Isang Pilipinong pamilya ang nakaranas umano ng racism sa isang simbahan sa Barcelona, Spain.
Naglabas ng kanyang hinanakit si Mekeni Food Corporation president Prudencio Garcia sa pamamagitan ng Facebook post ngayong Biyernes, July 25, 2025.
Ito ay matapos daw harangin ng isang female guard ang kanyang asawa't anak papasok sa Basilica de la Sagrada Familia, ang itinuturing na pinakamalaking Catholic church sa buong mundo.
Harap-harapan daw sinabihan ng guard ang kanyang misis at kanilang teenager na anak na wala itong tiwala sa mga Pilipino.
“A painful moment in a sacred place,” bungad ng business executive sa kanyang post.
“On July 24, 2025, during our visit to the Sagrada Família in Barcelona, a deeply upsetting incident happened to my wife and our 16-year-old daughter.”
Pagdedetalye ni Garcia, kasama sila sa grupo ng 23 turistang bumisita sa lumang simbahan.
Pumila raw sila para makapasok sa simbahan. Nahiwalay siya ng pila mula sa kanyang misis at anak.
Matapos daw dumaan sa x-ray machine ang bags ng kanyang mag-ina, hinarang ang mga ito ng female guard na naka-duty noon.
Lahad ng negosyante: “[T]he female guard asked them, ‘What nationality are you?’
“When they replied, ‘We’re Filipinos,’ she said: ‘Open your bags. I don’t trust Filipinos.’”
Wala raw kamalay-malay si Garcia na nangyari ito sa kanyang mag-ina.
Ikinuwento na lamang daw ito ng kanyang anak nang mag-dinner sila.
Nasaktan daw si Garcia bilang ama at isang Pilipino.
Hindi raw niya inakalang maririnig ang masasakit na salitang iyon sa mismong lugar ng simbahan.
Pag-amin niya: “As a father, I was heartbroken.
“As a Filipino, I was deeply hurt.
“As a traveler, I was shocked that such words were uttered at the gates of a world-renowned place of faith and culture.”
Hindi raw niya nagustuhan ang pag-“single out” sa isang teenager dahil sa lahi nito.
Pagpapatuloy niya, “I understand and respect the role of security. But singling someone out based on nationality is not protection, it’s prejudice.”
Read: TikToker bashed for using passport on domestic flight--why?
SAGRADA FAMILY SHOULD NOT BE A SYMBOL OF RACISIM
Gumawa at nagpadala raw ng liham si Garcia sa mga kinauukulan subalit walang nangyari.
Lahad niya: “I am trying to send a formal letter to UNESCO and Spanish cultural authorities, not out of anger, but in the hope that this will never happen again. Not to any Filipino, not to anyone.
“Unfortunately, my email bounced back.”
Hindi raw dapat palagpasin ang ganitong pangyayari at hindi dapat mangyari kaninuman.
“This experience shouldn’t go unnoticed.
“The Sagrada Família should be a symbol of unity, not division. Of reverence, not racism.”
Dugtong niya, “May this serve as a reminder: Respect should be as universal as the heritage we preserve.”
Hindi man daw nagbunga ang hakbang niyang maipaabot sa kinauukulan ng pangyayari, nawa’y magsilbing aral ito para sa iba.
“I’m sharing this not because the authorities have responded, but because they haven’t.
“In fact, my initial attempt to reach them bounced back. Still, I believe stories like this deserve to be told, not to condemn, but to ensure they are never repeated.”
Kabilang sa mga ginamit niyang hashtags ay ang mga sumusunod: #FilipinosDeserveRespect, #StopDiscrimination, #ProudToBeFilipino #FaithAndDignity