Naglabas ng statement si Vice President Sara Duterte na nagsasabing may natanggap na impormasyon ang kanilang pamilya na natagpuang walang malay umano si dating Pangulong Rodrigo Duterte sa sahig ng kuwarto nito sa International Criminal Court (ICC) detention facility sa The Hague.
Naka-post ang pahayag sa official Facebook account ng Vice President, at ini-upload ngayong September 27, 2025.
Ang bahagi ng statement ng VP: “In addition, credible information received by the family from hospital sources reveals that Former President Duterte had to be subjected to laboratory tests after being found unconscious on the floor of his room.”
Hindi umano naabisuhan ang pamilya Duterte tungkol dito.
Ani Sara: “The family was not informed of the ‘accident’ and no explanation was given.
“These alarming developments raise grave concerns about the capacity of the ICC to guarantee the security and safety of FPRRD.”
Read: Annette Gozon-Valdes defends Shuvee Etrata from critics
VP SARA claims ICC “PERSISTENTLY IGNORED" FPRRD'S NEEDS
Sinabi rin ni VP Sara na hindi raw kaagad makaaksyon ang ICC para sa aniya'y “easily treatable” problem gaya ng ingrown toenail ng ama.
“Persistently ignored" din umano ang pangangailangan ng dating pangulo ng 24-hour bedside caregiver.
Ayon pa sa pahayag: “If the ICC is to remain true to its mandate as a court of justice, it cannot turn a blind eye to the health and wellness condition of FPRRD.
"To deprive an elderly man—abducted, denied his rights under Philippine law, and subjected to surveillance disguised as 'welfare checks'—of basic dignity and proper care is not justice.
“This is cruelty."
Matatandaang una nang inireklamo ni VP Sara ang pagbisita ng mga opisyal ng pamahalaan ng Pilipinas sa dating Pangulo kamakailan sa detention cell nito sa ICC.
Aniya, ang naturang pagbisita ay isang "sham welfare check."
Read: Mika Salamanca apologizes, unfollows Kitty Duterte on Instagram
AFTER VP SARA, FPRRD’S LAWYER ALSO ISSUED A STATEMENT
Matapos maglabas ni VP Sara ng pahayag, sunod na naglabas ng statement si Nicholas Kaufman, ang lead counsel ng dating Pangulo.
Ani Kaufman, wala ni isa sa mga insidente tungkol sa pagbagsak ng dating Pangulo sa sahig ang naiulat in real time sa defense team o pamilya nito.
Dagdag pa niya, sanhi ng insidente, nawalan umano ng malay ang dating Pangulo at dinala sa ospital para ma-assess kung may cranial and brain injuries.
Ayon pa kay Kaufman: "The Court will rule on whether the former President, who has been kept from the public eye since his surrender, may continue to be detained."
Read: Duterte charged with 3 counts of murder by ICC prosecutors
ICC CANNOT COMMENT ON DETAINED PERSON’S PERSONAL SITUATION
Nauna nang sinabi ng ICC na hindi ito maaaring magkomento sa mga bagay na may kinalaman sa personal na sitwasyon ng isang detained person.
Inihayag naman ng Department of Foreign Affairs ngayong September 27 na umaaksyon ang ICC alinsunod sa ICC Rome Statute at iba pang relevant applicable rules.
Sinusunod din umano ng ICC ang international standards ng detained persons na magkaroon ng access sa consular representatives.
Ayon sa DFA: "Such visits, if any, are strictly conducted with the approval or at the request of the person in detention.
"It can be underscored that the consular visit was made by career consular officials of the Embassy in a professional, nonintrusive and respectful manner, and not by any other supposed ‘agents of the government.’"
May tugon din ang DFA sa claim ni VP Sara na natagpuang walang malay sa sahig ng kuwarto nito ang dating pangulo.
"As to an alleged recent incident pertaining to the former President’s health condition, the Philippine Government has no information on such matter, and inquiries about it are best referred to the ICC Spokesperson."
FORMER PRESIDENT DUTERTE CHARGED WITH THREE COUNTS OF MURDER
Si dating Pangulong Duterte ay pormal na kinasuhan ng ICC ng tatlong bilang ng kasong murder as crimes against humanity noong September 23.
Una rito ay may kinalaman sa 19 na biktima noong panahong nakaupo ang dating Pangulo bilang alkalde ng Davao City noong 2013 at 2019.
Ikalawa ay may kinalaman sa "high-value targets" sangkot ang 14 na biktima noong 2016 at 2017.
Ikatlo ay may kinalaman sa "barangay clearance operations" sangkot ang 45 na biktima noong 2016 at 2018.
Nanungkulan ang dating Pangulo para sa pinakamataas na posisyon sa bansa mula 2016-2022.
Patuloy namang hinihiling ni VP Sara na payagan ng ICC ang interim release ng ama dahil hindi naman daw ito flight risk, wala raw binabantaang mga saksi at complainants, at wala raw planong umupong mayor sa Davao.
Noong September 12, naiulat na inaapela ng kampo ng dating Pangulo na i-adjourn ang proceedings sa ICC "indefinitely."
Hindi raw "fit to stand trial" ang dating Pangulo dahil hindi na umano ito makaalala ng lugar, pangyayari at kahit miyembro ng mga pamilya.
Hindi rin umano maproseso ng Pangulo kung bakit ito nakaditena sa ICC.
Read: Claire Castro defends Vice Ganda’s "jet ski holiday" joke