Naglabas ng saloobin ang Asia's Songbird na si Regine Velasquez matapos makarating sa kanya ang reklamong isang female fan ang itinulak sa meet and greet pagkatapos ng Super Divas concert nila ni Vice Ganda.
Ang itinuro ng fan na tumulak umano sa kanya ay ang kapatid ni Regine na si Diane Velasquez-Roque.
Naganap ang two-night concert nina Regine at Vice sa Araneta Coliseum noong August 8 and 9, 2025.
Sa pamamagitan ng X (dating Twitter) ngayong hapon ng Miyerkules, August 13, nagbigay ng pahayag si Regine tungkol sa reklamo ng fan.
Nagpasalamat muna ang 55-year-old singer sa fan dahil sa panonood nito ng concert.
Ganunpaman, bagamat gusto ng fan na maging makahulugan ang bawat pagkikita nila, sadyang may mga pagkakataon daw na hindi ganoon ang nangyayari.
May mga pagkakataon daw kasing kapos na sa oras at napapagod din ang singer.
Saad ni Regine: "Hello everyone, may nagreklamo lang she was pushed daw during meet and greet.
"Ok first of all I want to say I am grateful and thankful tuwing nanonood kayo.
"I am also aware that you want every single meeting to be meaningful.
"Unfortunately hindi ganon lagi kasi wala tayong oras.
"Hindi rin ako robot na hindi marunong mapagod."
Pinabulaanan naman ni Regine ang alegasyong itinulak ng kapatid niyang si Diane ang fan sa meet and greet.
Kaya raw niya itong patunayan dahil may kuha silang video, at walang ganoong insidente.
Paglilinaw ni Regine: "I also want to correct her, that my sister Diane didn’t push you or said 'kayo ba magbabayad sa venue.' It was the other girl who actually said that.
"I know kasi halos sa tenga ko sinabi yun. Madaming tao dun.
"And they keep reminding everyone na kung pwede isang pic na lang at madaling araw na. But you insisted to have a selfie.
"Also, my sister's hand was [on] my shoulder that she removed so you can do a selfie.
"By the way, I have the video that you were not pushed by my sister.
"My sisters and rest of the people there was just trying to make sure we’re safe."
Sa huli, nilinaw rin ni Regine na hindi siya galit kundi dismayado lamang sa maling paratang laban sa kanyang kapatid.
Aniya: "I was performing on stage since 8 P.M. Both Vice and I were so tired but sobra kaming thankful for you guys.
"Kaya kahit hindi na kami makatayo andun pa rin kami at nagpapa-picture.
"Hindi naman ako galit but I’m disappointed. Anyway……."
Read: Sabrina M. cries foul over Vice Ganda's joke about her dark past
fan apologizes to regine
Lumalabas na ang pinag-ugatan ng isyu ay ang pagpapadala ng fan ng email sa isa sa major sponsors ng Super Divas concert upang ilahad ang naranasan umano niya sa meet and greet.
Bilang promo para sa bibili ng pinakamahal na item na nagkakahalaga ng PHP9,999, may kasama na itong libreng tiket sa Super Divas concert at meet and greet kay Regine.
Nakarating kay Regine ang reklamo ng fan kaya nag-post siya ng saloobin sa social media.
Sa comments section ng post ni Regine, nagkomento ang fan at inakong siya ang nagpadala ng email sa sponsor.
Ayaw raw sana ng fan na i-post ang kanyang mensahe para kay Regine, ngunit ito lamang daw ang paraan upang ipahayag ang panig niya.
Humingi siya ng paumanhin dahil hindi raw niya intensiyong lumaki ito.
Ginawa raw niyang pribado ang pagpapadala ng reklamo at umasa siyang maayos ito sa pribadong paraan.
Hindi raw niya intensiyong pahiyain o atakihin ang sinuman.
Saad ng fan: "Hi Ate Reg, it's me po, the one who raised the concern to [sponsor]. I don't want to post this message to you, but this is my only way to share my side.
"I want to apologize because I didn't mean for my email to [sponsor] to turn out this way or cause this kind of outcome.
"My concern was raised privately, and sana po naayos na lang din in private.
"I never posted about it because my intention was never to embarrass or attack anyone."
Personal din daw nagpadala ng mensahe ang fan sa kapatid ni Regine na si Diane dahil naramdaman umano niyang tila may problema ito sa kanya.
Nabanggit din daw ng fan sa kanyang email ang sinabing "other girl" ni Regine, ngunit dahil sa bilis daw ng pangyayari ay hindi niya talaga alam kung sino ang tumulak sa kanya.
Saad ng fan: "I also personally messaged Ate Dianne because I felt she was upset with me.
"At one point, I even asked her if she had a problem with me, because she kept rolling her eyes at me, even back in the Singapore meet & greet po.
"I also mentioned the other girl in my email, but sa sobrang bilis ng pangyayari, I don't know po talaga kung sino sa kanila, and I explained this to Ate Dianne as well."
Ayon pa sa fan, ibinahagi niya ang kanyang karanasan bilang fan at customer dahil pinaghirapan daw niya ang perang ginastos para sa merchandise.
Ang inasahan daw niyang ay selfie ay nauwi ito sa group photo. Ikinadismaya raw niya ito.
Pahayag ng fan: "I only wanted to share what I experienced as a fan and customer. I worked hard for the money I used to purchase the package, and I was really expecting the 'Meet & Greet' as stated.
"But when it became just a group photo op, it felt like we didn't get the full experience we invested in.
"That was where my disappointment came from.
"I completely understand that you were tired, and I respect that so much.
"Honestly, even if I explain my side, I know I will lose in this.
"This is not about questioning your effort or your kindness to fans.
"This is about what I felt happened from my side.
"I hope you understand that my heart is still full of admiration for you, and after this, I will still always be your fan.
"-Sette"
Hindi sumagot si Regine sa kanya.
Read: Anne Curtis pokes fun at fake tweet about her and Vice Ganda