Magtatapos na sa Sabado, April 12, ang Time To Dance, ang dance survival reality show na ang host ay si Gela Atayde.
Read: Gela Atayde: Time To Dance to shine light on aspiring dancers
Co-producers ng show ang ABS-CBN at Nathan Studios, ang production company na pag-aari ng ina ni Gela na si Sylvia Sanchez.
Maliban sa cash prize, may nakaplano bang proyekto para sa magiging kampyon ng show?
"Honestly, wala po kaming masyadong ma-offer aside from the cash prize because they’re all are part of different dance groups already," direktang sagot ni Gela sa panayam ng PEP.ph (Philippine Entertainment Portal).
Patuloy niya: "They have their own paths na po and careers in dance, so hindi po namin... Siyempre ayaw po naming baliin iyon from them.
"Although we have stuff that we’re offering eventually to them, we’re working on it na po, aside from the cash prize. Kasi, of course, we want to be able to give them more than that."
Malaking bagay daw para kay Gela na ma-highlight ang galing ng dancers, tulad ng pagkilala sa talento ng singers sa bansa.
"Sobrang nakaka-proud lang that I’m able to give back to the dance community talaga because, in the first place, when I entered the industry iyon po talaga yung goal ko, e. Like, to introduce dance into the commercial scene.
“Even though it’s a lot different from how we work, iba po yung pagtatrabaho as a competitive dancer as compared to working in showbiz po as a dancer, it’s very different.
"But I do have respect for both and I think that what makes me really happy is that mas binibigyan na ng stage and mas hinaharap na po yung mga dancers now," lahad ni Gela.
Read: How Janine Gutierrez overcomes imposter syndrome
MORE SPOTLIGHT FOR DANCERS
Ibinigay na halimbawa ni Gela ang pagkilala sa dancers sa ASAP Natin 'To, ang Sunday musical variety show ng ABS-CBN.
"Kasi usually we’re just at the back of the singers, but then now there’s segments in ASAP that is solely for dance.
"And in events now, they don’t just get singers they also get dancers na rin, so iyon po.”
Dagdag ni Gela: "With Time To Dance also, I’m so happy na we’re able to televise it, we’re able to show more people and reach more audiences."
Mapapanood ang Time To Dance sa Sabado, 8:30 P.M. sa A2Z, Kapamilya Channel, Kapamilya Online Live, MYX, iWantTFC, at sa TFC.
Nakausap ng PEP si Gela sa Fresh International Buffet sa Solaire Resort North noong March 24, 2025.
Naroon si Gela para sa State Of The District Address ng kapatid niyang si Arjo Atayde, na kumakanditato para sa ikalawa niyang termino bilang representative ng unang distrito ng Quezon City.
Read: Sylvia Sanchez, ibinahagi ang pagiging first-time lola
ENDORSEMENT WITH GARY V., MARIAN RIVERA
Isa pang milestone sa buhay ni Gela Atayde, 22, bilang celebrity dancer ay ang pagkasungkit niya ng isang food endorsement kasama sina Gary Valenciano at Marian Rivera.
Kilala si Gary bilang Mr. Pure Energy, habang si Marian na Primetime Queen ng GMA-7 ay kilala rin sa galing sa pagsasayaw.
Si Gela ay miyembro ng Legit Status, ang dance group na nanalo laban sa 53 contenders, sa World Hip-Hop Dance Championship 2023, sa Phoenix, Arizona.
Paliwanag ni Gela: "It’s a dance campaign of different eras with Tito Gary, Ate Marian, so iyon.
"It’s just becoming a big thing also because of how, siguro, I guess, social media also plays a big part of it, TikTok.
"A lot of people appreciate dance more."
Sobrang saya raw ni Gela na makatrabaho sina Marian at Gary bilang kapwa endorsers ng isang kilalang pizza chain.
"Honestly, it hasn’t sunk in," nakangiting bulalas ni Gela.
"Kasi parang, they told me lang po a few days before or like a week before the campaign, that I was doing it. So sobrang I was in shock!
"Lumabas na naman po yung imposter syndrome ko na, 'Bakit ako nandito? Why was it given to me, like, of all people?'"
Ang "imposter syndrome," ayon sa healthline.com, ay tumutukoy sa "unfounded feelings of self-doubt and incompetence."
Karaniwan daw sa kaisipan ng taong may imposter syndrome ang mga salitang "I don't belong" o "What am I doing here?"
Pagpapatuloy pa ni Gela: "Of course, I mean I have high respect for Tito Gary, of course, and Ate Marian, but I guess, I’m just nothing but grateful.
“That’s really all I can say, kasi iyon po, it feels so surreal, e."
Tingin ni Gela ay malayo raw ang agwat sa pagitan niya at ng dalawang co-endorsers dahil sa accomplishments ng mga ito.
Lahad niya: "So with this, it’s an honor, it’s such a good start rin for me so hopefully I’m able to do more, of course...
"I know that being an endorser entails a lot of, not just responsibilities pero yung ibig sabihin, may respeto sa iyo yung mga tao.
"So for them to choose me for some reason hindi po siya pumapasok sa utak ko, until now when people congratulate me.
"It’s a big deal to me, but at the same time, it’s like, I couldn’t wrap my head around it!"
Read: Sylvia Sanchez, isinama sina Maine at Zanjoe sa Nathan Studios