Kabilang sa mga hinaing ng producers at mga artistang kalahok sa Metro Manila Film Festival (MMFF) nitong mga nagdaang taon ay ang pag-pull out ng mga pelikulang mahina sa takilya sa unang araw pa lang ng pagpapalabas.
Ayon sa iba, sugal na ang pagpoprodyus ng pelikula ng mga maliliit na produksiyon laban sa mga kilala at malalaking film outfits.
Mas masakit daw kung sa una o pangalawang araw pa lang ay ipu-pull out na ang kanilang mga pelikula sa mga sinehan, lalo na't kakaunti na nga lang ang mga sinehang natotoka sa kanila.
Read: MMFF 2025 official entries: Horror, comedy, drama, thriller
Nakausap ng PEP.ph (Philippine Entertainment Port) si MMDA at MMFF Chairman Atty. Romando "Don" Artes sa announcement ng Final 4 official entries para sa MMFF 2025 sa University of Makati noong Biyernes, October 10, 2025.
Hiiningan namin ng reaksiyon si Atty. Artes tungkol sa tila wala pa ring solusyong hinaing ng maliliit na film producers tuwing MMFF.
Paglilinaw ng MMF chairman: "Hindi naman natin pinu-pull out, binabawasan lang natin yung sinehan nila.
"Pero we make sure na hindi sila nawawalan o nasi-zero.
"Siyempre minsan mahina yung isang pelikula sa isang sinehan, pero malakas naman siya sa iba.
"So, ine-equalize naman namin para mabigyan naman ng pagkakataon yung mga malalakas na may demand pa, na ma-cater yung demand sa kanila.
"Pero, eventually, binabalik naman."
Read: Final 4 official entries to MMFF 2025 announced
MMFF 2025 OFFICIAL ENTRIES
Masaya at kuntento raw si Chairman Artes sa walong 51st MMFF entries.
Ito ay ang mga sumusunod:
Call Me Mother
Rekonek
Manila's Finest
Shake, Rattle & Roll: Evil Origins
I'mPerfect
Love You So Bad
UnMarry
Bar Boys: Afrer School
Pahayag ni Atty. Artes: "Kami ay excited lalung-lalo na first time ko.ring nakita yung mga trailers, nakita natin na magaganda talaga yung mga pelikulang walo.
"In fact, ang feedback sa akin ay nahirapan ang selection committee na pumili kasi mahigit twenty yung sinubmit na finished movies, and apat lang yung pinili.
"Parang may discussion na ibalik ko sa sampu, anim yung piliin, dahil nga marami pa yung magaganda dun sa sinubmit.
"Pero we decided na mag-stick na lang dun sa walo dahil nga nahihirapan kami na mag-place ng mga movie sa sinehan, para mabigyan ng mas malaking tsansa yung mga pelikula.
"Mabigyan sila ng mas maraming sinehan para maraming opportunity na kumita at mai-showcase yung talents nila sa mas maraming Filipino."
Hiling ni Chairman Artes na tangkilikin, suportahan, at panoorin ng mga Pinoy ang walong opisyal na MMFF entries ngayong Kapaskuhan, at kumita ito ng mas malaki kumpara noong mga nagdaang taon.
Saad niya: "Well, ako, tangkilikin natin mga kababayan yung walong kalahok, sana mas maraming manood.
"Magaganda naman yung ating mga pelikula at mukhang nagke-cater sa ating mga pelikula at nagke-cater sa iba't ibang segment ng ating society, age, bracket.
"So, hopefully, mas maraming manood.
"Lagi naman tayong nagho-hope na mas malaki ang kitain every year.
"Sana, sana, with your help to promote, sana malagpasan natin yung last year."
Read: Will, Dustin, at Klarisse tigdadalawa ang entries sa MMFF 2025