Sa Marso 28, 2025 ang ika-80 kaarawan ni dating Pangulong Rodrigo Duterte.
Magiging makasaysayan ito para sa pamilya at mga tagasuporta ng dating Pangulo ng Pilipinas dahil nakakulong na ito sa The Hague Penitentiary Institution o Scheveningen Prison, sa Netherlands.
Ito ay habang hinihintay ang paglilitis sa kanya ng International Criminal Court (ICC) para sa mabigat na paratang na krimen laban sa sangkatauhan.
Read: Former President Rodrigo Duterte arrested on ICC warrant
Iniimbestigahan ng ICC si Duterte dahil sa alegasyong crimes against humanity na ginawa umano niya habang siya ang nakaupo bilang Pangulo ng Pilipinas mula Hunyo 2016 hanggang Hunyo 22, 2022.
Binansagang EJKs—o ExtraJudicial Killings—ang mga pagkakapatay sa mga taong may involvement umano sa drug trade.
Ayon sa pna.gov.ph ng March 30, 2022, ang EJK figures ng Philippine Drug Enforcement Agency (PDEA) ay: "6,229 ang namatay sa isinagawang 226,662 anti-drug operations simula noong July 2016 hanggang January 31, 2022."
Ayon naman sa CHR (Commission on Human Rights) report ng November 2, 2021, ire-review nito ang "5,655 cases of anti-drug operations where deaths occurred including those being handled by the Administrative Order No. 35 Inter-agency Committee on Extra-Legal Series, Enforced Disappearances, Torture, and Other Grave Violations to Life, Liberty and Security of Persons."
Read: FULL COPY: ICC Warrant of Arrest for Mr. Rodrigo Roa Duterte
DUTERTE ARRIVES IN NETHERLANDS
Sa ulat ng The Netherlands Times, dumating sa Rotterdam The Hague Airport ang eroplanong sinasakyan ni Duterte noong Miyerkules, Marso 12, bago mag-hatinggabi.
Ipinasok ang dating Pangulo sa Scheveningen Prison nitong Huwebes, Marso 13, ganap na 2:34 A.M. (Philippine time).
Kinumpirma ng ICC na isinuko si Duterte, at malapit na ang pagharap niya sa korte para kumpirmahin ang kanyang identity at basahan ng mga akusasyon.
Naglabas ang ICC ng pahayag 90 minuto matapos lumapag ang eroplanong lulan si Duterte sa Rotterdam The Hague Airport.
Pagkalapag sa airport, dinala sa isang hangar ang eroplano.
Dito sinalubong si Duterte ng isang ambulansiya habang nakaantabay ang isang stretcher.
Hindi pa sinasabi ang eksaktong petsa ng pagharap ni Duterte sa ICC.
Pero sa kasalukuyan, nakapiit siya sa ICC detention center sa Scheveningen Prison na nasa ilalim ng pamamahala ng United Nations.
DUTERTE'S MESSAGE to the filipinos
Ilang sandali bago lumapag sa Rotterdam The Hague Airport ang eroplanong kanyang sinasakyan, gumawa ng video-recorded message si Duterte para sa mga Pilipino at sa mga miyembro ng militar at kapulisan.
Inilagay ito sa official Facebook page niya.
Mensahe ni Duterte: “To my countrymen, just to give you the current situation, I am about to land sa Hague, galing ako Dubai, stopover ako. It’s a long haul, it’s a long flight.
“Okay ako, do not worry. And I think this has something to do with the law and order.
“At sinasabi ko naman sa mga pulis, military na 'magtrabaho kayo at ako ang managot,' so ito na nga.
“For all of the… whatever happened in the past, ako na yung nag-front sa ating law enforcement pati sa military.
"Sinabi ko na, 'I will protect you and I will…ako ang managot sa lahat.'
“This will be a long legal proceedings but I say to you, I will continue to serve my country.
"At so be it kung ganoon ang destiny ko. Salamat po."
Sa ulat pa rin ng The Netherlands Times, mahigit sa 100 ang bilang ng mga tagasuporta ni Duterte mula sa iba’t ibang lugar ang nagtipun-tipon sa harap ng Scheveningen Prison at naghintay sa kanyang pagdating.
Nakasulat sa mga banner na hawak nila ang “We stand with Duterte” at "We love you!! Tatay Digong."
May dala rin silang watawat ng Pilipinas.
Ayon sa isang Pilipino na nagpunta sa Scheveningen, nagmaneho pa siya mula sa Belgium para ipakita ang suporta niya kay Duterte.
