Matagumpay ang kick-off ng joint celebration ng Urbandub at Typecast ng 25th anniversary nila bilang kilalang OPM rock bands.
Ginanap ito sa New Frontier sa Cubao, Quezon City noong April 6, 2025.
Ngayong Sabado, April 12, pupunta ang Urbandub at Typecast sa Baguio Convention Center sa pagpatuloy ng Urbandub x Typecast 25th Anniversary Tour 2025, hatid ng Numinous Philippines and Udu Presents.
Ang Urbandub x Typecast 25th Anniversary Tour 2025 ay lilibot sa Pilipinas at sa labas ng bansa. Magpe-perform din ang dalawang banda sa iba’t ibang festivals sa Pilipinas pati na sa Southeast Asia at U.S.
Read: PEP Most Influential 2024 OPM Superstars: SB19
URBANDUB AND TYPECAST SONGS
Ang bandang Urbandub ay nabuo at nakilala sa Cebu. Ang members ay ang singer-guitarist na si Gabby Alipe, guitarist John Dinopol, bassist Lala Lim, guitarist Russell Manaloto, at drummer Sam Saldusong.
Nalampasan ng Urbandub ang mga hadlang ng distansya at stereotype sa pamamagitan ng pagdadala ng sikat na "tunog ng timog."
Ilan sa mga sikat na awitin ng Urbandub ay "When The Fight Is Over," "First of Summer," "Guillotine," at "Frailty."
Taga-Laguna naman ang bandang Typecast. Nabuo ang grupo mula sa kaibuturan ng noo'y baguhang underground punk at hardcore scene.
Ang Typecast ay binubuo ng singer/composer/guitarist na si Steve Badiola, bassist Chi Ressurecion, guitarist Pakoy Fletchero, at drummer Sep Rono.
Ang Typecast ay unang nagpasiklab sa labanan ng emo, at sa huli ay nakawala sa mga impluwensya ng genre.
Ilan sa mga kanta nila ay “Another Minute Til Ten," "Will You Ever Learn," at "The Boston Drama."
Read: PEP Most Influential 2024 P-pop Phenomenon: BINI
THE CHALLENGES
Humarap ang dalawang OPM bands sa mediacon sa Viva Cafè sa Gateway, Cubao kamakailan.
Dito ay ibinahagi nila kung paano nanatiling solid ang Urbandub at Typecast, gayong marami sa mga banda ang nagkakawatak-watak kalaunan.
"It was no easy feat–staying together for 25 years," sabi ni Steve ng Typecast.
Patuloy ni Steve, "But the secret sauce I think, is simply being consistent in everything we do—from rehearsals to shows, being respectful to our beginnings, and keeping up with the new, and incorporating all of it to our sound."
Ano ang pinakamabigat na hamon na hinarap ng kanilang mga banda?
"Aside from age," hirit muna ni Gabby ng Urbandub.
Para sa Typecast guitarist na si John, "I think the first challenges that the band went through was moving ourselves from school. Yun. I was really into arts but I was working. I quit my job. Grabe."
Sabi naman ni Gabby ng Urbandub: "It's different in every stage, yung mga challenges. I mean being able to maintain [the band] also, especially your band’s setting, coz you’re all different individuals.
"So, your level of understanding at saka basis ninyo minsan."
May mga sari-sariling tinahak na landas ang Urbandub members, pero hindi nila iniwan ang banda.
"We’re also remote. Kasi nagkakaiba-iba ng buhay especially when we started having our own band, may nagpapalaki ng anak.
"Secondly, yung understanding ng we all still come together performing our music. Thankfully, we’re still together.
“Pero it has its ups and downs. Kaya kami nag-hiatus for about four years. We took a break after our 15th anniversary.”
Sang-ayon si Steve ng Typecast sa sinabi ni Gabby ng Urbandub.
Lahad ni Steve: "Same din nung sinabi ni Gabby. May kanya-kanya kaming 'sapatos.' And yun rin, isa rin sa mga naging challenges is being a band from outside Metro Manila.
"Alam ng UrbanDub yung feeling na yon. Pamasahe pa lang challenge na. Hahaha!
"Yung challenge noon, kasi mahirap pumasok sa Manila rock scene. So, yung challenge na mapakita rin or mashi-share yung music namin outside Manila."
Hindi na rin ikinaila ni Steve na tumanda na rin sila.
