Ibinahagi ni Lani Misalucha na nag-audition siya noon sa America’s Got Talent, ang sikat na reality franchise singing competition.
“Oo,” ang natawang pag-amin ni Lani.
“Hindi naman nga kasi ano yun e… Hindi ko na matandaan 2005 or 2006.
“Nasa Vegas pa ako noon, pinag-audition lang ako ng parang agent ko.”
Noong mga panahon iyon ay nakabase sa Amerika si Lani at may regular shows sa Las Vegas.
Ang kinanta raw niya sa audition ay ang operatic pop song na “Con Te Partiro” ni Andrea Bocelli na may duet version with Sarah Brightman.
Sa husay ni Lani bilang singer, hindi katakatakang pumasa siya sa audition.
Balik-tanaw niya, “Pinatawag ako for a second call, pero hindi ko na nga in-ano.
“Pinasabi ko na lang dun sa agent na hindi ko kakayanin kasi nga nage-everyday show kami, e.”
Read: PBB Celebrity Collab: BreKa completes Big 4; DusBi evicted
NO REGRETS FOR NOT PUSHING THROUGH
Bakit siya nag-audition?
“Wala lang,” sagot ni Lani. “Pinasabak lang ako, parang, you know, just for the experience of it para lang ano…
“As in nasa isang casino lang kami–nakalimutan ko na kung saang casino iyon.
“So ayun, andun, meron mga auditioners tapos may mga judges.
“Pero hindi pa sina ano nun, kumbaga ito pa lang yung ini-screen.”
Ang tinutumbok ni Lani ay hindi pa raw celebrity judges, tulad ni Simon Cowell, ang nakaharap niya sa screening.
Tinanong namin si Lani kung wala ba siyang “what if” kung itinuloy niya ang journey niya sa America’s Got Talent.
“Oo nga, e, noh? Papa’no kaya kung tinuloy ko? Ano nga ba or what could have been, you know?” napaisip na sabi ni Lani.
Sabay nakangiting dugtong niya, “Pero sa totoo lang wala akong regrets or anything.”
Read: Bearwin Meily: Where is he now?
THE CLASH 2025 CONTESTANTS
Nakausap namin si Lani sa mediacon ng The Clash noong June 11, 2025, sa ballroom ng Luxent Hotel sa Timog Avenue, Quezon City.
Judge si Lani sa The Clash kasama sina Christian Bautista at Ai-Ai delas Alas.
Kapag nakikita ni Lani Misalucha ang mga contestant ng The Clash 2025, hanga raw siya sa determinasyon ng mga ito.
“Oh my gosh! Sabi ko dito sa mga bagong singers na ‘to, I’m so impressed with them, sa totoo lang.
“Because nung ako ay nag-uumpisa, hindi ako ganyan ka-focused, sa totoo lang.
“Nasabi ko na I wasn’t that focused compared to them because that time, you know, I was already a mother of two.
“Parang I was trying to balance the singing side and, of course, being a homemaker, a mother, you know, so hindi ako ganun ka-focused.”
Bilib daw si Lani sa contestants ng show.
“But these kids, you know, I can really say that they wanted this. And I can see na talagang mahusay sila, you know?
“Talagang nagko-concentrate sila, alam nila yung ginagawa nila. And the way they sing, parang matagal na silang kumakanta.
“So I’m really impressed, and I’m grateful na somehow nakikita ko yung sarili ko sa kanila–na itong mga ‘to, they’re gonna make it and they’ll go places.”
First-time contestants sina Adelle Yu, Carlos Florez, Divine Camposano, Jan Echavarria, Jayce San Rafael, Juary Sabith, Liafer Deloso, Leigh Atienza, Marian Pimenta, Mitzi Josh, Scarlet Yape, at Venus Pelobello.
Makalalaban nila ang Clashbackers o labindalawang contenders na nagmula sa mga nakaraang season ng kompetisyon.
Ito ay sina Vilmark, Renz Robosa, Jennifer Maravilla, Arabelle dela Cruz, Nef Medina, Lyra, Bea, Liana Castillo, Zyrene Ciervo, Allain Maristela Gatdula, Tombi Romulo at Jong Madaliday.
Hosts ng The Clash 2025 sina Julie Anne San Jose at Rayver Cruz.
Napapanood ito sa GMA-7 tuwing Linggo, 7:15 P.M.