Hindi nagdamot si Carla Abellana na sagutin ang mga tanong sa kanya tungkol sa estranged husband na si Tom Rodriguez.
Read: Tom Rodriguez and Carla Abellana's love story: a timeline
Hiningan ng PEP.ph (Philippine Entertainment Portal) ng komento si Carla sa pagkakaroon ni Tom ng anak sa karelasyon nitong non-showbiz girl.
November 2024 pa nang umamin si Tom na mayroon siyang four-month-old baby.
Read: Tom Rodriguez, inamin ang pagkakaroon ng four-month-old baby boy
"E, di good for him!" sagot ni Carla.
Pagpapatuloy ng Kapuso actress: "A baby, a child is a blessing. Hindi yan ano, e, kumbaga, you embrace it, e.
"And you know, it’s not something na parang, ‘Ha?’ It’s not shocking. It’s a blessing, so good for him, di ba, ganun lang. Congratulations!"
Nang tanungin kung bukas siyang maging magkaibigan sila ni Tom, nagpakatotoo si Carla sa kanyang saloobin.
"Not siguro friends. But you know, it’s inevitable, we are in the same industry, kung mag-rub shoulders kami, we bump into each other, wala pong problema.
"But siguro, friends, parang not at the moment, not anytime soon."
Malinaw kay Carla ang kanyang boundaries.
Kung magsama sila sa isang proyekto, payag siya?
"Work with him, parang hindi pa po. If given the chance to choose, parang siguro hindi pa po now," saad niya.
Read: Carla Abellana drops clues on mystery guy she’s dating
carla abellana on dating
Pagdating sa sarili niyang buhay pag-ibig, inamin ni Carla na nasa stage siya na kumikilala muli ng potential boyfriend.
Napapabalitang isang doktor ang idine-date niya ngayon.
"Wow! Nagde-date po ako, definitely," reaksiyon ni Carla nang usisain siya sa kanyang love life.
"I did go through several dates po. I’ve been dating.
"Hindi lang naman po isang person ang aking dine-date, so iba-iba po sila ng background, so definitely meron po yan, yeah."
Kailan ang face reveal ng dine-date niya?
Masiglang sagot ni Carla: "My gosh! Tingnan po natin kung worth it na mag-face reveal, hindi po ba?
"Ine-enjoy ko lang po. Ayoko pong i-pressure yung sarili ko. Ayoko pong seryosohing masyado.
"Kumbaga, ano lang, one day at a time, parang ganun po. So, depende po, tingnan natin kung saan po dadating, saan po pupunta.
“Depende po talaga if it’s worth it, if I want to publicize it, so we’ll see po.”
Nang tanungin kung bukas siya sa posibilidad na umibig muli, sinabi ni Carla na pasasaan ba't mangyayari din iyon.
"Nag-e-enjoy po ako e. Sobrang nag-e-enjoy po ako," sambit niya.
"Hindi ko naman po sa pinaglalaruan or anything, pero I’m happy where I am now.
“Of course, falling in love is not a problem. I am open to falling in love. Ang falling in love naman hindi lang naman po sa tao lang, puwede namang sa bagay, or what.
"So, falling in love with many things in life, definitely."
May constant date ba si Carla o marami siyang dine-date?
"Meron po akong constant na dine-date. Hindi naman po marami, my gosh!
"I’m open to dating, ine-explore ko pa yung dating world," sagot uli ni Carla.
Inamin niyang isang doktor ang kabilang sa nakaka-date niya. May tsika pa ngang may wedding date na sila ng naturang doktor.
"Ay, wow naman! Hindi naman po sila marami pero, yun nga po, sa mga na-date ko so far in the past, meron pong doktor."
Papunta na ba doon?
"We’ll see po kung papunta na doon, kung sa serious, kung exclusive man po yun, or kung saan patungo, we’ll see po," non-committal na sabi ni Carla.
Kumbaga, nasa choosing stage pa siya?
“Parang ganun po. Just enjoying one day at a time, nag-e-enjoy lang po."