Ani Steve: "And siyempre, the age, yung gout, ganyan. Hahaha!
"Buti wala pang nagmi-maintenance sa aming apat. And, malamang na nakita na nila sa online yung nangyari sa banda before. So, yun, basahin niyo na lang.”
Read: Marcus Adoro steps away from Eraserheads following rape claim
urbandub's FOND MEMORIES
Ano ang best gig na na-perform nila in 25 years?
"That’s hard," sambit ni Gabby ng Urbandub.
Patuloy ni Gabby: "Depende. Different stages ng points of our career. I guess, one of the most memorable is when we started playing in our first NU 107 Rock Awards."
Tumanggap ang Urbandub ng NU107 Rock Awards 2023 Song of the Year para sa kantang “Soul Searching.”
Kuwento pa ni Gabby: “Kasi for any band, especially coming from the province, tapos in our genre na rock, we want to play that stage.
"For us to be able to perform there and represent where we come from, it's a milestone for us.
"And then, as it progresses, we get to perform outside of the country for the first time."
Highlight din para kay Gabby ang suporta ng Urbandub fans.
Patuloy ni Gabby: "And then, being able to perform in a big show. Sometimes malulula ka na ang daming tao.
"A gig on tour for the whole year with other bands like Wolfgang, Parokya ni Edgar, Rico Blanco, Kamikaze. Tour around the country, marami. Iba-iba.
"Even bar shows are exciting... Thanks to the people. Pero the energy is pure, maganda yung exchange."
Read: Eraserheads, wala nang reunion concert dahil buo na sila ulit
TYPECAST UNFORGETTABLE GIGS
Sa kaso ng bandang Typecast, may kanya-kanyang most memorable gig ang members.
Ayon kay Kokoy, “Every first show. First time naming lumuwas, mga ganoon. From Sta Rosa, Laguna kasi, so first show, like, Manila show.
"And then, yung first out of the country, yung mga ganon. Yung music festival in Singapore.
"I mean, sobrang kabado kasi siyempre ibang mga tao. Pero sobrang thankful doon.
"Then, yung first U.S. tour namin noong 2012. Yung nandoon ka na pero parang hindi ka pa rin naniniwala na nandoon ka. Ayun."
Hindi naman malilimutan ng bassist ng Typecast na si Chi ang gig ng banda sa isang private party.
Lahad ni Chi: It’’s a birthday party somewhere in Cubao, konti lang ang tao
"Ang banda lang doon kami and Sandwhich ata. So, that’s one of my most memorable show we had, yun nga private kasi siya."
Para kay Steve, di niya malilimutan ang first show ng Typecast sa Pacita complex sa Laguna.
"Yun yung first time na shinare yung songs ng band kahit hindi pa ganoon pulido.
"Kaya nga siya memorable kasi, alam mo yung ine-expect ko na okay lang, pero nagustuhan nila."
Read: Alynna opens up about Hajji Alejandro's battle with cancer
25 YEARS AND COUNTING
After 25 years, isang milestone para sa Urbandub at Typecast ang tumagal ang kanilang mga banda.
Sabi ni Gabby: "Being able to last this long, I guess. Sharing of our music, mga kuwento namin.
"And then, having an audience to listen to that music na, until now, kumbaga, we get to still hear people singing along to those songs, for both bands, ha?
"Nakakataba ng puso yun kasi. You’re still relevant."
Sa kung ano ang dapat abangan ng fans, sabi ni Steve ng Typecast. "Yung setlist namin is mas curated pa compared sa mga regular shows namin.
"So, i-expect nila yung mga fan favorites at siyempre yung mga single andun and more."
Inamin naman ni Gabby na fan ang kanyang grupong Urbandub ng Typecast.
"We’ve done countless shows with them, and we’ve come to be great friends.
"We would always look forward to new music from them, and it would inspire us to go out and work on new music as well.
"As a band, Urbandub was the kind of group that just took things one day at a time– the real enjoyment is creating and playing music, so I guess that helped us last this long."
Maaaring makabili ng ticket sa “Urbandub x Typecast 25th Anniversary Tour 2025” sa Ticketmelon para sa April 12 show na gaganapin sa Baguio Convention Center.
Special guests sa Baguio leg ang Greyhoundz at local band na Amateurish.
Magaganap ang afterparty event sa Hardin Resto Cafe sa The Camp.