Ang Kapuso artist na si Kaloy Tingcungco ay nakilala bilang host ng GMA-7 morning show na Unang Hirit, pero isa rin siyang singer.
Read: Kaloy Tingcungco thankful to be part of Unang Hirit family
Humarap sa press si Kaloy sa presscon ng Sparkle, ang talent management arm ng GMA-7, at GMA Playlist, ang record company ng network.
Ginanap ang event sa Corte Ibiza sa Tomas Morato, Quezon City noong February 5, 2025.
Dito ikinuwento ni Kaloy na nagsimula talaga siya bilang singer sa showbiz.
Nag-audition at nakapasa raw siya sa GMA Playlist noong 2022. Kasabayan niya ang Kapuso singers na sina Brianna at Mitzy Josh.
Ani Kaloy: "And I was one of those lucky people na nabigyan ng tsansa na makapag-release ng single under GMA Playlist label and here we are...
"It's been two years in the making, and now it's out and you get to hear it na po sa mga streaming platforms."
Ang tinutukoy niya ay ang newly released single niyang "Infatuation."
Dahil “Infatuation” ang titulo ng kanta niya, tinanong namin si Kaloy kung kanino sa showbiz siya infatuated?
Sagot ng binata: “Kanino ako infatuated sa showbiz? Oh, first person that came in my mind, si Arra San Agustin, and she knows this.
“She's a good friend of mine, very good friend din niya si Shaira Diaz and I've been always vocal to her na I admired her even before knowing Shaira Diaz."
Sabay natatawang hirit ni Kaloy, “Ayun, ba't parang nag-explain? Tinanong lang naman yung pangalan.
Co-host ni Kaloy si Shaira sa Unang Hirit.
Ano ang gusto niyang iparating sa listeners sa pamamagitan ng “Infatuation”?
Aniya, "Pag napakinggan nila yung kanta, may they be heartbroken or confused with what they feel, e magkaroon ng at least kasagutan and clarity kung ano yung talagang nararamdaman nila.
“Is it love? Or is it just infatuation?”
Read: Lindsay Custodio's estranged husband files cyber libel vs actress
KALOY TINGCUNGCO ON JULIE ANNE SAN JOSE, CRYSTAL PARAS
Pagdating sa OPM singers, inamin ni Kaloy na hanga siya kay Julie Anne San Jose.
"Siyempre hindi na ako lalayo, si Julie Anne San Jose, @myjaps, of course, idolo yan.
“But siguro sa mga closest friends ko, if I were to collab with someone, my dear friend…"
Pero gusto rin daw niya makatrabaho ang StarStruck Season 7 contender na si Crystal Paras na nakatrabaho ni Kaloy sa BL series na Love Lockdown.
Naging bahagi rin si Krystal ng musical play na Rak of Aegis.
"Even before joining GMA, back in 2020, I met her through a BL project, the first ever acting project that I did, si Crystal Paras.
"She's so, so talented at alam kong pag nabigyan siya ng tamang recognition and the limelight, she will make it really big.
“Kaya siya ang gusto kong maka-collab, bago pa man siya sumikat ng malala, makikipag-collab na ako sa kanya.”
Bakit natagalan bago siya naipakilala bilang singer?
“They have a calendar that they were following po, and then, iyun po yung timing nung bawat release po for every artist.
“We're about, I guess, 15 artists in their roster, and siyempre priority yung mga may current shows that time, and then, come us next na mga newbies sa industriya.
“But at the end of the day, I'm just really grateful na isa ako sa mga nabigyan nila ng opportunity to sing.”
Read: Jake Zyrus's story about alleged sexual abuse resurfaces
KALOY AS A HOST/SINGER/ACTOR
Bilang aktor ay napanood na si Kaloy sa mga Boys’ Love series na Boys’ Lockdown at Meet Me Outside, pati na rin GMA programs na Little Princess at Start-Up PH.
Ngayon ay tatlong landas sa showbiz ang tinatahak ni Kaloy—bilang singer, host, at teleserye actor.
Alin ang pinakagusto niya sa lahat?
Sagot ni Kaloy, "Well, actually, mataas ang pangarap natin, so sinusubok ko lahat.
"I'm exploring every single thing that I can while I'm in this industry. Kasi who knows kung hanggang kailan lang naman ako sa industriyang ito?
“Isa ako sa mga pinakabago din. I'm just a pandemic artist. And as much as I can do in this little time, ginagawa ko."
Hindi naman itinanggi ni Kaloy na malapit sa puso niya ang pagkanta.
"Pero if you were to ask me kung saan ako may gusto marating, even before joining the industry, sinasabi ko ‘to sa mga tao, my first love is singing, kahit hindi pa niya ako ganun kamahal.
"But it's been my first love ever since, at sinasabi ko rin na dream ko talaga maging recording artist.
"So, me releasing this first ever single with GMA Playlist is already an achievement for me."
Diin pa niya: "At ang measurement ng success is wala naman sa numbers, kundi sa satisfaction na nararamdaman ko as an individual.
"And I guess, I'm already successful, per se."