"The best of both worlds" para kay Nasser Amparna ang maging teacher sa Singapore at maipagpatuloy pa rin ang kanyang passion for music.
Ito ang inihayag niya sa eksklusibong panayam ng PEP.ph (Philippine Entertainment Portal) via Zoom noong September 3, 2025.
Si Nasser, aka Jang, ay unang nakilala bilang miyembro ng Down To Mars, isang Pinoy boyband na regular na napapanood noon sa Party Pilipinas, ang defunct Sunday musical variety show ng GMA-7.
Read: Down to Mars over the moon about shooting music video with Marian Rivera
Nabuo ang kanilang grupo noong 2010, at nalunsad sa Party Pilipinas noong 2012.
Hanggang sa na-disband sila noong 2014.
Bilang leader ng grupo, masakit daw para kay Nasser na nahinto ang kanilang pangarap na makilala sa music scene.
Ito ang dahilan bakit naisipan ni Nasser na makipagsapalaran sa Singapore noong 2014.
Balik-tanaw ni Nasser: "Initially, ang plano ko is to continue my education 'cause, you know, Singapore is [known for its] top-notch education. So I wanna continue my pharmacy degree.
"But then again, nagulat ako kasi ang tuition dito sobrang mahal. Parang, ang lala.
"And then, so ang ginawa ko, sabi ng kaibigan ko, 'You wanna work here? You wanna spend time here?'
"Kasi nung mga time na yun, medyo na-depress ako nung nag-disband yung Down to Mars.
"So sabi ng kaibigan ko dito, nung classmate ko, sabi niya, 'You bring your credentials kasi you'll never know.'"
NASSER AMPARNA TEACHES IN SINGAPORE
Nagtapos si Nasser ng kursong pharmacy sa University of Sto. Tomas.
Licensed pharmacist siya.
At iyon ang naging daan para makuha siyang teacher sa high school sa Singapore.
"I was able to secure a job. And, sabi ko nga, magtatrabaho ako at the same time mag-aaral ako, pero hindi pala siya puwede.
"So it doesn't work that way sa Singapore kasi you have to secure a pass, and it's a working visa. Pag student ka [naman] hindi ka puwedeng magtrabaho."
Nagpapasalamat daw si Nasser dahil tanggap daw siya sa eskuwelahang pinapasukan.
Lahad pa niya: "Kasi when I applied to them and ini-interview ako, I was really looking like sanggano na artista na nakahikaw. Hindi kasi ako pumuporma ng corporate.
"Alam mo yung itsurahan namin ng Down To Mars, naka-eyeliner, naka-foundation, nakagayak.
"So ini-interview nila ako, but they never questioned my previous work."
Interesado pa raw ang mga katrabaho niya sa background niya bilang singer.
"Alam mo naging highlight doon sa usapan namin, hindi yung scope sa trabaho, kundi yung life ko as a person."
Kahit walang background sa pagtuturo ay tinanggap daw siya sa trabaho.
Nagtuturo si Nasser ng Science subjects—Chemistry, Physics, at Biology—sa junior and senior high school students mula noong 2014.
At ngayong ika-11 taon niya sa trabaho ay na-promote pa raw siya bilang senior lab technician.
Read: Did Korina Sanchez take a swipe at Mayor Vico Sotto?
NASSER AMPARNA ON MUSIC CAREER
Pero bukod sa pagtuturo, hindi pa rin tuluyang iniwan ni Nasser ang kanyang passion for music.
Kahit nasa Singapore na ay nabigyan daw siya ng oportunidad na maging recording artist sa record label na Curve Entertainment in collaboration with GMA-7.
Noong 2018, tinawagan daw siya ni Joey Abacan, dating First Vice-President ng Program Management sa GMA-7.
Pinakilala raw siya ni Joey kay Narcisco Chan, President and CEO ng Curve Entertainment.
In-offer kay Nasser na mag-record ng cover ng "Your Love" ni Jim Brickamn.
Hindi raw akalain ni Nasser na gagamitin iyong theme song ng Tagalized version ng GMA-7 ng Princess Hours Thai version.
"Kasi the setup is that I'm gonna record my songs here, and then I will send the file sa Pilipinas. They will do the final mixing sa Pilipinas.
"Kumbaga parang dati it's impossible to do that because you need to be in a recording studio, pero because of the advancement of technology, pwede na nating gawin.
"So doon ko naisip na, 'Okay so while I'm abroad, while I'm still in Singapore, pwede ko pa rin pala magawa yung passion ko."