Read: VP Sara Duterte, dismayado sa pagkaaresto ni ex-President Duterte
ROBIN PADILLA: BRING HOME PRRD HOME
“BRING PRRD HOME” na may fist-pound emoji at nakasulat sa pulang laso ang Facebook post ng action star at senador na si Robin Padilla kagabi, Marso 12.
Ang "PRRD" na tinutukoy ni Robin ay si ex-President Rodrigo Roa Duterte.
Si Padilla ang isa sa mga masugid na tagasuporta ng ex-Philippine president.
Ibinahagi ni Padilla ang kanyang Facebook post habang nasa himpapawid ang pribadong eroplanong sinasakyan ni Duterte patungo sa Rotterdam, Netherlands.
Read: Phillip Salvador reacts to ex-President Rodrigo Duterte's arrest
THE AIRCRAFT USED TO FLY DUTERTE TO THE HAGUE
Lulan si Duterte at ang mga kasama nito ng Gulfstream G550 Jet na may tail number RP-C2519.
Pasado alas-kuwatro ng hapon nitong Miyerkules, Marso 12, nang lumipad mula sa Maktoum International Airport (Dubai World Central) sa Dubai, UAE, ang eroplano.
Nag-layover ang eroplano sa Dubai para magpa-refuel matapos ang siyam na oras na biyahe mula sa Ninoy Aquino International Airport noong Martes, Marso 11.
Lumapag ang eroplano sa Rotterdam The Hague Airport bago magmadaling-araw nitong Miyerkules, Marso 12 (Manila time).
Sa pamamagitan ng live flight tracker na Flightradar24, sinusubaybayan ng mga nakatutok sa pagdakip kay Duterte ang biyahe nito sa himpapawid.
Read: Jake Ejercito, John Lapus, Arnold Clavio react to Duterte arrest
Ang tanong ng karamihan sa kanila: sino ang nagmamay-ari ng RP-C2519 Gulfstream G550 Jet na nagdala sa dating pangulo sa International Criminal Court sa The Hague?
Isa sa mga pinaghinalaang may-ari ng kontrobersiyal na eroplano ay si Ako Bicol Party-list Representative Zaldy Copero.
Ngunit mariin niyang pinabulaanan ang balita sa pamamagitan ng isang pahayag na inilabas sa kanyang official Facebook page, Miyerkules ng gabi.
Nakasaad dito: “Please be advised that the jet plane with tail number RP-C2519 which carried former President Rodrigo Duterte to The Netherlands is NOT OWNED by Ako Bicol Party-list Rep Zaldy Co. Social media posts claiming otherwise are FALSE.
“We urge the public and media to be more discerning, to verify with proper authorities, and be responsible in sharing information to avoid the spread of false or unverified claims."
Hanggang sa mga oras na ito, hindi pa natutukoy ang may-ari ng eroplano.
Pero base sa pagsasaliksik, napag-alamang bago inaresto si Duterte noong Marso 11, huling ginamit ang RP-C2519 nang bumiyahe ito sa Cauayan City, Isabela, noong Marso 6, 2025.
Makikita naman sa isang post sa Facebook page ng Tactical Operations Group in Sulu, Tawi-Tawi, noong Mayo 24, 2024, ang kuhang larawan ni President Ferdinand Marcos Jr. nang dumating siya sa Sanga-Sanga Airport, Bongao, Tawi-Tawi.
Makikita sa likuran niya ang eroplanong kanyang sinakyan na may Tail No. RP-C2519.
Nakasaad sa nabanggit na Facebook post: “On May 23, 2024, the Tactical Operations Wing Western Mindanao (TOW WestMin) through 5135th Air Base Squadron of the Tactical Operations Group Sulu-Tawi-Tawi (TOG SulTaw) facilitated the arrival and departure of His Excellency Ferdinand R. Marcos Jr., President of the Republic of the Philippines and Commander-in-Chief, Armed Forces of the Philippines at Sanga-Sanga Airport, Bongao, Tawi-Tawi via Gulfstream G550 aircraft with Tail Number RP-C5219.”
Sa social media post naman ng bunsong anak ni Duterte na si Kitty Duterte noong Marso 11, ibinahagi nito ang larawan ng eroplanong may Tail No. RP-C5219.
Caption niya rito: “filipinos, this is the plane they used to kidnap my dad”
Gumamit din siya ng hashtag na #neverforget.”
Read: Kitty Duterte in fighting mode after ex-President Duterte's arrest