Naghimutok si Heart Evangelista kaugnay ng pagkuwestiyon ng ilang netizens kung bakit wala siya sa ginanap na Trillion Peso March noong Linggo, September 21, 2025.
Sa nasabing protest rally, maraming artista ang nakiisa sa panawagan laban sa matinding korapsyong nangyayari sa Pilipinas.
Ito ay kasunod ng isyu ng flood control projects, na ang mga nakinabang sa malaking pondo ay mga pulitiko, contractors, at mga opisyal ng Department of Public Works and Highways (DPWH).
Read: Vice Ganda to corrupt politicians: "P.I. ninyo!"
Sa kanyang Instagram Live kahapon, September 23, 2025, sinagot ni Heart ang mga kritisismong ipinupukol sa kanya.
Kabilang na rito ang hindi niya umano pakikiisa sa protesta laban sa korapsyon.
Ang itinuturong dahilan ng ibang netizens ay dahil sa pagkakaugnay ng mister ni Heart na si Senator Chiz Escudero sa maanomalyang flood control projects.
Nagpag-alamang campaign donor ni Chiz si Lawrence Lubiano, ang contractor na nagmamay-ari ng Centerways Construction and Development, isa sa 15 construction companies na pinangalanan ni President Ferdinand Marcos Jr. na sangkot umano sa bilyun-bilyong pisong halaga ng flood control projects.
Inamin ni Chiz na nakatanggap siya ng PHP30 million campaign donation mula kay Lubiano, pero itinangging tinulungan niya ang contractor na makakuha ng flood control projects.
Read: Revilla, Estrada, Villanueva, Co tagged by ex-DPWH official Henry Alcantara
HEART ON WHY SHE DID NOT JOIN THE TRILLION PESO MARCH
“People ask me about, ‘Oh, why weren’t you in the rally?’" sabi ni Heart sa kanyang Instagram Live.
“Why wasn’t I in the rally? You think I don’t wanna be in the rally?
"You think I don’t have a voice? You think I’m not frustrated?
"You think hindi ako napipikon?
“Pikon naman din ako, ah! Bakit, hindi ako Pinoy?!"
Ayon pa kay Heart: “I’m not in the rally because… a lot of people said huhubaran niyo ako kung pupunta ako sa rally.
“How cruel can you be?! What did I do?
“Huhubaran niyo ako sa rally.
"I have nothing but to be a hardworking citizen, I have complied…”
Mababanaag sa boses ni Heart na apektado siya sa mga komentong gaya nito.
HEART EVANGELISTA: "SPEAK UP"
Hindi rin itinago ni Heart ang pagkadismaya dahil ginagawa umano siyang “casualty” at “political tool of entertainment” ng iba.
Sinabi rin ni Heart na hindi siya aalis ng bansa lalo na sa gitna ng mga nangyayari ngayon.
Gusto raw niyang magpakita ng pakikiisa sa mga kapwa-Pilipinong kontra sa talamak na korapsyon sa bansa.
Panawagan pa niya: “I do hope na sana may mangyari [after the rally], and I am praying for us all.
“Sana gabayan ni Lord yung mga nakaupo para gawin nila kung ano yung tama. Do not stay silent. Speak up.”
Read: Inka Magnaye defends boyfriend from corruption allegations