Sa unang pagkakataon ay gumawa ng isang proyekto si Tony Labrusca sa GMA-7, at ito ay ang upcoming series na Binibining Marikit.
Pero may paglilinaw si Tony sa mga nag-aakalang Kapuso na siya ngayon at umalis na sa ABS-CBN.
Lahad niya, “Well, technically, I don't know if I'm Kapuso. I don't even know how this works, just cause we were offered this show and we asked permission and they [ABS-CBN management] said okay.
Ang kontrata ba niya ay per project?
“I mean, there is no contract. Hiniram lang," paglilinaw ni Tony.
Sinabi rin ni Tony na siya ay nasa pangangalaga ng Star Magic, ang talent managementa arm ng ABS-CBN. Co-manager din niya si Mario Colmenares.
Ano ang magiging reaksyon niya kapag in-offer-an siya na maging isang Sparkle artist?
“I honestly don't know how to react," sagot ni Tony.
“So, I think right now, I just wanna focus on what's been given to me.
“Gusto ko lang talaga galingan itong binigay sa akin, kasi napakagandang project, maganda rin yung timeslot, and so ayun.
“I wanna do my best and sana matuwa yung mga tao sa mga mapapanood nila.”
Meant to be raw ang kanyang pagkakasali sa Binibining Marikit, na pinagbibidahan ni Herlene Budol.
“Kasi puwede naman sila mag-no, e, puwede silang humindi, ire-respect ko naman yung mga boss ko," tukoy ni Tony sa pagpapaalam niya sa ABS-CBN management.
“Pero since um-okay sila, then you know, I think si Lord na yun, hindi ba?”
Kaya konektado pa rin si Tony sa Kapamilya network.
“Yes, of course," sang-ayon niya.
Enjoying the best of both worlds si Tony, ‘ika nga, dahil nakakapagtrabaho siya sa GMA-7 at ABS-CBN
“Yeah. Yes, tama po," sang-ayon ulit ni Tony.
Watch: Herlene Budol on new leading men: "Hindi maiiwasan na ma-in love"
TONY LABRUSCA NON-COMMITTAL ABOUT FUTURE PROJECTS
Tinanong din si Tony kung bukas siya sa posibilidad na mabigyan ng ibang project sa GMA-7.
“I mean, that all sounds nice, di ba,” pakli ni Tony.
“Pero ang point ko lang is, parang gusto ko muna i-focus yung energy ko dito.
"I'm sorry if this comes off too strong, ako kasi yung mapapahiya kung ang dami kong sasabihin ngayon about those questions, you know?
“Because if it happens or if it doesn't happen, parang ayaw ko kainin yung sasabihin ko ngayon.
“Kaya sa ngayon, I am really grateful and blessed na binigyan ako ng project na ‘to, that I was even thought of in the first place here in GMA, and super happy that nag-align lahat ng stars na natuloy yung project.”
Read: Herlene "nag-take advantage" sa leading men na sina Tony at Kevin
BINIBINING MARIKIT CO-STARS
Kasama nina Tony at Herlene sa Binibining Marikit sina Pokwang at ang male pageant winner/model-turned-leading man na si Kevin Dasom.
Nasa cast din sina Almira Muhlach, Thea Tolentino, John Feir, Ashley Rivera, Jeff Moses, Migs Almendras, at Cris Villanueva.
Sa direksyon ni Jorron Lee Monroy, mapapanood ang Binibining Marikit mula Lunes hanggang Sabado, 2:30 P.M. sa GMA Afternoon Prime.
Ipinalalabas din ito sa GMA Pinoy TV, ang cable channel ng GMA abroad.
FRIENDSHIP WITH HERLENE BUDOL
Pareho sila ni Herlene na walang karelasyon ngayon?
“Yes,” bulalas ni Tony.
So, may tsansa ba na mauwi sa totohanan ang romansa nila ni Herlene sa Binibining Marikit?
“You know what? Katulad nung sinabi ni Kevin, first and foremost, we wanna keep things professional, but I think I really would like to be close to Herlene.
“So, I think I would really love it if me and Herlene can develop a true off-screen friendship, so I think that's something that I wanna focus on."