Ang pageant veteran na si Emma Mary Tiglao ng Pampanga ang kinoronahang Miss Grand Philippines 2025 sa grand coronation na ginanap sa Mall of Asia Arena nitong Linggo ng gabi, August 24, 2025.
Bukod sa Miss Grand Philippines 2025 ay apat pang beauty titles ang ipinamahagi kagabi.
Read: Miss Universe Thailand 2025, apat na beses sumali bago nanalo
Miss Asia Pacific Philippines 2025 si Anita Rose Gomez ng Zambales.
Reina Hispanico Americana Filipinas si Francesca Beatriz McLelland ng Aklan.
Miss Tourism World Philippines si Michelle Arceo ng Taguig.
Face of Beauty Philippines 2025 si Nikki Buenafe ng Quezon City.
First runner-up naman si Margarette Briton ng Bicol Region at second runner-up si Beatriz Angela Ocampo ng Rizal.
Bukod sa titleholders at runners-up, ang mga nakapasok sa Top 15 ay sina Chelsea Joy Arciaga ng Alabang, Muntinlupa; Sophia Francine Barles ng Bamban, Tarlac; Shanon Tampon ng Bulacan; Jasmine Garner ng Canada; Angeleyh Pasco ng Davao Region; Angel Louise Dolor ng Ilocos Region; Dawn Andreinette Salas ng Quezon Province; at Mary Rose Grande ng Tarlac.
Si Miss Grand International 2024 Christine Juliane "CJ" Opiaza ang nagpasa ng korona kay Emma.
Read: Mayor Vico Sotto calls out broadcasters over Discaya interviews
EMMA MARY TIGLAO SWEEPS SPECIAL AWARDS
Hindi lang ang Miss Grand Philippines 2025 crown ang napanalunan ni Emma dahil humakot din siya ng special at sponsor awards.
Ang 30-year-old beauty queen ang nanalo ng Best in Swimsuit, Best in Evening Gown, at Miss Charity (kasama si Francesca Beatriz McLelland ng Aklan).
Ang sponsor awards naman na napanalunan ni Emma ay Face of Marinova, Miss Juan Hand, Miss Bench, Miss Monarch Montage, Miss Grand Hot Babe, Miss Bragais, Miss Casino Plus, Miss M Well Health and Wellness Ambassador, Miss Mestiza, Miss Nutrixpert, Miss Philippine Airlines, Miss Regroe, at Miss Victoria's Sports Hotel.
Miss Popular Vote sina Chelsea Joy Arciaga ng Alabang at Angel Louise Dolor ng Ilocos Region.
Anim ang napanalunang special awards ni Miss Asia Pacific Philippines 2025 Anita Rose Gomez ng Zambales: Miss Bench Body, Miss Monarch Montage, Miss M Well Choice Award, Miss Megan Beauty, Miss Proshot, at Miss Victoria's Sprt.
Kabilang sa judge at sponsor ng Miss Grand Philippines 2025 ang aktres na si Kiray Celis.
Tatlong special awards na ipinangalan sa kanyang beauty products ang ipinamahagi kagabi: Miss Grand Hot Babe (Pampanga), Miss Grand Hello Bloom (Quezon City), at Miss Day Li Fil-Com (Canada).
Ang iba pang special awards ay Miss Bench Active (Taguig), Grand Voice Winner (Taguig), Miss Hairfix (Bicol Region), at ALV Grand Star (Rizal, Batangas, Bicol Region).
Read: Interview ni Korina Sanchez kay Sarah Discaya, burado na sa YT