Walang masamang tinapay na namamagitan kina Alynna Velasquez at Rachel Alejandro.
Si Rachel ay anak ng namayapang OPM icon na si Hajji Alejandro; habang si Alynna ay partner of 27 years ni Hajji.
Sa Facebook kagabi, April 24, 2025, ni-repost ni Alynna ang ibinahagi ng isang online site na tribute ni Rachel para sa amang si Hajji.
Naglakip siya ng mensahe ritong nagpapakitang wala silang masamang relasyon ni Rachel.
Ang mag-ama daw, na parehong singers, ay ang "the best father and daughter tandem," lalo na sa mga shows.
Sabi ni Alynna, "I love you both. You are the best father and daughter team. The strength of your bond and mutual support is immeasurable.
"The impact you have on your audience is so strong that every show is a lasting memory. Bravo!
"I will miss you both being on the same stage singing and dancing together."
Mensahe pa ni Alynna kay Rachel, "Rachel, remember that your dad's mighty proud of you. Always.
"He will always be there in your heart singing with you. Our ANGELito.."
Komento ni Rachel sa kanyang post, "Thank you for loving him."
Read: Rachel Alejandro shares last moments with father Hajji
ALYNNA: "I am sorry I can't answer your questions right now."
Sa isa pang post, humingi ng dispensa si Alynna na hindi pa siya makasagot sa mga tanong ng taong-bayan sa ngayon.
Nirirespeto daw kasi niya ang privacy ng mga taong wala namang kinalaman sa kanyang mga hinaing nitong nakaraang mga araw.
Pero, balang araw ay magsasalita rin daw siya tungkol dito.
Aniya, "I am sorry I can't answer your questions right now. I want to respect the privacy of those who are not involved.
"But one day, I will..."
Nagpasalamat siya sa lahat ng mga mensaheng kanyang natanggap.
Pati na sa respetong ibinigay sa kanila sa panahon ng kanilang pagdadalamhati.
Dagdag ni Alynna: "Thank you for your messages. I read them from my Archive.
"All the love and beautiful messages make me smile despite the sadness and longing for the man I love.
"Thank you for giving us time to grieve. God bless us all with renewed strength..."
Noong April 22, naglabas ng hinaing si Alynna na hindi siya makapunta sa lamay para kay Hajji.
Nagpahiwatig siyang hindi niya kagustuhan ang hindi makadalo sa unang araw ng burol.
Pero hindi niya tinukoy kung bakit hindi siya makapunta noon.
Read: Why is Alynna "unable" to go to Hajji Alejandro’s wake?
Pumanaw si Hajji noong April 21, 2025, dahil sa metastatic colon cancer, Stage 4.
Siya ay 70 taong gulang.
Read: OPM icon Hajji Alejandro dies at 70