Kilig ang hatid ng baguhang Sparkle artist na si Anthony Constantino nang sorpresa niyang bisitahin sa Kapuso morning talk show na Unang Hirit ang ex-Pinoy Big Brother (PBB) Celebrity Collab Edition housemate na si Shuvee Etrata.
Ngayong Biyernes, June 20, 2025, ginanap ang grand homecoming ni Shuvee sa Unang Hirit, kunsaan isa siya sa mga regular co-host.
Read: Shuvee Etrata fulfills dream of becoming a PBB housemate
Pagpasok pa lang ni Anthony na may dalang bouquet of flowers ay nagtilian na ang fans ni Shuvee na nasa loob ng studio.
Nagpadagdag pa sa kilig nila nang ipinakilala ng mga co-host ni Shuvee na sina Suzi Entrata-Abrera at Shaira Diaz si Anthony bilang "special friend" ng PBB alumna.
ANTHONY ON SHUVEE: "I’m really blessed and lucky to have you in my life."
Dahil sa pagiging malapit nila sa isa't isa, hiningan si Anthony ng mensahe para kay Shuvee.
Ayon sa Filipino-American model-actor, proud na proud siya sa narating at mararating pa ni Shuvee lalo na ngayong nakalabas na ito sa PBB house.
Nagpasalamat din si Anthony sa oportunidad na ibinigay ng PBB kay Shuvee para maipakita nito ang kanyang talento at tunay na pagkatao.
Saad niya: "I’m very happy with PBB and I wanna thank them for giving Shuvee, really, this opportunity.
"Because if there’s anybody that deserves it, it’s really Shuvee.
"I’m happy that she’s given this opportunity, like the world deserves to see her and I’m happy that the world got to see her...
"Yeah, I’m just really, really proud of her and I’m really happy."
Read: Kara David saddened by Shuvee and Klarisse’s eviction from PBB
Pinuri rin ni Anthony si Shuvee sa pagiging mabuti at mabait nitong kaibigan — sa loob man o sa labas ng Bahay Ni Kuya.
Kaya naman masaya raw siyang ibalik ito sa actress-TV host sa pamamagitan ng pagpapakita ng suporta at pagmamahal dito.
Mensahe ni Anthony: "I want to take this moment just to show what you really mean to me.
"Ever since I’ve met you, really, you’ve been so kind.
"And I could just tell that, I don’t know, you really wear your heart on your sleeve and you really love everybody with all of your heart.
"I’m really blessed and lucky to have you in my life."
Shuvee thanks Anthony for his support
Bakas naman ang kasiyahan ni Shuvee sa ipinapakitang suporta at pagmamahal sa kanya ni Anthony.
Ayon kay Shuvee, hindi niya sukat-akalaing isa si Anthony sa sasalubong sa kanya sa labas ng Bahay Ni Kuya nang na-evict siya, kasama ang ka-duo niyang si Klarisse de Guzman, noong June 14.
Malaking bagay raw ito kay Shuvee kaya labis-labis ang pasasalamat niya kay Anthony sa matiyaga nitong paghihintay sa kanya hanggang makalabas siya ng Bahay Ni Kuya.
Read: PBB viewers gush over Shuvee Etrata and Anthony Constantino
Sabi ni Shuvee: "Hindi ko kasi talaga ine-expect na makikita ko siya sa labas ng bahay.
"Thank you… I’m really grateful for you. I did not expect to see you really outside the house.
"Thank you for patiently waiting. Thank you for your patience. Thank you for being so special."
Sa huli, nakangiting sinabi ni Shuvee na nasa tabi at harapan na niya ang kanyang "TDH."
Pagmamalaki ni Shuvee: "Guys nandito na po talaga yung TDH ko.
"Tall, check! Dark, so check! Handsome, grabe guys!"
Ang "TDH" ay acronym ng Tall, Dark, Handsome na naging paglalarawan noon ni Shuvee sa Kapamilya heartthrob na si Donny Pangilinan nang pumasok ito sa PBB bilang houseguest.
Naging trending ito at ginawan ng iba't ibang memes ng netizens at maging ng ilang celebrities.
Habang isinusulat ang artikulong ito ay wala pang kumpirmasyon mula kina Shuvee at Anthony kung may katotohanan ang haka-hakang higit pa sa magkaibigan ang kanilang ugnayan.