Sa unang pagkakataon matapos ang mahigit dalawang taon, muling nasilayan ng publiko ang Queen of All Media na si Kris Aquino.
Nitong Martes, February 25, 2025, dumalo siya sa People Asia's People of the Year 2025 para suportahan ang malapit niyang kaibigan na para na rin daw niyang kapatid—ang fashion designer na si Michael Leyva, isa sa awardees.
Kasama ni Kris ang bunso niyang anak na si Bimby.
Ang pagdalo ni Kris sa nasabing event ang una niyang public appearance mula 2022, kung kelan lumipad siya patungong U.S. para sumailalim sa treatment at medical tests for her autoimmune diseases.
Read: Kris Aquino celebrates 54th birthday with sons and friends
KRIS: "PERFECT TO COME OUT!"
Nakapanayam saglit ng entertainment press si Kris.
Tinanong siya tungkol sa kasalukuyan niyang kalagayan pati na rin ang pagpapakita niya sa publiko sa mismong araw na ipinagdiriwang ng bansa ang ika-39 na anibersaryo ng EDSA People Power Revolution.
Matatandaang noong February 25, 1986, naganap ang makasaysayang People Power kunsaan muling nabawi ng bansa ang demokrasya at nawakasan ang rehimen ng diktador at dating Pangulong Ferdinand Marcos Sr.
Nung mapataksik sa puwesto si Marcos Sr., ang ina ni Kris na si Cory Aquino ang umupo bilang Presidente.
Read: Kris Aquino seeks Cory's courage in health struggle.
Balik sa panayam ni Kris, hindi raw niya naisip na ang petsa ay anniversary pala ng People Power Revolution.
Ang sabi ng 54-year-old host:
"I actually thought today is the 24th, tomorrow pa yung 25.
"He [Michael] was the one who told me. Sabi niya [last night], 'Ano ka ba, bukas yung [EDSA People Power Revolution]
"So, sabi ko, 'Perfect!'
"Talagang perfect to come out."
KRIS' HEALTH UPDATE
Sa totoo lang daw, "not so okay" ang pakiramdam ni Kris kaya na-late ang kanyang pagdating.
Aniya, "They had trouble waking me up because I started a new medicine last night.
"I'm not so okay. Nahihilo ako [right now]."
Read: Kris Aquino still recovering amid fake news
Ang latest health update ni Kris ay inilabas niya sa kanyang social-media accounts noong February 22.
Sinagot niya ang ispekulasyong nalalapit na ang pagbabalik niya sa telebisyon.
Read: Kris Aquino reveals cancer scare; hints at new show
Paglilinaw niya, hindi pa siya maaaring magtrabaho ulit dahil sa timbang niyang 37 kilos o 82 pounds. Sa madaling sabi, siya ay underweight.
Sabi ni Kris, "I haven’t posted anything because I didn’t want all those praying for me to feel sad & lose the faith.
"May I clarify? I’m not yet 'fit to work' because i’m very underweight 37 kilos/82 pounds."
Read: Kris Aquino "gaining strength" amid ongoing health battle
Ibinahagi rin ni Kris na may kinakaharap siyang panibagong health issue.
Ito ay ang pagkakaroon ng Fibromyalgia, "a chronic disorder characterized by widespread pain, tenderness, fatigue, and sleep disturbances," ayon sa website ng National Institute of Health.
Pito na ngayon ang iniinda niyang sakit.
Pahayag niya (published as is), "My deal with my team of doctors (Dr. Jombi, Dr Jonnel, @drkatcee who is now mourning the loss of her father, and Dr. Rainier) is that my WBC [white blood cells] doesn’t fall below 5.5 for 4 straight weeks, my hemoglobin improves to at least a 9.5 (my anemia is both hereditary & nutritional); and my weight holds steady at 90 pounds/40.8 kilos.
"Previously i enumerated 1.Autoimmune Thyroiditis; 2.Chronic Spontaneous Urticaria; 3. EGPA: a rare, life threatening form of Vasculitis; 4.Systemic Sclerosis; 5.Lupus/SLE; and 6.Rheumatoid Arthritis as my diagnosed autoimmune diseases.
"Added to that list is 7.Fibromyalgia.
"I have been exhibiting confirmatory symptoms for 8.Polymyositis as well as 9.Mixed Connective Tissue Disease."
Dagdag pa niya, "Having complicated autoimmune diseases and being allergic to all NSAIDS [Nonsteroidal anti-inflammatory drugs], steroids, pain relievers, as well as antibiotics and Immunoglobulin Therapy many times the physical pain is overwhelming."
Sa nasabi ring post niya sinabi na siya ay single.