Nagkapelikula na sa wakas ang Sparkle actress na si Kazel Kinouchi.
Cast member siya ng Fatherland, na pinagbibidahan nina Allen Dizon at Iñigo Pascual.
Ang bungad niya sa PEP.ph (Philippine Entertainment Portal), "It feels siyempre very blessed, kasi yung first movie ko, si Direk Joel Lamangan, di ba."
Nasigawan na ba si Kazel ni Direk Joel?
"Ako, hindi. Parang lahat naman yata nasisigawan niya,” ang tumatawang bawi ni Kazel.
Dugtong niya, "Wala naman. I mean, since lahat naman nasisigawan, parang ano na lang din, normal na lang din.
"Pero kasi that's his way of, I think, of working also, so ano lang, pagkatapos, ayusin mo lang ulit pag nasigawan ka. Pero you shouldn't take it personally.
"And since lahat naman ay nasisigawan, parang pag nasigawan ka, 'Okay, hindi naman ako ano, hindi lang naman ako yun.'"
Read: Pinky Amador recalls being reprimanded by Direk Joel Lamangan
Kazel Kinouchi on joining beauty pageants
Maganda at mahusay magsalita si Kazel. Mukhang may grace under pressure pa.
Wala ba siyang planong sumali sa beauty pageant"
"Never ko naisip," ang mabilis niyang sagot.
“We'll just leave it to the rest, ako, dito na lang ako.”
Ayaw niya talaga?
“No, never ko talagang nagustuhan mag-pageant.”
Kahit nung nag-aaral siya, hindi siya sumasali sa school pageants?
“Hindi,” pakli ni Kazel.
“Parang hindi ko kayang magseryoso or rumampa, ganun, I can't…I don't see myself walking.”
Read: Why Kazel Kinouchi was once linked to Richard Gutierrez
Kazel Kinouchi on joining PBB
Si Kazel ay dating Kapamilya.
Pagsang-ayon niya, “Yes po, Star Magic."
Ngayon, isa na siyang talent ng Sparkle, ang talent-management arm ng GMA-7.
Ano ang reaksiyon niya tungkol sa patuloy na collaboration ng GMA-7 at ABS-CBN?
Sagot niya, “Alam mo nga, sobra po talagang galing kasi, di ba, parang hindi mo inisip yun, e. Now, there's PBB, di ba?”
Ang tinutukoy ni Kazel ay ang umeere ngayong Pinoy Big Brother: Celebrity Collab Edition, kung saan ang mga hosts ay pinagsamang Kapamilya at Kapuso stars na sina Bianca Gonzalez, Robi Domingo, Melai Cantiveros at Enchong Dee at sina Gabbi Garcia at Mavy Legaspi.
Read: PBB Celebrity Collab Edition: Meet the 15 housemates
Pagpapatuloy pa ni Kazel:
“I'm so happy kasi dapat matagal na nilang ginawa yun, kasi when you're… sa ibang bansa naman, di ba wala, namang masyadong ganun.
“Dito lang talaga yung may mga network war, and I'm so happy na tinanggap din naman siya ng audience and, at least, yun, mas open yung work, di ba?
“Mas madaming opportunities for us also.”
Given a chance or a choice, papasok bang muli si Kazel ng Bahay ni Kuya?
"Why not,” bulalas niya.
"Siyempre, yes lang nang yes. Medyo matagal na din kasi yung last ko na Big Brother, e. Doon ako galing po.”
Si Kazel ay kasama sa Pinoy Big Brother: Teen Clash 2010, at kung kukunin daw siya ulit for Pinoy Big Brother: Celebrity Collab Edition, okay lang sa kanya.
“Yes. Oh my gosh, okay naman.”
“Yes. It would be fun. It would be an experience.”
WORKING AGAIN WITH ABOT-KAMAY NA PANGARAP CO-STARS
Back to her movie Fatherland, kasama rin niya rito ang isa pang Sparkle artist na si Richard Yap, na tinatawag ni Kazel bilang Tito RY at matagal nakasama ni Kazel sa top-rating GMA-7 drama series na Abot-kamay na Pangarap (AKNP).
