Hindi inurungan ni Ralph de Leon ang tanong kung siya ba ay Team AzRalph o Team RalpVee.
Read: PBB Celebrity Collab Edition: Meet the housemates & houseguests
Sa PEP Live nitong Miyerkules, August 12, 2025, hiningan ng reaksiyon si Ralph tungkol sa kanya-kanyang pambato ng fans pagdating sa mga love team sa Pinoy Big Brother (PBB): Celebrity Collab Edition.
"Ahhhhh!!!! Oh my god!" natatawang bulalas ni Ralph, na napahawak pa sa mukha at waring naisip na ang iba-ibang opinyon ng fans sa kung ano ang isasagot niya.
AzRalph ang uniname para sa tambalang AZ Martinez at Ralph, na malapit sa isa't isa noong nasa Bahay Ni Kuya.
RalpVee naman ang tambalang Ralph at Shuvee Etrata, na nagkaroon din ng pagkakataong magkakakilanlan bilang magkaibigan sa Bahay Ni Kuya. Pareho rin silang brand ambassadors ng isang tech brand ngayon.
Tiyempong magkasunod ng araw nagkaroon ng performances ang RalpVee at AzRalph kaya di maiwasang mapag-usapan ito social media.
Sina Ralph at Shuvee ay kumanta ng "Palagi" nina TJ Marquez at KZ Tandingan sa Acer Day concert sa MOA Arena noong August 9, Sabado.
Sina AZ at Ralph ay kumanta ng love song na "Tibok" ni Earl Augustin sa katatapos na The Big Collove concert ng PBB Celeb Collab Edition housemates. Ginanap iyon sa Araneta Coliseum noong August 10, Linggo.
"So, yun nga po, natapos po yung Acer Day where I performed with Shuvee, and natapos po yung Big Collove where I performed with AZ.
"And actually, na-post ko po ito sa broadcast channel ko na parang na-appreciate ko po talaga silang pareho.
"They're able to really bring out the best in me and I appreciate them na sumasakay lang talaga sila sa mga trip ko," optimistic na sagot ni Ralph.
Pareho raw niyang na-enjoy ang dalawang production numbers na iyon.
Dagdag ng Star Magic artist: "In terms of the performances, in terms of the off-cam moments, it's something that I value so much.
"Kasi iba din po talaga yung relationship na na-build ko sa dalawang babae na yun inside the house."
Read: WillCa, DustBia spark fan hysteria at PBB The Big Collove concert
RALPH DE LEON ON MIXED REACTIONS OF FANS
Sa mga sumunod na komento ni Ralph, ipinahiwatig nitong alam niyang may mga pagkakataong nagkakairingan ang fans dahil sa magkakaibang opinyon ng mga ito kung sino ang bagay na makapareha niya.
Siya man daw ay nag-a-adjust pa sa kung paano ito i-handle.
"Alam niyo po talaga kasi, iba talaga yung ingay dito sa outside world.
"I feel, like, I hope and I'm praying na no matter how much noise there is, na I'm still able to maintain my relationships with those two without getting affected.
"It's hard, e," pag-amin ni Ralph sa PEP Live.
Patuloy niya: "It's hard to be able to navigate through everything sa lahat ng ingay po na naririnig namin, nababasa namin na...
"Usually, when I'm associated with the other, alam niyo naman, nag-aaway-away na sila."
Iyon daw ang ayaw mangyari ni Ralph.
"So I just want everyone to be happy at the end of the day.
"Kasi I really, in my heart, I value the both of them so, so, so, so much. And the people know that.
"And I hope they see na... Let's all be happy. Let's all love each other. Let's all be there for each other. Yun po talaga yung gusto ko talaga.
"So, peace. I hope there's peace soon."
Read: Lian Paz details how Paolo Contis reached out to visit kids
RALPH DE LEON ON AZ MARTINEZ
Na-enjoy raw ni Ralph ang performance nila ni AZ sa The Big Collove.
Marami ang kinilig sa sweetness ng dalawa, na kumportableng maghawak-kamay at magyakapan sa stage habang kinakanta ang "Tibok."
"It was an honor. Grabe!" paglalarawan ni Ralph sa performance nila ni AZ sa Araneta.
"Sa loob pa lang pinag-uusapan talaga namin na, 'Sana magka-Araneta tayo, whether it's Big Night or something else, na hopefully we get to Araneta and get to be on that big stage together.'
