Pinagsama-sama ang ilan sa mga new-generation prime female artists ng Sparkle, sina Julie Anne San Jose, Mikee Quintos, Ysabel Ortega, at Gabbi Garcia, sa mystery-suspense drama na Slay.
Ang Slay ay collab ng streaming platform na VIU at GMA-7. Ipapalabas ito sa network simula March 24, 2025.
Nang humarap ang apat sa mediacon noong March 18 sa Luxent Hotel, tinanong ng awtor na ito kung kailan sila "most vulnerable" at kung kailan sila "empowered."
Read: Julie Anne at Gabbi, proud girlfriends kina Rayver at Khalil
JULIE ANNE SAN JOSE
Para kay Julie Anne, sa pamilya siya nakakapaglabas ng saloobin.
"Yung una siguro, I feel most vulnerable when I’m at home or when I’m with my family.
"Kasi, as people, meron tayong kanya-kanyang phase sa buhay, di ba?
"So ako, as a person, alam kong tanggap nila ako kung sino talaga ko at ano ko as a person.
"That’s why kung anuman ang pakiramdam ko during the day, kung ano man ang gusto kong sabihin, nasasabi ko sa kanila."
Pagdating sa pag-arte sa set ay nata-tap din ang kanyang emosyon.
"Kasi, as an actor, wow, siyempre you play different roles.
"Kailangan palagi kang bukas. Kailangan bukas yung instrumento mo because kapag kapag sarado ka, hindi mo mabibigay ang best self mo as a character.
"Kaya ako, mine-makesure ko na bukas ako palagi kapag nasa set ako."
Empowered naman siya "whenever I’m performing, anything related with music."
Inamin din niya na ang nobyong si Rayver Cruz ang isa pang nakakapagpalakas ng loob niya.
"When I’m with Rayver, I feel most empowered. Kasi, siya yung palaging nagpapalakas sa akin.
"Siya yung nagsasabi sa akin ng mga best thing about myself.
"Whenever I have doubt about myself, palagi niyang sinasabi sa akin na, 'Hindi, hindi totoo yan, kaya mo yan. Kulang yung best for me,' sinasabi niyang ganon.
"So ako, I feel better naman agad."
Read: Gabbi Garcia admits hard time moving on from ex Ruru Madrid
MIKEE QUINTOS
Sang-ayon si Mikee na vulnerable siya kapag umaarte.
"Kasi sometimes, o lalo na kapag malayo sa yo ang character or natatakot ka na dapat ibigay mo na and to deliver that, kailangan mong i-breakdown ang sarili mo.
"At pinakakailangan naming gawin [yung vulnerability], sa set.
"Nandiyan na yung maraming tao, maraming camera, and you’re exposing your feelings.
"Yung iniiyak mo, masakit talaga siya. Ramdam mo talaga siya.
"Sorry for this, pero para kang nakahubad sa harap nila."
Masarap naman daw sa pakiramdam kapag nagagawa niya ng maayos ang trabaho.
"At yung empowerment, honestly, kapag nag-good take, yung ganong moment, may empowerment agad yon."
Masuwerte rin daw siya sa pagkakaroon ng pamilya na katuwang niya sa bawat aspeto ng kanyang buhay.
"Pero, I was also thinking about it just now, I also feel na kapag nagtatawanan kaming buo ng pamilya ko.
"Yung buo kami, nag-aasaran. Tapos, kahit nag-iiyakan, comfort yung isa’t isa, I feel so bessed, I feel so grateful na I have this support system.
“At feeling ko, kahit anong dumating sa akin sa life, kakayanin ko basta kasama ko sila."
Masaya rin ang buhay pag-ibig ni Mikee sa piling ng nobyong si Paul Salas.
"Empowering din naman, lalo na kapag lumalakad kami together, nagdi-date, I feel good," saad ni Mikee.
Masiglang dugtong pa niya, “Alam niyo naman yon, ma-compliment palagi.
"Kaya minsan sinasabi ko, 'Wag mo palaging sinasabi na I look good, mapayat na ko. Kapag ako ay naging kumportable, kakain ako. Kaya wag kang ganyan!"
Read: Rayver Cruz feels sure that he wants to marry Julie Anne San Jose
GABBI GARCIA
Iba naman ang sagot ni Gabbi Garcia na "most vulnerable" kapag siya raw ay bumabiyahe.
"Kasi, when I travel, I feel so grounded. I feel that there’s more to the world, that there’s more to my problems.
"Kapag naiisip ko na, 'Shocks, ang dami kong problema, ang dami kong ginagawa masyado.'"
Ginagamit daw iyong "instrument" mula sa Diyos para bigyan siya ng "signal na ang daming nangyayari sa mundo."
Mas nabubuksan daw siya kapag nae-expose sa kuwento ng ibang kultura at mga lugar na pinupuntahan niya.
At ibinabahagi raw niya ang baon niyang mga karanasan sa pamilya at sa nobyong si Khalil Ramos.
"I love travelling and I feel that there are things in my life that I only learned through travelling," dagdag ni Gabbi.
May sense of empowerment namang nararamdaman si Gabby kapag nakakagawa siya ng sariling desisyon.
"I’m a very outspoken person and I’m not afraid to say yes, to say no to a lot of things.
"And whenever I make my own decision, I feel that I’m in control of my life. So, that’s the moment that I feel very much empowered."
Pagdating kay Khalil, "Ay, nandon naman siya palagi, sa lahat. Present naman siya palagi in everything that I do."
Read: Gabbi Garcia and Khalil Ramos "just waiting for the right time"
YSABEL ORTEGA
Para kay Ysabel Ortega, nakakaramdam siya ng vulnerability kapag siya ay mag-isa.
"I think, lalo na ngayong women’s month, misconception na kapag malakas na babae, kailangan kaya mo ang sarili mo.
"And as an only child, of course, my mom is always there for me. My family is always there for me.
"Pero pag only child ka at feeling mo, kailangan mong maging empowered, ita-try mo na lagpasan ang isang problema sa buhay mo by yourself, yun ang misconception," saad ni Ysabel.
Sabay ibinahagi niya ang natutunan niya sa kanyang role sa Slay.
"Naging hesitation ko rin siya for myself na puwede ka rin humingi ng tulong.
"Yung mga past roles ko, I’m the hero, someone that's supposed to solve the problem.
"Nakaapekto rin yun sa mind ko na kailangan, kaya kong mag-solve ng problema by myself."
Kasabay nito ay nakakaramdam daw siya ng lakas ng loob dahil sa mga taong sumusuporta sa kanya.
"Doon siguro pupunta na I feel most empowered when I recognized that there are also people around me to help me and to be there for me and to empower me as well.
"I think, dito sa series na ito, na-embrace ko talaga yung ganong side ko.
"And yung side ko na kapag nagiging vulnerable ako sa harapan ng ibang tao, mas nagiging empowered ako to solve this and to help myself as well."
Sabay tukoy ni Ysabel sa Slay co-stars na sina Julie Anne, Gabbi, at Mikee:
"And I think, nakatulong din na I feel empowered whenever I’m with these girls.
"Kasi yung strength nila as individuals, nakatulong din yon sa akin. And I learned from them not just as an actor but also as women."
Read: Grace Tanfelix fondly recalls first heartbreak of son Miguel
