Nakahanap na ba ng bagong pag-ibig si Cristine Reyes?
Ito ang usap-usapan ng netizens matapos malantad sa social media ang ilang litrato niya kasama ng non-showbiz guy na nagngangalang Gio Tingson.
Si Gio ay nanungkulan bilang National Youth Commission chairperson mula 2014 hanggang 2016.
Mismong si Gio ang nagbahagi sa kanyang Instagram account ng ilang litrato nila ni Cristine na kuha sa Vietnam.
Malinaw na magkasamang nagbakasyon ang dalawa roon base sa IG carousel na may petsang July 12, 2025.
Caption ni Gio: "Crossing the Red River at Thng Long."
May kuha silang kumakain sa isang simpleng eatery na may authentic Vietnamese meals.
May selfies din sila at iba pang litrato na sila lang ang magkasama habang namamasyal sa iba-ibang tourist spots doon.
Naka-like si Cristine sa post na ito ni Gio.
Hindi naman mapigilang maghayag ng kasiyahan ang ilan sa nag-iwan ng mensahe para sa dalawa.
Komento ng isang netizen patungkol kay Gio, "Ngiting inspired, Boss ah. Ayiiiiiii!"
"Pagibig na talaga yan," sabi ng isa pa.
Panunukso ng isa pang netizen, "Ano to relaunching?"
Read: Mga sakong naglalaman ng buto, natagpuan sa Taal Lake
CRISTINE REYES SEEN WITH FRIENDS OF GIO TINGSON
Noon ding July 12, nag-post ang kaibigan ni Gio na si Raffy Magno ng group photo kasama si Cristine.
Si Raffy ay executive director ng Angat Buhay, ang non-government organization na ang founder ay si Naga City Mayor Leni Robredo.
Lima sila sa litrato at kapansin-pansin ang caption ni Raffy na "With the newest addition to our small family. Ako na lang ang walang jowa, jusko."
Base sa caption, mahihinuhang ang tinutumbok ni Raffy ay couples ang mga kasama niya sa litrato.
Mag-asawa ang nasa kanan niya, at ang nasa kaliwa naman ay sina Gio at Cristine.
Naka-like sa post ni Raffy sina Cristine, pati na rin sina Dingdong Dantes at Pasig City Mayor Vico Sotto.
Read: Cristine Reyes, Marco Gumabao unfollow each other on Instagram
WHO IS GIO TINGSON?
Si Gio Tingson ay head of public affairs ng Grab mula noong 2024, ayon sa kanyang LinkedIn profile.
Nanungkulan siyang chair ng Akbayan Citizens Action Party (2018-2022).
Associate lawyer siya sa isang law firm mula 2019-2021.
Nagtrabaho rin siya bilang chief political officer ni Senator Bam Aquino (2016-2018).
Nagtapos siya ng AB Philosophy sa Ateneo de Manila University noong 2010, at nagtapos ng abogasya sa Arellano University noong 2018.
Read: Ara Mina, ano ang alam sa rumored breakup nina Cristine at Marco?
CRISTINE REYES'S PAST RELATIONSHIPS
Ang huling karelasyon ni Cristine ay ang kapwa artista na si Marco Gumabao.
First quarter of 2023 nang nagkahulugan sila ng loob.
Napabalitang naghiwalay sila nang mag-unfollow sila sa isa't isa noong April 2025. Noon ding buwan na iyon ay nag-follow back ulit sila sa isa't isa.
Ganunpaman ay hindi tuluyang nawala ang espekulasyong break na sina Cristine at Marco.
Hanggang sa kasalukuyan ay tikom ang bibig nina Cristine at Marco hinggil sa isyu.
Bago iyon, si Cristine ay dating kasal sa MMA fighter na si Ali Khatibi, na ama ng kanyang anak na si Amarah.