Katulad ng maraming artistang nagsisimula pa lang, hindi rin nakaligtas noon si David Licauco na tawaging “bano” kung umarte.
Pero para sa Kapuso actor, normal lamang ito sa mga newcomer sa showbiz habang hinuhubog ang sarili na maging magaling sa larangang pinasok nila.
"Hindi naman ako bano," nagbibirong sabi ni David.
"Siyempre. Kung sasabihin mo, kapag nagsimula ka...
"Di ba, ngayon reporter ka, anong ginagawa mo? Tawag is columnist.
"Nung simula po, magaling ka agad?" tanong niya sa PEP.ph (Philippine Entertainment Portal).
Na sinagot naman namin ng simpleng "Hindi."
Pagpapatuloy na paliwanag ni David: "So, ganun din sa pag-aarte.
"Ganun din pagka lawyer ka. Sa simula, hindi ka talaga magaling.
"So, I think it's just normal na sa simula ng isang trabaho or career na, e, nangangapa pa ang isang tao.
"But we have to give them the chance to grow in their field."
Sa kanyang panig, naramdaman daw ni David na nagkaroon na siya ng progreso sa pag-arte.
Aniya: "And with me, I am confident enough that I have grown as an actor starting from Maria Clara at Ibarra, 'til now.
"Siguro, the people who think that I'm 'bano' in acting is the people prior to Maria Clara.
"Definitely, hindi talaga ako magaling dun."
Ang Maria Clara at Ibarra ay ang hit Kapuso historical portal fantasy series na umere mula October 3, 2022 hanggang February 24, 2023.
Gumanap siya rito bilang si Fidel, isang Chinese mestizo na malapit na kaibigan ni Crisostomo Ibarra (Dennis Trillo).
Nasasaktan ba siya sa mga nasabing kritisismo?
Pahayag ni David: "I took that as a motivation for me to be better.
"But hopefully, you don't do that to other actors.
"Because, who knows, di ba, like, you're not emotionally strong enough to handle those comments, like, 'I'm out of this.'
"So not just in acting, but also in real life, di ba?
"Let's just be nice to everybody. Don't judge people."
Eksklusibong nakausap ng PEP.ph (Philippine Entertainment Portal) si David sa media junket ng pelikulang Samahan ng mga Makasalanan nitong Huwebes, March 27, 2025, sa Seda Vertis North, Quezon City.
Ang Samahan ng mga Makasalanan ay satirical comedy film na iplalabas sa mga sinehan simula sa April 19.
READ: David thrilled to read writeups about him and Kathryn
DAVID LICAUCO ON KILIG VIBES WITH FANS
Sa bawat public engagement ni David, napupuno lagi ng hiyawan at tilian ang venue dahil sa kilig.
Kagaya na lamang nang rumampa siya sa Body of Work: The Bench Show sa MOA Arena noong March 21.
Naramdaman ba niya ito? Kinikilig din ba siya?
Read: KathVid, KathDen, at mga tinilian sa Body of Work: The Bench Show
Tugon ni David: "I don't know. Nagtataka lang ako kung bakit sila sa akin kinikilig.
"Or, like, 'Wow, I'm doing something good, right?'
"Nakakatuwa. Of course, kahit naman sinong tinitilian, matutuwa, e.
"But sometimes, it gets awkward. And sometimes, I feel my, sigurado yung mga kasama ko, minsan nakakahiya na people would take pictures with me.
"Tinitilian ka, di ba? So, it's just a matter of making my people comfortable around me."
Samantala, bukod kay David, kasama rin sa Samahan ng mga Makasalanan sina Sanya Lopez, Joel Torre, David Shouder, Soliman Cruz, Betong Sumaya, Chariz Solomon, Liezel Lopez, at Jade Tecson.
Kabilang din sa cast sina Jun Sabayton, Chanty Videla, Jay Ortega, Christian Singson, Shernan Gaite, at child star Euwenn Mikaell.
Ang producer ng pelikula ay ang GMA Pictures.
Read: Buboy Villar denies physical-abuse allegation of Angillyn Gorens