This article has been updated.
Pumanaw na ang dating aktor na si Patrick dela Rosa sa California, USA, noong Linggo, Oktubre 26, 2025.
Siya ay 64.
Kinumpirma ng misis ni Patrick na si Arnie Bella dela Rosa ang malungkot na balita tungkol sa pagpanaw ng kanyang mister.
Saad niya: "It is with profound sadness that I announce the passing of my beloved husband, Patrick Dela Rosa, 64 years old, yesterday, October 26, 2025, at 5:25 PM at Adventist Hospital in Bakersfield, California.
"He will be remembered for his unwavering love, strength, and compassion. His memory will forever remain in our hearts.
"We ask for your prayers and understanding as our family grieves this great loss."
Read: Social media influencer Emman Atienza dies at 19
Nag-post din ang kapatid ni Patrick na si Dr. Marlon Gilbert Dela Rosa tungkol sa pagpanaw ng aktor.
Facebook post at mensahe ng pamamaalam niya para kay Patrick: “Rest in peace Patrick, no more pain ‘tol.
"You are not just a brother to me but also my bestfriend. Thank you for all the memories that we share together.
"You are always there during my ups and down. I LOVE U brother."
Hindi siya nagbigay ng detalye tungkol sa ikinamatay ng kanyang kapatid.
Nagpaabot naman ng pakikiramay ang pamahalaang panlalawigan ng Oriental Mindoro, kung saan nagsilbi noon si Patrick bilang board member ng unang distrito.
Nakasaad sa kanilang Facebook post: "Taos-pusong nakikidalamhati ang Pamahalaang Panlalawigan sa pamilya ng namayapang si Former Board Member Patrick Dela Rosa.
"Maraming salamat sa iyong mga iniwang ala-ala hindi lamang sa industriya ng pag-aartista, kundi maging sa pagbibigay-serbisyo para sa mga Mindoreño."
Read: New Minstrels singer Louie Reyes passes away
PATRIcK DELA ROSA'S FORAY INTO SHOWBIZ
Perfecto dela Rosa ang tunay na pangalan ni Patrick.
Isinilang siya sa Calapan City, Oriental Mindoro, noong Hulyo 13, 1964.
Nadiskubre siya bilang artista dahil sa kanyang Close-Up commercial.
Sa panayam kay Patrick ng PEP.ph (Philippine Entertainment Portal) noong Hulyo 2020, ikinuwento niyang ipinahanap siya ni Regal Films producer Mother Lily Monteverde noong 1983 para papirmahin ng kontrata bilang Regal baby.
St. Patrick's Day (March 17) nang madiskubre ni Mother Lily si Patrick kaya ito ang ibinigay sa kanyang screen name.
“Kinontak ni Mother Lily yung agency, J.Walter Thompson. Pinapunta ako ni Mother Lily sa bahay niya sa Greenhills.
“Noong ipinatawag ako ni Mother, naroroon sina Maricel Soriano, Snooky [Serna], at William Martinez, talagang hinintay nila ang pagdating ko.
“Gusto nila akong makita dahil bagong Regal baby nga. Sabi ni Mother, ‘O, darating yung bagong Close Up boy.’
“Hindi ko pangarap. Never ko naisip na magiging artista ako. Hindi ko inambisyon.
"Pero noong time na yun, ang paborito kong artista, si Al Tantay, dahil siya ang palaging napapanood ko. Tuwang-tuwa ako sa kanya,” lahad ni Patrick.
Estudyante noon si Patrick ng San Sebastian College nang magsimula ang acting career niya.
Kuwento niya: "AB Economics student ako noon sa San Sebastian College.
"Ang daddy ko kasi, military, so very strict siya sa amin. Ang gusto niya talaga, maging engineer ako, kaso hindi ko gusto. Yung brother ko, naging successful engineer.
“Ang nanay ko ang supportive sa akin. Very conservative siya at religious.
"Later on, hindi na kumontra ang father ko sa pag-aartista ko, pero mas gusto niyang makatapos ako ng pag-aaral. Palagi niya akong nire-remind na mag-aral pa rin."
Read: Veteran choreographer Anna Feliciano dies at 65
PATRICK DELA ROSA'S FIRST MOVIE
Inilunsad si Patrick sa Shame, ang blockbuster movie ng Regal Films na pinagbidahan nila ng namayapang aktres na si Claudia Zobel noong 1983.
Saad ni Patrick: "I’m very proud sa movie na ginawa ko noong 19 years old ako.
“Wala akong acting experience, but before the shoot, binigyan kami ni Direk Elwood Perez ng two-week acting workshop kay Frank Rivera.
"One month ang preparation namin ni Claudia para sa shooting ng Shame.
"Kami ni Claudia noon, sobrang tuwang-tuwa dahil Sharon Cuneta movie [To Love Again], tinalo namin.
"Even si Mother Lily, tuwang-tuwa, binigyan niya kami ng bonus.
"Kasi kay Mother, sugal yung pagpo-produce niya ng Shame. Pareho kaming baguhan ni Claudia, wala pa kaming napapatunayan.
"Pero in fairness, magaling na direktor si Direk Elwood.
"Maganda yung chemistry ng movie. Bumagay sa amin ni Claudia yung mga karakter namin.”
Kabilang pa sa ginawang sexy films ni Patrick noong dekada '80 ay Uhaw Sa Pag-Ibig, Sinner or Saint, Harot, Bedtime Story, Climax, White Slavery, at Kiri.
Noong dekada '90 naman ay action films ang karamihan ng mga ginawa niya.
Tinalikuran ni Patrick ang showbiz noong 2007 para manirahan nang permanente sa Amerika dahil mas pinili niya ang tahimik na pamumuhay.
Read: Dating aktor na si Patrick dela Rosa, nadiskubre ni Mother Lily sa toothpaste commercial