Pumanaw na ang '70s singer-actor na si Dondon Nakar nitong Sabado, November 1, 2025.
Siya ay 66 years old.
Ang announcement ng kanyang pagpanaw ay ipinadala ng kanyang pamilya sa mga kaibigan at kakilala nito sa entertainment industry.
Ayon sa kanyang pamilya: "With faith in the Risen Lord, we share the passing of Dondon Nakar today, November 1, 2025—All Saints' Day.
“He passed away unexpectedly due to a sudden cardiac event.
“The Family is saddened by their loss but also rejoices that Dondon now is with the Lord.”
Ang mga labi ni Dondon ay ilalagak sa Mr. Carmel Church sa New Manila, Quezon City, mula November 4 hanggang November 5.
Read: In Memoriam: That's Entertainment stars
WHO WAS DONDON NAKAR?
Ang tunay na pangalan ni Dondon ay Guillermo Serafin L. Nakar III.
Isinilang siya noong July 26, 1959.
Una siyang nakilala bilang child star sa pelikulang Alaala ng Pag-ibig ng Ed V per Productions na ipinalabas noong 1971.
Nakasama rin siya sa pelikulang Fist to Kill ng Perlas Productions noong 1972.
Siya ang gumanap bilang Ding sa Darna and the Giants na pinagbidahan ni Vilma Santos, at produced ng Tagalog Ilang-Ilang Productions noong 1973.
Kabilang pa sa kanyang film credits ang Binhi (1973) at Ang Barbaro at si Genghis Khan (1973).
Mas lumaki ang pangalan ni Dondon nang maging bahagi siya ng Apat na Sikat, ang musical-variety show na kinabibilangan din nina Lala Aunor, Arnold Gamboa, at Winnie Santos.
Inilunsad ang kanyang career bilang lead actor sa pelikulang Pilyang Engkantada, kasama si Winnie, noong 1976.
Ang iba pa niyang mga naging pelikula ay Menor de Edad (1979), Nang Bumuka ang Sampagita (1980), at Ang Babaeng Hinugot sa Aking Tadyang (1981).
Si Dondon ang kumanta ng theme song ng soap opera na Flor de Luna, na pinagbidahan ni Janice De Belen.
Tumakbo ang drama series mula 1980 hanggang 1983.
Read: Lito Atienza, nagpasalamat sa mga nakiramay sa pagpanaw ni Emman Atienza
DONDON NAKAR FONDLY REMEMBERS FANS' ADULATION
Sa panayam kay Dondon ng website na pikapika.ph noong September 1, 2021, sinabi nitong hindi na niya matandaan ang mga detalye kung paano binuo ni Ike Lozada ang grupo nilang Apat na Sikat noong 70’s.
Ka-loveteam niya rito si Winnie Santos na nakababatang kapatid ng Star or All Seasons na si Vilma.
Ang natatandaan lang daw niya ay ang sinabi noon ni Ike na gagawin sila nitong superstars.
Hindi naman niya nakakalimutan ang sobrang paghanga sa kanilang grupo ng fans noon.
Hindi raw maubus-ubos ang supply nila ng sampaguita garlands kapag may shows.
At kahit isa lang sa kanilang apat ang um-attend ng event, nagkakaroon ng pandemonium dahil sa pagtutulakan ng fans na lahat ay gustong makalapit.
Wala pa aniyang social media noon pero matindi rin ang awayan ng fans.
May mga pagkakataon, ayon kay Dondon, na nagkakagatan ng tenga at nagpapaluan ng tubo ang mga tagahanga.
Read: Mel Feliciano bids goodbye to ex-wife Anna Feliciano
DONDON NAKAR CLARIFIES HE DID NOT BECOME A PASTOR
Nang ma-interview si Dondon, ibinahagi niyang tahimik ang kanyang buhay at aktibo sa itinatag na Catholic charismatic community ng kanyang mga magulang, ang Elim Communities.
Nilinaw rin niya ang mga napaulat noong iniwan niya showbiz para maging isang pastor. Hindi umano iyon totoo.
Hindi siya naging pastor pero active sa services nila.
Wala siyang nabanggit kung bakit iniwan niya ang showbiz.
Inamin din niyang hiwalay siya sa naging asawa pero nanatili silang magkaibigan. Mayroon silang isang anak na lalaki.
Naging close friends daw niya sina Vilma Santos at Nora Aunor.
Inamin din niyang hindi talaga sila naging real friends ng mga kagrupo niya sa Apat na Sikat noong kasagsagan ng kanilang popularity.