Sa unang pagkakataon, makakatambal ni Kazel Kinouchi si Gabby Concepcion sa GMA-7 Afternoon Prime series na My Father's Wife.
"Siyempre, nakaka-pressure," bulalas ni Kazel nang kamustahin ang karanasan niya bilang onscreen partner ni Gabby.
"Lahat ng mga naging leading lady ni Kuya Gabby are very beautiful [at] very, very magagaling umarte.
“Pero yun, si Kuya Gabby, sobrang kalog lang niya, so you don't really feel the pressure around him."
Inaasahang may intimate scenes sila sa serye bilang mag-asawa ang gagampanan nilang roles.
Walang kaba si Kazel?
"Siya ang kabahan," pabirong hirit ni Kazel.
Sabay bawi niya, "Joke lang!"
Paliwanag ni Kazel, "Yung mga ganung scenes… Well, kinakabahan in a way siguro kasi…
"Well, hindi pa kami dumadating dun, yung kiss lang, ganun lang.
"Okay naman, kasi yung director namin, pag may limitations ina-acknowledge naman niya."
Si Aya Topacio ang direktor ng My Father’s Wife.
Siniguro ni Kazel na maayos ang dynamics nila ni Gabby sa set.
Dagdag niya, "So yun nga, never ko naman na-feel yung pressure or yung parang awkwardness around him kasi he will make you feel parang comfortable."
Nakapanayam ng PEP.ph (Philippine Entertainment Portal) si Kazel sa grand mediacon ng My Father’s Wife at dalawa pang bagong Kapuso afternoon shows na Akusada at Cruz vs. Cruz noong June 16, 2025, sa Studio 6 ng GMA Network.
Read: Why Gabby Concepcion never courted Snooky Serna in their teens
STORY OF MY FATHER'S WIFE
Dalawang linggo nang umeere ang My Father's Wife, kunsaan first wife ni Gabby si Snooky Serna.
Si Kazel ay gumaganap bilang Betsy, ang best friend ni Gina, na ginagampanan naman ni Kylie Padilla.
Base sa takbo ng kuwento, mula pagkabata ay madalas nang mamanipula ni Betsy si Gina, na nakakaangat sa buhay at likas ang pagiging matulungin.
Hanggang sa nawalay ang landas nila sa matagal na panahon.
Nang muli silang magkita, nagpatulong si Betsy kay Gina para makapunta ng U.S. ang nobyo ni Betsy na si Gerald (Jak Roberto).
Pumayag si Gina, na isang U.S. citizen, na magpakasal kay Gerald.
Nagalit ang ama ni Gina na si Robert (Gabby Concepcion) nang matuklasan niya ang scheme ng couple.
Dito na tila inatake sa puso ang misis ni Robert na si Minda (Snooky Serna) dahil sa pag-aalala habang pinipigilan ang kumprontasyon sa pagitan nina Robert at Gina.
Base naman sa trailer ng serye, magkakahulugan ng loob sina Gina at Gerald; at ito ang magiging hudyat para maghiganti si Betsy.
Read: Sunshine Cruz shuts down breakup issue with Atong Ang
KAZEL KINOUCHI ON KYLIE PADILLA
Sa pagpapatuloy ng panayam kay Kazel, inihayag niya na sobra siyang nag-e-enjoy katrabaho si Kylie.
"She's ang galing na artista," ani Kazel.
"Sabi ko nga sa kanya, nung nag-workshop kami, 'Aabangan ko yung mga awards mo,' oo.
"Kylie is very professional. She's also very generous. Parang ibibigay niya talaga sa iyo kung ano yung... parang makagalaw ka rin, yung character mo, yung reaction mo."
First time rin ni Kazel makatrabaho ang ibang cast members kabilang sina Arlene Muhlach, Maureen Larrazabal, Sue Prado, at Andre Paras.
Paglalarawan ni Kazel sa mga unang taping days nila, "At first, it felt awkward, parang siyempre… Pero yun nga, everything goes very lightly lang."
Read: Atong Ang denies "mastermind" tag in missing sabungeros case
KAZEL KINOUCHI ON BIG BREAK IN HER CAREER
Bida sa serye sina Kylie, Gabby, Kazel, at Jak na nasa poster ng promo material ng serye.
Aminado si Kazel na big break ito para sa kanya, lalo pa't siya ang "wife" sa title ng series.
"Siyempre first time ko ‘to. First time ko rin na malagay talaga sa poster.
"So, super honored and thankful sa director, sa casting, sa mga bosses, that they entrusted me with this role."
Handa si Kazel na kainisan bilang kontrabida ang kanyang role.
"And yes, villain tayo dito, pero yung character ko, she did not wake up choosing to be a villain, kasi she was, you know, shaped by her circumstances in the past.
"So yun, I'm so excited for everyone to meet Betsy. [I am] excited and nervous at the same time kasi there is expectation.
"Siyempre title, My Father's Wife, ako yung wife nung father, so yun, sana ma-exceed ko yung expectations."
Si Kazel ay ex-housemate mula sa Pinoy Big Brother Teen Clash of 2010, kunsaan ang Big Winner ay si James Reid.
Taong 2022 nang lumipat si Kazel sa GMA Network mula sa ABS-CBN.
Ilan sa programang kinabilangan niya sa Kapuso Network ay Abot-Kamay Na Pangarap, My Ilonggo Girl, at Start-Up PH.
(With additional text by Rachelle Siazon)