"And knowing that it actually happened already, parang ang ganda po ng reception sa amin ng mga tao.
"It's different. It's a different feeling. I'm so happy that I was able to do that with her."
Kumportable raw talaga sila sa pagpapakita ng sweet gestures sa isa't isa.
"Parang sa amin po talaga kasi, wala nang ilangan, e. Kasi we've really gone through so much from day one.
"So at this point, it's like, what's there to be shy about?
"Kaya doon po talaga mapapatunayan na malalim po talaga yung pinagsasamahan namin."
Read: Kim Chiu and sister Lakam unfollow each other on Instagram
RALPH DE LEON ON SHUVEE ETRATA
Pagdating naman sa performance nina Ralph at Shuvee, saktong kulitan sila sa stage at masayang nag-perform ng "Palagi."
Kakatwang kumportable sila sa isa't isa kahit matindi ang test ni Shuvee kay Ralph sa Big Tapatan sa PBB.
Bilang House Challenger, kinuwestiyon noon ni Shuvee kung bakit naging malapit lang sa kanya si Ralph noong makabalik ang binata sa PBB dahil sa wildcard twist ng show.
Sa mismong challenge, diretsong sumang-ayon si Ralph na totoong hindi sila close ni Shuvee noon.
Pero depensa rin ni Ralph, nagpakatotoo siya nang aminin niya kalaunan kay Shuvee kung bakit malayo ang loob niya rito noong una.
Hindi raw kasi niya gusto kung paano makitungo si Shuvee sa ibang housemates noon.
Sa PEP Live, sabi ni Ralph: "Yung the thing with Shuvee kasi, I was able to get to know her so much more dun sa secret room talaga. And also with AZ.
"But, kasi yun nga po, hindi kami close [ni Shuvee] talaga. Sinabi ko naman po talaga sa kanya kung bakit.
"And the fact na we were able to get past that, and we were able to build a relationship regardless of what we had before is something na parang hindi ko talaga siya...
"Hindi ko talaga siya na-expect, first and foremost. And it's something na, again, ayoko talaga mabitawan.
"Kasi I'm someone na pag nagkaroon ako ng deep relationship with someone, I will value that person.
"And it goes the same for all of my friends, all of my family, na kitang-kita niyo naman po sa PBB, hindi ko talaga iiwan.
"I'm that kind of person na if we've built something that I value, I will be there for you no matter what. Kahit ano pa sabihin ng ibang tao.
"So, yun po ako kay Shuvee, for sure."
Read: Will Ashley clarifies viral hug with Bianca de Vera at PBB Big Night
ON AZ MARTINEZ AND RIVER JOSEPH'S SEXY DANCE
Sa kabilang banda, proud naman si Ralph sa well-received sexy dance number nina AZ at River Joseph sa The Big Collove concert.
Makikita sa clips sa social media na todo palakpak si Ralph sa audience area habang pinapanood ang AzVer.
Sa PEP Live, sang-ayon si Ralph na patunay iyon na lahat silang housemates ay nag-e-enjoy at ready na makatrabaho ang sinuman sa housemates dahil lahat sila ay magkakaibigan.
Wala raw selososan at inggitan.
Paliwanag pa ni Ralph: "And for me, that's what's so special about our batch. And I think that's what sets us apart from all the other batches before.
"Na even up till now in the outside world, ganun pa rin kami. Pamilya pa rin kami na we're able to keep those relationships na we're happy for everyone.
"Everyone's getting work. Everyone's busy. Everyone's booked.
"We're just so glad to see everyone grow."
Hindi naman daw kailangang may rivalry silang housemates.
"Doon po actually... Sorry, pero doon po talaga ako medyo na-off dito sa outside world na pinagsasabong kami or pinaglalaban kami sa isa't isa kahit wala naman talagang problema.
"I'll be one of the first people to say this, but I hope it doesn't happen anymore. It's toxic.
"It's very toxic here in the outside world na everyone just wants to say something about someone else, pit someone against each other."
Pakiusap pa ni Ralph: "And for the sake of the housemates, guys, kung mahal na mahal niyo talaga yung mga housemates, kung sino man sinu-support lahat, please, tigil niyo na."
WATCH IN FULL: PEP LIVE WITH RALPH DE LEON