Read: Carla Abellana, gusto talagang magpakulong ng animal abusers
ON SPEAKING UP ABOUT RELEVANT ISSUES
Sa kabilang banda, hiningan ng reaksiyon si Carla tungkol sa bansag sa kanya ng ibang netizens na "Patron Saint of Concerned Citizens."
May kinalaman ito sa pagiging vocal ni Carla sa pananakit sa mga hayop pati na sa mga napapanahong usapin sa bansa tulad ng korapsyon.
"Hindi ko po alam kung saan nanggaling yan," ang nangingiting sambit ni Carla.
"Pero nababasa ko nga po yang 'Patron Saint of Concerned Citizens.' Basta ako, ang lagi ko lang sinasabi is, of course, ako naman po ay ipaglalaban ko po kung ano yung tama, kung merong injustice man or makabuluhan na dapat kong ipaglaban, ipagtangggol.
"Gagamitin ko po yung aking boses talaga at saka pangalan, dahil may opportunity po akong ganun, e, na pinakikinggan po ako.
"So, I’ll try my best na gamitin po ito sa tama at ipaglaban kung ano yung nararapat po."
CARLA ABELLANA ON SELDA TRES
Nakapanayam ng PEP si Carla sa mediacon ng Selda Tres, sa Limbaga 77 sa Quezon City noong Biyernes, September 19, 2025.
Mga bidang lalaki sina Cesar Montano at JM de Guzman sa Selda Tres.
Kasama sa cast sina Arron Villaflor, Kier Legaspi, Victor Neri, Isay Alvarez, Perla Bautista, Jeffrey Tam, Tanjo Villoso, at Johnny Revilla.
Ang Selda Tres ay isa sa limang full-length films na entry sa 7th Sinag Maynila film fest na idinadaos mula September 24-30.
Iprinodyus ito ng Five 2 Seven Entertainment Production, sa panulat ni Eric Ramos at sa direksiyon ni GB San Pedro. Ang executive producers ay sina Alex Rodriguez at Direk GB.
Tinalakay sa Selda Tres ang temang may kinalaman sa kawalan ng hustisya at kasinungalingan.
“Blessing po ito. Parang sabi ko, it’s meant to be, nagkataon po na sa panahon ngayon na lalabas itong Selda Tres, very timely po siya.
"I’m hoping na maging, in a way, ma-encourage po namin yung viewers, mga manonood ng pelikula na piliin po ang Selda Tres," saad ni Carla.
Isang paalala rin daw ang pelikula na isinasabuhay raw dapat ang pagiging tapat sa lahat ng bagay.
"Hindi lang po dahil timely siya. Pero honestly, injustice happens every day.
"Kahit naman sabihin po nating kung ano ang nangyayari ngayon sa bansa natin, applicable naman po siya, relatable naman po siya anytime.
"It happens every day, ang injustice po. At dapat every day po natin ipinaglalaban kung ano po yung tama."
Ipapalabas ang lahat ng entries ng Sinag Maynila 2025 sa Gateway, Robinsons Manila, Robinsons Antipolo, SM Mall of Asia, SM Fairview, Trinoma, at Market! Market!.
Para sa Selda Tres, ang gala screening ay gaganapin ngayong September 26, 7:00 P.M. sa Gateway Cineplex 18 sa Cubao, Quezon City.
Narito ang kumpletong schedule ng screening ng Selda Tres:
September 26, Friday: Gateway C17, 12:30 P.M.; Robinsons Antipolo, 3:00 P.M.; SM Fairview, 5:30 P.M. Gateway C18 (Gala Screening), 7:00 P.M.
September 27, Saturday: Trinoma, 12:30 P.M.; SM Mall of Asia, 3:00 P.M.; SM Fairview, 8:00 P.M.
September 28, Sunday: Market! Market! 12:30 P.M.; Gateway C17, 3:00 P.M.; Robinsons Manila, 5:30 P.M.; Robinsons Antipolo, 8:00 P.M.
September 29, Monday: SM Mall of Asia, 5:30 P.M.
September 30, Tuesday: Gateway C17, 12:30 P.M.; Robinsons Antipolo, 5:30 P.M.; Trinoma, 8:00 P.M.