Personal na pinangunahan ni Divine Lee ng Courage Cebu ang pamamahagi ng relief operations para sa mga apektado ng 6.9 magnitude earthquake na tumama sa Cebu province noong September 30, 2025.
Ang Courage Cebu ay isang charity organization na matagal nang tumutulong sa mga apektado ng kalamidad.
Sa pakikipag-ugnayan ng PEP.ph (Philippine Entertainment Portal) kay Divine sa pamamagitan ng Viber messaging ngayong araw, October 2, sinabi nitong maraming celebrities at influencers ang nagpadala sa kanila ng cash at in-kind donations para sa kanilang relief operations.
Saad niya, "Di nagpahuli tumulong mga celebs from Manila, both in goods, cash, or information drive."
Kabilang daw sa kanila sina Vina Morales, Cristalle Belo, Slater Young, Ella Pangilinan, David Guison, Rocio Olbes, Janina Dizon, Kryz Uy, at Milka Romero.
Dagdag pa ni Divine, "Si Vina even offered to make a fundraising show. She will invite other celebs to help."
May tiwala na raw sa kanilang organisasyon ang celebrities dahil maayos nilang naa-account ang lahat ng kanilang tulong mula noon pa.
Aniya, "Actually, inisip ko nga why people are coursing it thru us. I think people now are big on transparency.
"We post each and every donation naka-log. Receipts ng binili. Goods na pinagdalhan. And which area nakatanggap.
"Ever since naman we started doing this, Ondoy pa lang, transparency has always been big sa amin.
"Kasi, di ba, pinagkatiwalaan kami sa pera ng tao. It's just right they see where it goes every step."
Read: TYPHOON WATCH: Socialite Divine Lee spearheads relief operation in San Mateo, Rizal
DIVINE LEE ON AREAS COVERED By THEIR OPERATIONS
Malawak ang naging pinsala ng napakalakas na lindol sa probinsiya ng Cebu dahil umabot sa lagpas PHP2 billion ang nasirang mga ari-arian at gusali, ayon mismo kay Department of Public Works and Highways (DPWH) Secretary Vince Dizon.
Umabot na sa 72 ang nasawi, base sa ulat ng Cebu Daily News.
Ayon pa kay Divine, "Areas that we served is the epicenter in Bogo and neighboring town in Medellin and Daanbantayan."
Karamihan sa mga ito ay mga pagkain, tubig, at personal na gamit ng mga biktima.
Read: Lindol sa Cebu at pagputok ng Taal Volcano, yumanig sa Pilipinas