICHARDS
May plano ba siyang pasukin ang show business?
“I actually like to continue modelling, do more commercials and print ad modelling.
“In terms of the showbiz industry, I think it’s not my passion or not the line for me,” nakangiting wika ni Thea.
Si Thea ay taga-Sta. Rosa, Laguna, tulad ng Kapuso actor na si Alden Richards.
Nakita na raw niya nang personal si Alden.
Lahad ni Thea, “I actually met Alden Richards last 2019 when I competed in Rosas Ng Sta. Rosa 2019. I actually own the title po.
“Si Alden po special guest po namin.”
Ano ang masasabi niya tungkol kay Alden?
“Guwapo, sobrang bango!” tumatawang bulalas ni Thea.
Nakita rin daw ni Thea si Alden sa airport nang papunta ang Kapuso actor para sa shooting ng Hello, Love, Goodbye (2019) sa Hong Kong kasama si Kathryn Bernardo.
“Kinita niya po kaming candidates ng Rosas ng Sta. Rosa."
Muli niyang nakita si Alden sa special screening ng Hello, Love, Again (2024) sa Sta. Rosa, Laguna.
Ano ang masasabi ni Thea na isang kababayan niya sa Sta. Rosa ay isa na ngayong superstar?
“Very humbling po kasi meeting him in person nakaka-inspire, nakaka-touch. Never niyang inalis yung pagtapak niya sa lupa,” aniya.
Read: PEP Most Influential 2024 Sure Bet: Alden Richards
MISS SUPERMODEL WORLDWIDE PHILIPPINE FRANCHISE
Samantala, ang Velvet Media, Inc. ang nagmamay-ari ng Philippine franchise ng Miss Supermodel Worldwide.
Ang mga opisyal ng Velvet Media, Inc. ay sina JJ Maghirang III, president & CEO; Jhovs Medico, managing partner; Mae Maghirang, director; Ronn Litao, Michelle Perez, and Bianca Lapus, directors.
Ang Miss Supermodel Worldwide Philippines Core Team naman ay binubuo nina Mae Maghirang, national pageant director; JJ Maghirang III, creative director; Reygie Rodriguez, Delegate Welfare & Training director and lead hair and make-up artist; Schanel Ivy Rain, event director; Bianca Lapus, PR director; Sam Sapo and Alex Moico, media relations head; John Henry Cabezas, photography and videography lead; Michelle Perez, operations director; Mae Maghirang, finance director; and Ronn Litao, sales and marketing director.
Kasabay ng mediacon ni Thea ay ang official sashing ng Miss Supermodel Worldwide Philippines 2025 candidates na ginnap din noong December 7
Dinaluhan ito ng dalawampung kandidata na sina Kimberly Flores ng Caloocan; Dyna Ruth Alguin ng Cavite; Lhorie Lyn Tiongco ng Laguna; Nina Lauroanna Flores ng Las Piñas; Mher Karizze Narciso ng Makati; Pia Carillo ng Mandaluyong; Doreen Ahija ng Pasay; Maria Christine Ordeviza ng Rizal Province: Alliza Patricia Juare ng Jose del Monte Bulacan; Abegyl Balbuena ng Sultan Kudarat; at Maria Sophia Magsipoc ng Taguig.
Ang coronation night ng Miss Supermodel Worldwide Philippines 2025 ay gaganapin sa January 24, Friday, 6 P.M., sa Newport Performing Arts Theater, Newport World Resorts, Pasay City.
Read: CJ Opiaza finishes 1st runner-up in Miss Grand International 2024