Ang mag-asawang Tonton Gutierrez at Glydel Mercado ay parehong talent ng namayapang talent manager-showbiz columnist na si Lolit Solis.
Read: Lolit Solis, talent manager and showbiz columnist, dies at 78
Si Lolit ang manager ni Tonton mula pa nang magsimula itong pumasok sa showbiz nung 1980s.
Si Glydel naman ay lumipat kay Lolit nang bitawan siya ng dating manager na si Daddie Wowie Roxas.
Nakapanayam ng PEP.ph (Philippine Entertainment Portal) si Glydel sa ikatlong araw ng burol ni Lolit sa Aeternitas Chapels and Columbarium sa Quezon City.
Kahit alam nila na sumasailalim sa dialysis si Lolit dahil sa kidney illness nito, nagulat pa rin si Glydel sa pagpanaw ng manager.
"Nung una di ako makapaniwala kasi madaling araw namin nalaman. Di kami makapaniwala, di kami nakatulog ni Ton sa balitang yan," bungad ni Glydel.
Dumadalaw naman daw silang mag-asawa kay Lolit noon para kamustahin ang kalagayan nito.
"Sabi lang niya nahihirapan daw siya sa dialysis niya, pero masaya naman daw siya dun kasi nakakatsika siya sa mga nakaka-dialysis niya."
Read: Ama ng mga anak ni Lolit Solis, buhay pa at nasa Amerika
GLYDEL MERCADO MEMORIES OF LOLIT
Pinuri rin ng aktres kung gaano kagaling na manager si Nay Lolit kung saan masipag at maaasahan ito pagdating sa projects ng mga talents.
Ano ang naaalala niya kay Lolit bilang manager?
Sagot ni Glydel: "Magaling siya mag-handle ng talent. Talagang ginagawan niya ng paraan.
"Halimbawa, yung ibang talent niya walang trabaho. Hahanapan niya or parang package deal para magkatrabaho."
Isang katangian ng manager na di niya makakalimutan ay ang pagiging maaalalahanin daw nito.
Balik-tanaw ni Glydel, "Her sweetness—napaka-sweet ni Nanay, kasi pag may special occasions, like birthday mo, Christmas, or whatever na okasyon, one month before mayroon ka ng regalo."
Ang panghuling mensahe ni Glydel para kay Lolit: "Nanay, maraming, maraming salamat sa lahat ng naitulong ninyo sa amin, nami-miss ka namin ngayon pa lang.
"We will meet again someday. Basta you will be forever in our hearts, we love you so much."
Read: First four official entries to MMFF 2025 announced
OGIE ALCASID AND REGINE VELASQUEZ
Nasa burol din ni Lolit ang mag-asawang Regine Velasquez at Ogie Alcasid.
Naghandog sila ng awitin kay Lolit bago ang misa.
Sa panayam ng PEP, inalala ng dalawa ang fondest memories nila sa namayapang manager.
"Halos lahat nakakatawa, kasi siya ang life of the presscon," nakangiting pahayag ni Ogie.
Dagdag ni Ogie: "[Kay] Manay Lolit kasi uso yung intriga. Parang kami di naman na-experience yun, di niya kami ginaganun.
"Saka ano siya, lagi niyang niloloko si Jun Nardo. Kasi dati, pag di si Jun yung may handle ng presscon, sasabihin niya, 'Yung datung?' She will be missed."
Sabi naman ni Regine: "Naalala ko pa yung M&M sa Startalk. May guesting na mascot na M&M.
"Nanonood ako, tinulak niya sa TV yung M&M tapos natumba, di na makabangon."
"Kasi bilog yun, e, so naglay siya sa back, di siya makatayo. Tawa ako nang tawa," natatawa pang pagbabalik-tanaw ni Regine.