Pinag-usapan ng netizens ang announcement ng Professional Regulation Commission (PRC) tungkol sa zero passers ng June 2025 Special Professional Licensure Examination (SPLE) for Certified Plant Mechanics (CPM).
Ipinost sa website ng PRC ang resulta nitong June 17, 2025, Martes.
Kasabay nito ang pangalan ng 20 passers sa SPLE for Mechanical Engineers (ME), kung saan 74 ang total exam takers at 27.03 percent ang pumasa.
Pero “no one passed” sa SPLE for CPM, na ayon sa PRC website, ay may kinalaman sa "maintenance, repair, and operation of industrial machinery and equipment, particularly in power plants and industrial plants."
Nang i-post ng GMA Integrated News sa Facebook ang announcement, samu’t sari ang comments ng netizens.
May ilang nagbiro.
May ilang napaisip kung gaano kahirap ang SPLE for CPM at bakit walang pumasa.
Hirit ng isa, “Kung ganito kaya ang pagawin sa mga politiko at kakandidato, ilan kaya papasa?”
Pero may mga netizens na nagbigay ng paglilinaw.
Paliwanag ng isa: “Special Professional Licensure Examination po. Para ito sa mga OFW residing in Middle East, Singapore, at Taiwan.
“Hindi katulad sa Pilipinas na madami ang takers.”
Dagdag ng netizen, ang iba pang detalye ay “accessible para sa lahat nang walang idea kung ano ito.”
Tugma ang paliwanag ng netizen sa nakasaad sa website ng PRC.
“The Special Professional Licensure Board Examinations (SPLBE), which started in 1997, is a measure of enhancing the employability and competitiveness of qualified OFWs as it would greatly boost their edge in the labor market.”
Read: Primary school in Scottish village has only two students
ONLY ONE TOOK THE SPLE CPM
Ang examinations for ME at CPM ay ginanap sa mga bansa sa Middle East at Asya noong June 6, 7, at 8.
Bukod sa pangalan ng mga bagong licensed mechanical engineers, nakalagay din kung saang unibersidad o kolehiyo sila nag-aral.
May mga netizens na nag-abalang basahin kung bakit "no one passed" the SPLE for CPM.
Sa resulta for CPM, makikitang iisa lamang ang exam taker at siya rin ay repeater.
Naka-indicate din kung saang paaralan siya nagtapos.
Pero hindi siya nakapasa, kaya "no one passed."
Read: Does lending money with high interest create bad karma?