Nakatanggap ng golden buzzer ang Filipino-American singer na si Jessica Sanchez sa America's Got Talent (AGT).
Nitong Miyerkules, July 16, 2025, ipinalabas ang audition ni Jessica sa AGT, kunsaan niya kinanta ang “Beautiful Things” ng American singer-songwriter na si Benson Boone.
Pagkatapos ng kanyang performance ay binigyan siya ng standing ovation ng AGT judges na sina Simon Cowell, Sofia Vergara, Mel B, at Howie Mandel, maging ng studio audience.
Labis na humanga ang judges at studio audience sa husay na ipinamalas ni Jessica kaya nakatanggap siya ng golden buzzer mula kay Sofia.
Pahayag ni Sofia: "I think there's something very special happened on the stage with you.
"It's so amazing that we're on the 20th anniversary, the 20th season of AGT, you're here again after 20 years.
"You're so beautiful, you're so ready to do all this.
"I mean, I really don't understand what happened in these 20 years, but I guess they were meant to be, because this was a special moment, and I think that you deserve this."
JESSICA'S COMEBACK AFTER 20 YEARS
Ang pagbabalik ni Jessica sa AGT ang pangalawang beses niyang pagsabak sa talent-competition program sa Amerika.
Bago kumanta, ibinahagi muna ni Jessica ang dahilan ng kanyang pagbabalik sa AGT stage.
Read: Jessica Sanchez returns to America's Got Talent after 20 years
Aniya: "I was actually on the very first season of America’s Got Talent.
"Throughout the years, I kind of fell out of love of music because I was really young and I was so swayed by what everyone wanted me to be, who they wanted me to be.
"Maybe it took me 20 years, but I know exactly who I am, I know exactly what I want. I’m excited to be back."
Ang tinutukoy na "first season" ni Jessica ay noong 2006 nang sumali siya sa AGT.
Nakaabot siya sa wildcard round ngunit sa kasamaang-palad ay hindi siya nakaabante sa grand finals.
Bukod sa pagbabalik sa pagkanta, masaya ring inanunsiyo ni Jessica na siya ay nagdadalantao sa una nilang anak ng asawang si Rickie Gallardo.
JESSICA ON American Idol
Bukod sa AGT, sumali rin si Jessica sa American Idol Season 11 noong 2011.
Dito ay nakarating siya hanggang sa grand finals at naging runner-up sa nanalong si Phillip Phillips.
Kabilang din sa mga judge noon ng American Idol si Simon Cowell.
Read: Jessica Sanchez to grace Idol Philippines finale
Hindi man pinalad maging winner, nagtuluy-tuloy ang biyaya at proyekto para kay Jessica.
Taong 2013 nang i-release niya ang kanyang debut album na Me, You and the Music, featuring Ne-Yo.
Sa parehas na taon, napasama si Jessica sa finale ng Glee Season 4.
Read: Jessica Sanchez will get her share of the spotlight in Glee Season 4 finale