Binalikan ni Andi Eigenmann ang masasayang alaala noong nabubuhay pa ang kanyang amang si Mark Gil.
Ito ay bilang paggunita sa ika-11 anibersaryo ng kamatayan ni Mark ngayong Lunes, September 1, 2025.
Pumanaw ang aktor sa edad na 52 noong 2014.
Read: Mark Gil dies at 52
Sa kanyang Instagram Story, nagbahagi si Andi ng lumang larawan nila ng ama noong bata pa lamang siya.
Sabi ni Andi sa caption, kahit matagal-tagal nang yumao ang ama, nananatili pa rin daw ang kirot na nararamdaman niya sa kanyang puso.
Aniya: "It's been Il years since our dad passed. The longer it's been.
"The more 'comfortable' I've become in carrying that, but that doesn't mean it's gotten any better.
"In fact, sometimes it feels even heavier.
"Because the longer my life goes on, the more the moments we shared seem to shrink into tiny fragments of my whole life.
"And that's what breaks me."
Sa mga nagdaang taon daw, sana raw ay nasaksihan ng ama ang mga tagumpay at paghihirap niya.
Magiging proud daw tiyak si Mark sa kanyang mga apo.
Sabi ni Andi: "As I keep living, as I grow older, the moments I once had with him don't grow with me.
"They stay the same. Even more so now that I wish he could've seen me through all my life's milestones, all the little victories and struggles I know he would've been proud of me for, and most of all, his grandkids, that I know he would be so proud of.
"Maybe that's what makes memories so powerful.
"Even if they don't grow, they don't fade either.
"Those few special moments are still my most precious treasures.
"Grief has a way of teaching us how much love can stay alive, even when someone is gone."
Read: Heart Evangelista, nagsenti tungkol sa kalusugan at kamatayan
THE BEST GIFT
Anim na magkakapatid sa ama sina Andi.
Si Andi ay anak ni Mark sa pumanaw na ring award-winning actress na si Jaclyn Jose.
Sina Gabby at Ira Eigenmann ay mga anak ng actress-commercial model na si Irene Celebre.
Sina Sid Lucero at Max Eigenmann mula sa aktres na si Bing Pimentel.
Si Stevie Eigenmann naman ay anak ni Mark kay Maricar Jacinto.
Sa isa pang Instagam Story, sinabi naman ni Andi na ang pinakamagandang regalong naiwan ng ama sa kanila ay silang magkakapatid.
Masaya raw silang lahat na sila ay nagkakasundo kahit iba-iba ang kanilang mga ina.
Mas mainam na raw ito kumpara sa kayamanang galing sa nakaw.
Buong post niya: "Our dad's greatest legacy. The best gift he left us, is EACH OTHER.
"Happy na sa siblings ang na-give rather than wealth na galing sa nakaw."
Read: Mayor Vico Sotto nag-react sa pagharap ni Sarah Discaya sa Senado