Ibinalita ni Diego Loyzaga na wala siyang karelasyon ngayon.
Nang kumustahin kasi ang relationship status niya, balik-sagot ni Diego, “With whom?”
Natatawang dagdag niya, "My life has been so boring!"
Wala raw kontrobersiya sa buhay niya ngayon.
"Di ba, nakakapanibago, guys? Wala kayong inaano sa akin. It’s different now."
Nakausap ng PEP.ph (Philippine Entertainment Portal) si Diego sa mediacon ng pelikulang In Between, na ginanap sa Viva Café, Cubao, Quezon City, noong April 21, 2025.
Katambal ni Diego sa pelikula si Sue Ramirez, at ipinunto ni Diego ang blooming love life ni Sue.
Hindi kaila na nagkakamabutihan sina Sue at Dominic Roque, na madalas na nagdi-date at magkasama pang dumalo sa ABS-CBN Ball kamakailan.
"I mean, I’m happy for Sue, but I’m also very inggit kay Sue," saad ng 29-anyos na aktor.
Read: Cesar Montano bonds with Sandra Seifert and their son
DIEGO LOYZAGA MISSES HAVING A GIRLFRIEND
Sa kaso ni Diego, handa na raw siyang makipagrelasyon ulit.
Higit isang taon na ang nakalipas mula nang maghiwalay si Diego at ang kanyang non-showbiz girlfriend na si Alexis Suapengco.
Mayroon silang two-year-old daughter, si Hailey Paige.
"If you know somebody, please introduce her to me. I’m on the market, I’m available," hirit ni Diego.
Sabay tukoy niya sa pagiging ama: "My relationship right now, numero uno, is my daughter. But siyempre that’s different.
“I’m there for my daughter, but it’s also nice to feel loved by somebody."
Wala pa raw nakikita si Diego na potential girlfriend.
Paliwanag niya: "Iba pa rin yung feeling na, iyon nga... I mean, if there is somebody I’m talking to, siguro yung kulang lang is the reciprocation talaga.
"If you don’t see that, if you don’t find that in a person, mawawalan ka rin…
"Parang, 'Is this one sided? Is this worth the time? Will I get anything out of this? Are we just wasting time?
"'Will I be in the tabloids in a couple of months because nasira na naman ‘tong relasyon na ‘to?’
"I don’t know. Am I gonna find love? Maybe, probably, let’s see. I don’t know anymore."
Basta chill lang daw muna si Diego.
"Like my character in the movie, I think talaga you shouldn’t try and control everything.
"'Cause the more you do, the more you lose control, so right now I’m just going with the flow.
"But if you do know anybody, please send her my number, 24/7 I will respond!"
Read: Diego Loyzaga, gustong lumaki sa Pinas ang Aussie daughter
DIEGO LOYZAGA LOVE SCENES WITH SUE RAMIREZ
Sa direksiyon ni Gino Santos, palabas sa mga sinehan ang In Between sa May 7. Iprinodyus ito ng Viva Films.
Challenge para kay Diego ang intimate scenes nila ni Sue sa pelikula.
"I had a hard time, I had a really hard time," pilyong saad ni Diego, sabay-bawing, "No, no, no, not like that!"
Pagpapatuloy niya: "I had a hard time because, I guess, for a moment it was... parang sabi ko, 'Sue, did we really just do that?’
“Of all the projects I’ve done, hindi kami nagpe-playback, we don’t rewatch our scenes.
“Sabi ko, 'Direk, can we see what we did?' 'Huwag na. Trust me.'
“Sabi ko, 'Okay, we put all our trust in you.' 'Okay na ‘to, panoorin mo na lang sa sinehan.' 'Okay, okay, ganun na lang!'"
Hindi raw makapaniwala si Diego dahil very close friends sila ni Sue sa tunay na buhay.
Lahad niya: "Nakakapanibago nga lang na, yun nga, I kissed Sue! After how many years of working together, we never had a scene na kailangan na ganito.
"And it wasn’t just a kiss. Dapat abangan niyo kasi hindi yung typical na kiss.
"I don’t think I have done anything this wild yet."
Gaano ka-daring si Diego sa pelikula?
Sabi niya, "Guys, don’t worry, walang butt exposure, you will not see my butt, no. But the kiss was pretty out there."