As expected, ang Dreamboi ang nagkamit ng Audience Choice Award sa 1st CineSilip Film Festival na magtatapos ngayong Oktubre 28, 2025, Martes.
Sa pitong kalahok sa CineSilip 2025, bukod-tangi ang Dreamboi ang SRO (Standing Room Only) ang premiere screening sa Cinema 3 ng Market! Market!, Taguig City.
Ito rin lang ang may karagdagang screening outside the festival.
Read: Dreamboi, humakot ng awards sa 1st CineSilip Film Festival
Ang pitong pelikula ay pawang nominado sa mga kategoryang Audience Choice Award, Best Film, at Best Director.
Best Film ang Dreamboi, na may kaakibat na PHP300,000 cash prize.
Second Best Film ang GL movie na Pagdaong, na may kasamang PHP200,000.
Ang Third Best Film ay ang erotic horror film na Haplos Sa Hangin, at may kakawing iyong PHP100,000.
Ang best director ay si Rodina Singh para sa Dreamboi.
Take note na kapwa nominado sa kategoryang Best Supporting actor sina Migs Almendras at Tony Labrusca para sa Dreamboi, at si Migs ang nagwagi.
Ang iba pang nominadong Best Supporting Actor ay sina Aldo Cuervo at Mikey Andres para sa Maria Azama: Best P*rn Star, Chester Grecia para sa Pagdaong, at VJ Vera para sa Salikmata.
Read: Singer Jona Viray opens up about childhood abuse by her father
DREAMBOI SWEEPS EIGHT AWARDS
Bale walo lahat ang tropeyo ng Dreamboi.
Maliban sa Best Film, Best Director, Best Supporting Actor, at Audience Choice Award ay kinilala pa ito sa apat na technical category.
Panalo rin ang Dreamboi sa mga kategoryang Best Cinematography, Best Editing, Best Production Design, at Best Sound.
Isa lang ang nakalaban ng Dreamboi sa best cinematography, ang Haplos sa Hangin.
Ang Dreamboi ay dalawang beses na-X ng MTRCB.
Dalawa ang tropeyo ng Pagdaong — Second Best Fim, at Best Actress para kay Angela Morena.
Apat ang tropeyo ng Haplos sa Hangin — Third Best Film, Best Actor para kay Martin del Rosario, Best Screenplay, at Best Musical Score.
Na-X din ng MTRCB ang Haplos sa Hangin sa unang review.
Maski ang original poster nito ay disapproved at hindi puwedeng i-display sa mga sinehan.
Nakasilat ng isang tropeyo ang Maria Azama: Best P*rn Star, Best Supporting Actress para kay Chloe Jenna.
Umuwing luhaan ang Babae sa Butas, Salikmata, at Ang Liham ni Maria Makinang.
Ang tatlong hurado ay sina Erik Matti, Tito Valiente, at Joy Aquino.
Si Joy lang ang present sa awards ceremony, at katuwang ng festival director na si Ronald Arguelles bilang presenter sa tatlong best film.
Ang iba pang presenters ay sina Mon Confiado, Sid Lucero, Max Eigenmann, Denise Esteban, at Tony Labrusca.
Ang nag-host ng programa ay sina Nico Locco at Phoebe Walker.
Ang awards night ay ginanap noong Oktubre 27, Lunes, sa Viva Café sa Cubao, Quezon City.
Read: Dreamboi, dalawang beses na-X ng MTRCB bago nabigyan ng R-18
MARTIN DEL ROSARIO
Malaking bagay para kay Martin del Rosario na maging unang best actor ng CineSilip filmfest.
Nagwagi siya sa erotic horror na Haplos sa Hangin, kung saan co-stars niya sina Denise Esteban at Vincent Pajara na nakasama rin niya sa dulang Anino sa Likod ng Buwan.
Tatlo ang nakalaban ni Martin bilang best actor — sina Gold Aceron ng Ang Lihim ni Maria Makinang, Aerol Carmelo ng Salikmata, at Albie Casiño ng Maria Azama: Best P*rn Star.
Bahagi ng acceptance speech ni Martin: “Gusto kong magpasalamat sa CineSilip dahil binigyan ninyo ng opportunity ang mga filmmakers, kaming mga actors, na maging parte ng mga mas daring saka mas matapang na mga pelikula…
“Sana, after this festival, mawala na iyong stigma sa mga erotic movies na ifino-forward-forward mo lang sa sex scenes dahil walang kuwento.
“Dahil hindi naman talaga ganoon. Kaya naman nating gumawa ng sexy na may kuwento din.
“At siyempre sana, maging bukas pa iyong isip nating lahat, or ng mga institusyon, sa usaping sex.
“Kasi, parte naman iyan ng katotohanan sa buhay. Sana, maging mas progresibo ang pag-iisip natin sa sex, seksuwalidad, even gender identity.”
Na-X ang Haplos sa Hangin sa unang review ng MTRCB.
Nasa cast din nito sina Angelica Cervantes at Jorrybell Agoto.
Si Martin ang leading man ni Sassa Gurl sa Puregold 2026 Cine Panalo Film Festival entry na Multwoh, sa direksiyon ni Rodina Singh.
Read: Martin del Rosario, gustong mapanood ang X version ng Haplos Sa Hangin
ANGELA MORENA
Lima ang kinabog ni Angela Morena sa kategoryang Best Actress, kabilang ang co-star niya sa Pagdaong na si Ashley Lopez.
