Nililigawan na raw ng Irish-Thai model-actor na si Kevin Dasom ang Kapuso actress na si Herlene Budol.
Ito ang inamin ni Kevin nang mag-guest sila ni Herlene sa The Boobay and Tekla Show noong Linggo, September 14, 2025.
Pagtatapat pa ng actor-model: "I have courted Herlene already.
"Not just Herlene but to her parents as well, to her friends and family, to everyone close to Herlene. Everybody that is important to Herlene in her life.
"Kasi, Herlene has a few friends and a few important people, but they mean a lot to her.
"So it meant a lot to her to be able to be to talk to everyone. Not just glaze over and I just talk to her, but to approach everyone individually and show that I am being genuine, being honest."
Halata naman ang kasiyahan at kilig sa mukha ni Herlene nang marinig ang pagtatapat ni Kevin sa publiko.
Kuwento ng aktres, mula pa noong January 27 ay matiyaga na siyang nililigawan ni Kevin.
Ibig sabihin, hindi pa umeere ang pinagtambalan nilang defunct GMA Afternoon Prime series na Binibining Marikit ay nagkakamabutihan na ang dalawa.
February 10 nang magsimulang umere sa GMA-7 ang Binibining Marikit.
Read: Herlene Budol on new leading men: "Hindi maiiwasan na ma-in love"
Aminado ang aktres na nanibago siya sa gawi ng panliligaw ni Kevin, dahil ito ang unang beses na may magkagusto sa kanyang banyaga.
Saad ni Herlene: "Kasi, first time lang din naman... parang kumbaga first time may nanligaw sa akin na ibang lahi, hindi ko rin talaga ma-gets lahat ng sinasabi niya.
"So ako, parang, oo hindi lang talaga ang sagot ko, parang nagpi-Pinoy Henyo lang kami.
"Tapos sa Pilipinas kasi, di ba, kailangang mo talaga manligaw nang normal?
"Sabi naman niya, 'I courted you.' Sabi ko, 'Ahmm.' Siyempre pabebe muna
"Para sa akin, okay na yon. Pero kasi akala niya kapag sinabi kong okay na, ibig sabihin kami na. [Though] I explained to him naman na [hindi basta ganon]."
Read: Herlene "nag-take advantage" sa leading men na sina Tony at Kevin
Herlene wants to MAKE SURE Kevin’s intentions are pure
Bagamat willing namang maghintay si Kevin kung kailan siya sasagutin ni Herlene, nais pa raw siguraduhin ng aktres ang totoong intensiyon sa kanya ng susunod na magiging nobyo.
Ani Herlene: "Alamin natin kung totoo ba talaga kasi siyempre marami sabi-sabi na, kasi baka dahil nandito lang siya kaya niya ako bet, or baka dahil nagdyo-join sa flow-flow ba, kung anumang flow yan.
"Ang akin lang, e, tingnan natin. Kasi noong chinallenge ko naman siya na kausapin niya yung manager ko, kung seryoso siya kausapin muna niya yung pamilya ko, yung kokonti kong friends, e, ginawa naman niya lahat.
"Hindi ko rin masabi [kung kailan], alamin natin. Sasabihin ng time."
Read: Herlene Budol takes a swipe at former leading man Rob Gomez