May bubog pa rin kay Kylie Padilla ang pagkasawi ng karakter niyang si Amihan sa Kapuso fantaserye na Encantadia noong 2016.
Ang seryeng ito ay reboot o remake ng 2005 Kapuso fantaserye na may parehong titulo.
Sa orihinal na teleserye, hindi namatay ang karakter ni Amihan, na ginampanan noon ni Iza Calzado.
Pero sa 2016 remake, kinailangang patayin ang karakter ni Amihan nang ipagbuntis ni Kylie ang panganay na anak nila ng aktor na si Aljur Abrenica.
Noong Lunes, June 16, nagsimulang umere sa GMA-7 ang sequel ng Encantadia, ang Encantadia Chronicles: Sang’gre.
Ikinatuwa ng fans na kasama pa rin dito ang 2016 Sang’gres na sina Kylie bilang Amihan, Glaiza de Castro bilang Pirena, Gabbi Garcia bilang Alena, at Sanya Lopez bilang Danaya.
Sa pilot episode, tampok ang apat na Sang’gres. Pero ito ay flashback kung kaya’t buhay pa ang karakter ni Amihan.
Mas consistent ang presence nina Glaiza, Gabbi, at Sanya sa Sang’gre dahil buhay pa rin ang kanilang mga karakter.
Read: TV Ratings: Sang'gre, tumalab ba ang powers sa Batang Quiapo?
KYLIE IS HEARTBROKEN
Sa recent interview ni Kylie, inamin nitong bagamat natutuwa siyang nare-reprise niya ang role ni Amihan, hindi buo ang kanyang kasiyahan.
Paliwanag ni Kylie sa interview sa kanya ni Nelson Canlas para sa GMA Integrated News: “Bittersweet, kasi siyempre I know my role in the whole series, super-ganda ng mangyayari kay Amihan, especially when it comes to the birth of the new Sang’gres.
"Kasama si Amihan doon.
“But then, also sad because patay pa rin si Amihan, and she’s still an ivtre [kaluluwa].
“So, sad lang ako every time I watch it, and I see the three, my three sisters, nang wala si Amihan, and heartbroken every time I watch it.”
Read: Shuvee Etrata publicly declares Anthony Constantino her "TDH"
KYLIE STILL CAN’T GET OVER HER ROLE AS AMIHAN
Paliwanag ni Kylie, nag-invest siya nang husto sa karakter ni Amihan noong 2016.
Saad niya: “Sobrang pinaghirapan ko para lang magustuhan yung Amihan ko, yung version ng Amihan. And then, at the hype, I got pregnant.
"It was unexpected. And I really didn’t know how else to handle it.”
Batid din daw ni Kylie na posibleng nadismaya ang co-stars at production team sa nangyari, pero hindi raw nila iyon pinag-usapan.
“Siguro nagulat din yung mga creatives, writers, how to adjust the story.
“Sobrang malaking… not just regret, it’s a huge… feeling ko, kailangan ko pang bumawi sana. Yun yung expectation ko dito [sa Sang’gre].
“Dream kong mapanood kami ulit na kumpleto kami, nang hindi patay si Amihan. Pambawi lang sa mga kapatid ko.
“It’s really painful to see them not complete because of me.”
Inusisa si Kylie kung ano ang reaction ng tatlong co-lead stars niya nang malamang nabuntis siya sa kasagsagan ng Encantadia.
“We never talked about it. Siyempre, kinongratulate [ako], ‘Congratulations. So happy for you,’ ganyan.
“Pero never naming napag-usapan yung how they felt after I Ieft. Siyempre ako, may fear ako na baka may disappointment [on their end].”
Bukod sa pasulpot-sulpot na karakter ni Kylie bilang Amihan sa Sang’gre, bibida siya sa upcoming Kapuso afternoon teleseryeng My Father’s Wife.