Viral at pinag-uusapan sa social media ang nakatatawang pangyayari habang inaawitan ng Kapuso actor na si Paul Salas ang mga tao sa 76th founding anniversary ng Brookes Point, Palawan, nitong nakaraang weekend.
Habang aliw na aliw ang mga tao sa performance ni Paul, bumaba ang aktor sa audience area upang makihalubilo sa kanila.
Sa isang punto ay isang babae ang sinalubong siya at nagpa-selfie.
Pagkatapos nito, iniwan ni Paul ang babae at nagpatuloy sa pagkanta papunta sa iba pang audience sa likuran.
May nadaanan siyang bakanteng monoblock chair at kanya itong hinila para tuntungan.
Sa kilig siguro ng babae, hindi nito namalayang wala na ang kanyang upuan kaya natumba siya.
Read: Kathryn Bernardo at Alden Richards may hidwaan ba?
PAUL SALAS APOLOGIZES FOR THE INCIDENT
Sa pamamagitan ng kanyang Facebook account, humingi ng dispensa si Paul sa pangyayari.
Hindi raw niya napansin na ang upuang kanyang hinila ay sa babae palang nagpa-selfie sa kanya.
Buong sabi ni Paul: "Hindi naman kasi sa akin ang upuan kuha ako ng kuha pasensya Minamahal kong binibini at hindi ko napansin eh upuan mo pala yun bawi ako sayo i love you!!!
"Mabuti at okay ka At sana nag enjoy ang lahat ng taga Brookes Point Palawan love you guys!!"
Read: Cesca Litton done with her chemotherapy: “This is me, bald.”
Ni-repost naman ni Paul sa kanyang Instagram Story ang isang mensaheng ipinadala ng isa sa mga nakasaksi sa kanyang performance.
Ayon dito, "Hello po! As a part of the audience kagabi, masasabi ko lang na very worth it ang pagpunta namin sa Event Center.
"Napasaya niyo kami, hindi lang sa tawa kundi pati na rin sa puso. Hoping na bumalik ulit kayo ng Palawan. See you soonest po!"
Reaksiyon ni Paul sa caption, "Mga ganitong bagay na nakakapuno ng saya sa puso ko din nakakawala ng stress. Salamat Lord sa purpose."
Read: Carla Abellana posts grievance with PrimeWater