Noong taong iyon ay kinuha rin siyang recording artist para sa dalawang Tagalized Thai series na ipinalabas sa Kapuso Network.
Iyong version niya ng "I Honestly Love You" ay ginamit na soundtrack ng Tagalized version ng Thai drama na Switch, na pinagbidahan nina Nadech Kugimiya at Urassaya "Yaya" Sperbund
Siya rin ang kinuhang singer para sa cover ng "Through The Rain," na ginamit na theme para sa Tagalized version ng Thai drama na Waves of Life.
Nabigyan din daw siya ng guestings sa GMA-7.
"Unfortunately, yung mga opportunities na yun na-miss ko because of the distance na nandito ako sa Singapore.
"So konti lang yung mga guestings na napuntahan ko nun," lahad pa ni Nasser sa PEP.
May offer din sa kanya noon na makapasok sa isang variety show.
Pero pinili niyang manatili sa Singapore kunsaan stable ang kanyang trabaho.
Paliwanag ng binata: "But ang mindset ko kasi noon, hindi naman talaga siya priority that time.
"Na parang sinet-aside ko na lang muna [yung passion ko for music] kasi yung priority ko is to work, to earn money because my family, you know, relies on me.
"Ako kasi yung breadwinner."
Read: Lacson, Magalong bare kickback scheme in anomalous DPWH deals
NASSER OPENS UP ABOUT HUMBLE BEGINNINGS
Isang taong gulang pa lang si Nasser ay naulila na siya sa ama.
Kuwento niya sa PEP, nabaril daw ang ama noon sa Cavite.
Suspetsa raw ni Nasser, posibleng "napagtripan" daw ang ama dahil sa "sobrang pogi" raw nito ay lapitin ng babae.
Kalaunan, nakapangasawa raw ang kanyang ina.
Pero ayon kay Nasser, "elementary undergrad" ang kanyang stepfather at "no read, no write."
Nagkakarpintero raw ang kanyang stepfather, pero hindi raw regular ang trabaho.
Ang kapatid ni Nasser sa ama ay mayroon daw special needs.
"Simple lang, simple lang talaga yung buhay namin," lahad pa ni Nasser.
"Ako lang yung nakaka-encounter ng ganito."
Bilang siya ang nakaalwan sa buhay ay kusa raw siyang nagbibigay ng tulong pinansiyal para sa kanyang ina, kapatid, at stepfather.
Hindi ba naisip na burden ang pamilya?
"Minsan dyino-joke ko yung sarili ko. Sabi ko, 'Paano ako mag-aasawa? Kasi yung asawa ko, nanay ko.'
"Even up to know nakadepende pa rin sa akin yung family ko.
"Siyempre, nagko-contemplate ako and I weigh things kasi sabi ko nga, 'God, what's my purpose sa mundong 'to?'
"Kasi kapag may lordship ka, kapag may God ka, minsan tatanggap mo na lang kung ito talagang yung design para sa 'yo. Kung ito talaga yung... you are created to take care of your family.
"And then sabi ko nga, whatever His purpose is, whatever His will, I would just be with it."
Pagpapatuloy ni Nasser: "So never ko siyang na-consider as burden kasi my gift is I'm always a giver.
"Dumadating ako sa point na, like kunyari nitong nakaraang weekend, sabi ko, 'Uy, sumuweldo ako. Gusto ko kumain ng steak sa Morgan Fields.'
"Pagdating ko doon, pagkakita ko ng presyo, 'Ay, wag na, Ipapadala ko na lang to kay Mama.' May ganun ako sa sarili ko."
Ayon pa kay Nasser, kung ano man ang narating niya sa buhay ay malaking blessing para sa kanya.
"Hindi ko siya nirereklamo. Masaya ko siyang ginagawa kasi hindi kami well-off na family.
"Nakapag-study ako sa UST through scholarship. So if not for that scholarship, hindi ako makakapagtapos ng college.
"And sa family namin, ako lang po yung nakapagtapos.
"So kumbaga, parang this time na I'm able to support them, na mga nagpakahirap din noong habang nag-aaral ako, they give me allowances. Alam mo yun?
"Kaya sabi ko, it's my payback time."
Hindi lang daw dahil nature ng Pinoy ang konsepto ng utang na loob.
"I don't complain. I love doing it because that's where my heart is."
Kahit na may oportunidad na magtrabaho sa U.S. dahil may mga kamag-anak daw sila roon ay pinili raw ni Nasser sa Singapore.
Para kahit papaano, kung may emergency sa pamilya niya sa Pilipinas ay madali raw siyang makakauwi.