Ang apat pa ay sina EJ Jallorina ng Dreamboi, Denise Esteban ng Haplos sa Hangin, Aliyah Raymundo ng Salikmata, at Aiko Garcia ng Ang Lihim ni Maria Makinang.
Pinasalamatan ni Angela ang writer na si Carlo Obispo, ang direktor na si Pongs Leonardo, ang nag-workshop sa kanila na si Dolly Dulu, ang co-actors niya, ang LGU at mga tao ng pinagsyutingan nilang Allen, Northern Samar, Viva family, Vivamax family, at mga bumuo ng ConeSilip filmfest.
Sabi pa ni Angela: “Tulad ng Pagdaong, may mga pangyayari sa buhay natin, may mga tao na dumadating sa buhay natin that are not meant to stay but meant to change us.
“Kaya’t I hope, I really hope and pray that this CineSilip festival will be an instrument for a change lalo na sa film industry.
“Maraming-maraming salamat po. I’m so humbled.”
Kabilang sa VMX movies ni Angela ang Kabit, La Querida, Japino, Hosto, Sabik, Butas, Sex on Phone, X-Deal 2, Lady Guard, BJJ: Woman on Top, Sponsor, Panibugho, Tubero, Ahasss, Kinsenas, Katapusan, 5 in 1, Bata Pa si Sabel, Kaskasero, at Ang Babaeng Nawawala sa Sarili.
Kasama rin siya sa mga seryeng Iskandalo at High (School) On Sex, at anthology na Secret Campus.
Nag-host siya ng Todo Kayod na compilation ng “10 steamy films of hardworking men and women.”
MIGS ALMENDRAS
Team Dreamboi (Tony Labrusca) vs Team Maki (Migs Almendras) sa puso ni Diwa (EJ Jallorina) sa pelikulang Dreamboi.
Sa pelikula ay hindi nagtalop ang makisig na si Maki, at panay pa-cute sa gandang Diwa.
Si Dreamboi ang umariba sa hubaran at pumping scenes with Diwa and Lilith (Jenn Rosa).
Memorable ang kapangahasan ni Migs sa dalawang VMX series, An/Na at High (School) On Sex.
Kapwa nominadong best supporting actor sina Tony at Migs, at si Migs ang winner.
Bahagi ng acceptance speech ni Migs: “Ahhmm I didn’t really… I don’t know what to say. I did not expect this.
“Ahhmm ahhhh… ahhh, no, honestly, I haven’t been acting as regularly as I would love to. I’ve shifted to hosting, I think most of the people there know me.
“So, this is quite a surprise to me. Ahh thank you to all the directors I’ve worked with in my career, in my life.
“Kasi naniniwala ako kung without them, bawa’t direktor na nakatrabaho namin sa industriyang ito, nag-iiwan ng impression, ng tatak, at siyempre, a certain sense of their creativity.
“Of course, for this particular project, thank you so much, Direk Rodina Singh, ayun siya.
“Kasi, hindi ko alam, nung binasa ko itong script na ito, kung ano ang nakikita niya sa akin, yung whole costume and everything, she really did help me transform into the role of Maki.”
Nagkatrabaho before sina Tony at Migs sa Pinoy BL series na Hello, Stranger (2020), kung saan gumanap si Migs bilang isa sa mga kaibigan ni JC Alcantara.
Kasama si Migs sa Puregold 2026 CPFF entry ni Rodina Singh na Multwoh kung saan bida sina Sassa Gurl at Martin del Rosario.
Read: TV Ratings: PBB Celebrity Collab 2.0 pilot episode, Bubble Gang anniversary?
CHLOE JENNA
Best Supporting Actress si Chloe Jenna para sa pelikulang Maria Azama: Best P*rn Star na pinagbidahan nina Albie Casiño at Dani Yoshida.
Lima ang nakalaban ni Chloe: sina Iyah Mina ng Dreamboi, Jorrybell Agoto at Angelica Cervantes ng Haplos sa Hangin, Astrid Lee ng Pagdaong, at Christy Imperial ng Ang Lihim ni Maria Makinang.
Bahagi ng acceptance speech ni Chloe: “Gagawan ko kayo ng sushi lahat! Hi! Hi! Hi! Ayan!
“Maraming-maraming salamat po sa nagtiwala, oh my God! Naiiyak ako! Sorry! Hindi ko talaga po ito ine-expect!
“Kanina, nagdyu-joke-joke lang kami… legit pala na mag-i-speech ako tonight.
“Maraming-maraming salamat po, of course to my Viva family.
“Kay Albie, sa aking co-actor, kasi siya po ang nag-recommend sa akin sa movie’ng ito.
“Sa aking direktor, at sa prod… sa mga fans. Pero hindi po magiging possible lahat ito kung hindi dahil sa journey ko. So allow me to thank them.
“Maraming-maraming salamat sa mga naging mentors ko po. Our late National Artist Tony Mabesa, my uncle Leo Rialp, Dulaang UP, Angeli Bayani.
“Maraming-maraming salamat po. At sa lahat ng ate ko, family ko, dahil sila po ang nagpu-push na hindi ako tumigil sa passion na binigay sa akin ni Lord.”
Kabilang sa VMX films ni Chloe ang Ligaw na Bulaklak, Serbidoras, Lampas Langit, Patikim-tikim, Langoy, Obsesyon, Salawahan, Donselya, Huwad, Nightbird, at Boso Dos. Kasama rin siya sa seryeng Stalkers.
Read: Ashley Lopez, mas komportable ka-love scene ang girls: "Ang mga guys, madaling madala..."