Kumpirmadong break na sina Gerald Anderson at Julia Barretto matapos ang halos limang taon nilang relasyon.
Ang kumpirmasyon sa hiwalayan ng dalawa ay nanggaling sa kinabibilangan nilang talent management agencies — Star Magic kay Gerald at Viva Artists Agency kay Julia — ngayong Huwebes ng gabi, September 18, 2025.
Read: Gerald Anderson on marrying Julia Barretto: “Lapit na.”
Ayon sa Star Magic, "mutual" ang desisyon ng dalawa na tapusin ang relasyon nila.
Mababasa sa pahayag na inilabas ng talent management arm ng ABS-CBN: "Star Magic confirms that Gerald Anderson and Julia Barretto have mutually decided to end their relationship.
"We request the public to respect their decision and refrain from spreading false narratives.
"Gerald and Julia are grateful to their fans and friends for the love and support."
Halos ganito rin ang naratibo ng Viva Artists Agency.
Sa kanilang pahayag, sinabi nilang maayos at sa magandang paraan nagwakas ang relasyon nina Julia at Gerald.
Kalakip ang kanilang paalala na huwag agad-agad magpapaniwala sa mga kumakalat online tungkol sa dahilan ng paghihiwalay ng dalawa.
Mababasa rito: "On behalf of our artist, Viva Artists Agency confirms that Julia Barretto and Gerald Anderson have mutually and amicably parted ways for some time now.
"The circulating speculations in recent weeks regarding the reason for their breakup are unfounded and baseless.
"We emphasize that only information coming directly from Julia or Gerald should be regarded as accurate, as they are the primary parties involved.
"Any other claims are merely attempts to ride on the issue or to spread false information."
GERALD-JULIA BREAKUP RUMORS
Nagsimulang pag-isipan na may kinahaharap na problema ang relasyon ng dalawa noong May 2025, nang mapansin ng kanilang mga tagahanga ang pagbubura raw nina Gerald at Julia sa kanilang couple photos sa social media.
Read: Are Gerald Anderson and Julia Barretto still together?
Pagdating ng June 1, sa isang panayam ni Gerald ay mariin niyang itinanggi ito.
Saad niya: “Actually, ganyan sa showbiz. Inuunahan ka nila.
"And then, dun yung basehan. Naka-unfollow ka ba? Nandun ba yung pictures, wala yung pictures.
"Nakakalungkot na yun na yung basehan, ano?"
Read: Julia Barretto-Gerald Anderson breakup rumor, fake news
Sa ngayon, ang volleyball player na si Vanie Gandler ang nauugnay kay Gerald. Habang si Julia naman ay inili-link sa negosyanteng si Lucas Lorenzo.
Wala pang inilalabas na direktang pahayag sina Gerald at Julia tungkol sa balita.