Hindi rin daw niya maiwan ang trabaho sa Singapore, lalo pa't sapat daw ang kinikita niya roon para masustentuhan ang pamilya.
"I have to be practical," saad ni Nasser.
Read: Pinoy Pop Superstar Contenders: Where are they now?
ON OPPORTUNITIES IN THE MUSIC SCENE
Pero kahit na nasa Singapore, hindi pa rin niya tuluyang kinalimutan ang pagkanta.
Bukod sa mga na-record na teleserye theme songs noon, sinuportahan din siya ng Curve Entertainment sa pagtuloy ng kanyang pagmamahal sa musika.
Si Nasser ang kumanta ng "Isang Laro," ang theme song ng patok na 2020 BL series na Gameboys.
Pagpapatuloy niya: "Fast-forward sa 2021, doon ko ni-release yung first original song ko na "Tamang Panahon" under the Right Time album.
"So I'm so thankful to Curve because ang dami-daming magagaling na singers na puwede nilang i-tap na nasa Pilipinas.
"But, you know, they believed in me and sinusuportahan nila ako sa sa arrangement namin, kasi special arrangement ako because I'm here in Singapore."
At noong August 2025, ni-release ng Curve Entertainment ang bagong kanta ni Nasser, ang "Pasayo."
Sabi ni Nasser: "Ang sarap sa pakiramdam kasi original song ko na 'to.
"Ako kasi ang pinakapangarap ko talaga is ma-play sa radyo o sa any digital platforms yung kanta ko. Marinig ko yung boses ko pagtanda ako.
"I mean, alam niyo yun, may babalikan akong, 'Uy, kanta ko 'to. Ako 'yan.
"I wanna be known as someone na hindi lang ako nagka-cover ng songs, but I also want to be known as someone who can actually write songs and write quality songs.
"And yeah, so hanggang sa ngayon andito pa rin kami. Yung partnership namin ng Curve sobrang matibay, and I'm just really, really grateful sa kanila."
Supportive raw kahit ang pinapasukang eskuwelahan ni Nasser.
"Some of my students are actually aware of it and some of the staff also. And then they kept on congratulating me," saad niya tungkol sa reaksyon ng mga kaeskuwela sa bago niyang single.
Kahit daw iyong English cover songs ni Nasser noon ay pinatutugtog din daw noon ng mga katrabaho niya.
Hindi raw iniisip ng mga katrabaho na nakakasagabal sa pagiging guro niya ang kanyang pagkanta.
Sinisiguro raw niya sa mga ito na hindi mawawala ang focus niya sa pagtuturo.
At patunay daw ng tiwala sa kanya iyong pag-promote sa kanya sa trabaho.
"Sobrang sarap sa pakiramdam nung ganito, na I have Curve, I have my work and I'm doing my passion all at the same time. So what can I ask for?
"Kaya yun, kaya nag-e-enjoy ako dito sa Singapore."
Read: Click star Mikel Campos: Where is he now?
NASSER AS A CONTENT CREATOR
Bukod sa pagiging singer, content creator din si Nasser.
Mayroon siyang higit 176,000 followers sa TikTok; 194,000 subscribers sa YouTube; 64,000 followers sa Facebook, at 29,000 followers sa Instagram.
May mga kuwelang skits siya o kaya naman minsan ay kumakanta siya sa kanyang videos.
Bilang content creator, nirepresenta niya ang "silver category" ng TikTokers sa Singapore at dumalo sa TikTok community fest sa Vietnam noong Agosto.
"So kaya yan. Medyo, yun din yung isa na parang nagiging abala ako kaya hindi ako na-homesick.
"Because I'm doing livestream every day, and then nakakausap yung mga Pinoy. Updated ako sa political instability sa Pilipinas...
"Kumbaga parang, being an OFW nowadays, hindi na siya talaga yun talagang maho-homesick ka 'cause you can easily reach out to people...
"Reach out to your family, video call them, and send money if they need it right away kasi dati matagal pa bagong ma-receive ang pera."
Kahit na hindi madali ang sakripisyo na mapalayo sa pamilya, nananatiling positibo raw ang kanyang pananaw sa buhay.
"I always maintain that childlike heart.
"You have to consider everything as new and a learning experience.
"Kasi kapag naging mapagmataas ka, na parang, 'Alam ko na yan,' di ka magwo-work sa sarili mo, then you'll go on a plateau. Doon ka magde-decline.
"So everything na na-encounter ko, I'll treat it as a first time again," pagtatapos ni Nasser.