Magbabalik sina Vice Ganda, Piolo Pascual, at Nadine Lustre sa Metro Manila Film Festival (MMFF).
Kabilang ang mga pelikula nila sa unang apat na napiling official entries para sa MMFF 2025.
Sa 50th edition ng MMFF noong 2024, si Vice ang bida sa topgrosser na And The Breadwinner Is...
Si Nadine naman ay nasa cast ng Uninvited.
Si Piolo ay nagbida, kasama si Vic Sotto, sa straight drama na The Kingdom.
Read: Sharon Cuneta, Senator Kiko Pangilinan withdraw suit vs. Cristy Fermin
Sa 51st edition ng MMFF ngayong 2025, magsasama sina Vice at Nadine para sa comedy-drama na Call Me Mother.
Si Piolo ay magbabalik sa taunang film festival sa pamamagitan ng crime-thriller na Manila's Finest.
Ang isa pang napiling official entry sa MMFF 2025 ay ang family drama na Rekonek, na pagbibidahan nina Carmina Villarroel, Zoren Legaspi, at Gerald Anderson.
Ang pang-apat ay ang horror at nagbabalik na Shake, Rattle & Roll: Evil Origins tampok ang all-star cast sa pangunguna nina Richard Gutierrez, Carla Abellana, Ivana Alawi, Francine Diaz, Seth Fedelin, at Fyang Smith.
Inanunsiyo ang first four official entries ng 51st MMFF sa Glorietta Palm Drive Activity Center sa Makati City ngayong Martes, July 8, 2025.
Sa kauna-unahang pagkakataon, ang Makati City ang host ng annual film festival.
Ang nagsilbing hosts ng event ay sina Enchong Dee at Jervi "Kaladkaren" Li.
Guest performers naman ang Kapamilya Pinoy Big Brother (PBB) Celebrity Collab Edition Big 4 housemates na sina Brent Manalo, Ralph de Leon, Esnyr Ranollo, at River Joseph.
Nagbigay naman ng talumpati sina MMDA Chairman and concurrent MMFF ExeComm Chairman Atty. Romando “Don” Artes at Makati Mayor Nancy Binay.
Ginawaran ng commemorative stamps mula sa Philippine Post Corporation (PhilPost) at cash prizes ang mga lumahok at nanalo sa 50th MMFF noong 2024.
Read: Ama ng mga anak ni Lolit Solis, buhay pa at nasa Amerika
FIRST FOUR MMFF 2025 OFFICIAL ENTRIES
Ito ang unang apat na pelikulang napili ng MMFF Screening Committee bilang official entries sa MMFF 2025:
CALL ME MOTHER
Lead Stars: Vice Ganda and Nadine Lustre
Director: Jun Robles Lana
Writers: Daisy Cayanan, Daniel Sanana, Jun Robles Lana
Producer: ABS-CBN Production Inc. / Viva Films / IdeaFirst
Genre: Comedy / Drama
REKONEK
Lead Stars: Gerald Anderson, Carmina Villarroel, Zoren Legaspi, Gloria Diaz, Alexa Miro
Director: Jade Castro
Writers: Jerico Aguado, Leovic Arce, Kat Naval
Production: Reality Studios
Genre: Family Drama
MANILA'S FINEST
Lead Star: Piolo Pascual
Director: Rae Red
Writers: Michiko Yamamoto, Moira Lang, Sherad Anthony Sanchez
Production: Cignal TV, Inc.
Genre: Crime-Thriller
SHAKE RATTLE & ROLL XVII EVIL ORIGINS
Lead Stars: Ivana Alawi, Fyang Smith, Loisa Andallo, Ashley Ortega, Ysabel Ortega, Elijah Alejo, Carla Abellana, Manilyn Reynes, Janice de Belen, Francine Diaz, Kaila Estrada, Richard Gutierrez, Ryan Bang, Seth Fedelin, JM Ibarra, Dustin Yu
Director: Shugo Praico, Joey De Guzman, and Ian Loreños
Writers: Alex Castor, Onay Sales, and Gina Marissa Tagasa
Production: Regal Entertainment, Inc.
Genre: Crime-Thriller
Read: Tali Sotto, tinanong bakit nakasara ang kabaong ni Lolit Solis