Ano ang feeling na nagkasama ulit sila ng aktor and, this time, sa isang pelikula?
“Iyon nga, e. Actually, one of the reasons also na sabi ko, ‘Sige, tanggapin natin itong project na ito,' kasi madami akong cast from my previous show, yung Abot-kamay Na Pangarap na nandito sa show na ito.
"Like Tito RY, Sir Allen Dizon, siya yung daddy ko…actually, sila yung dalawang daddy ko.
"So parang ano, when I got into yung sa shoot ng movie, parang it felt like home also kasi familiar na ako sa mga kasama."
Read: Richard Yap explains decision to stay out of May 2025 elections
Sa Fatherland, hindi siya anak ng mga karakter nina Richard at Allen?
"Wala naman, si Iñigo yun.”
Pero meron silang eksena ni Allen.
"Meron kaming scene together, pero hindi kami nag-interact kasi nga medyo yung character niya doon, hindi kayang makipag-interact.
"Pero si Tito RY, hindi kami nagkaroon ng scene, so ngayon nga lang kami nagkita for this movie,” pagtukoy ni Kazel sa grand mediacon na naganap sa Ilang-Ilang Café sa Manila Hotel nitong March 25, 2025.
Kailan lamang ay nagwagi ang Abot-kamay Na Pangarap bilang Best Daytime Drama Series sa 38th PMPC Star Awards for Television na ginanap nitong March 23, sa Dolphy Theater, ABS-CBN compound, Quezon City.
“Siyempre, very thankful kasi talaga namang pinaghihirapan talaga namin lahat yung work namin.
“We give it our best, and Mondays to Saturdays kasi yung Abot-kamay, so yung taping talaga namin, wala na talagang rest.
“We just go home like just to sleep lang,” ang nakangiting sinabi pa ni Kazel.
Nagkikita-kita pa ba silang cast ng AKNP?
“Yung birthday ni Jill, yun yung pinaka-latest na nagkita kami ng ibang mga cast ng Abot Kamay.”
Nagkaroon si Jillian ng enggrandeng 20th birthday party nitong February 22, sa Conrad Hotel Manila
Dinaluhan ito ng ilan sa mga nakatrabaho niya na sina Kazel, Richard, Raheel Bhyria, Michael Sager, John Vic de Guzman, Eunice Lagusad, Chuckie Dreyfuss, at Pinky Amador.
Read: Jillian Ward's 20th birthday bash: Guests, highlight, sidelight
Wala pa ba silang mga gala o gimik?
“Wala pa...busy din kasi si Jill, kakatapos lang ng show niya," referring to My Ilonggo Girl.
Samantala, may bago na muling serye si Kazel.
“I have an upcoming show. Magte-taping kami first week of April,” pahayag niya.
Puwede na ba niyang sabihin kung ano ito?
“I think, puwede na, ipo-promote ko na, My Father's Wife, with sila Gabby Concepcion, Kylie Padilla.”
Mabait siya dito?
“Siyempre hindi,” at tumawa si Kazel.
Hindi ba niya sinasabi sa GMA-7 na pabaitin naman siya for a change?
“I think gusto nila yung nagtataray ako, ganun,” at muling tumawa si Kazel.
"But I also like to be...I mean, okay yung maging mabait.
“Pero siguro kasi mas kumportable ako since Abot-kamay, ganun yung role ko.
"Pero this time, hindi na kasi ako doctor, iba na yung role, so still… bida-kontrabida, ganun pa rin.”
Epektibong gumanap na kontrabida si Kazel bilang si Dra. Zoey Tanyag sa Abot-kamay Na Pangarap.
Back to Fatherland, ipapalabas na ito sa mga sinehan starting April 19.
Bukod kina Richard, Allen, at Iñigo, kasama rin sa cast sina Cherry Pie Picache, Mercedes Cabral, Ara Davao, Jeric Gonzales, Rico Barrera, Abed Green, Angel Aquino, at Jim Pebanco
Ang pelikula ay mula sa produksiyon ng BenTria Productions ni Benjamin Austria at Heaven’s Best Entertainment ng line producer na si Dennis Evangelista.