Iwas pag-usapan ni Sunshine Cruz, 48, ang relasyon nila ng gambling tycoon na si Atong Ang, 68.
Viral sa social media ang ilang pagkakataong spotted silang dalawa, at dati nang inamin ni Atong na girlfriend niya ang aktres.
"Let's not talk about that, The Alibi na muna," pakiusap ni Sunshine.
Paliwanag niya: "Siguro dahil matanda na ako. I'm 48 years old. Parang ang off naman na love life pa rin ang pag-uusapan, yung personal.
"I think it would be better if people focus siguro sa anak ko na lang kasi siya naman yung active right now doing teleserye.
"Ako naman, I lie low already because mayroon akong health issues."
Nakapanayam ng PEP.ph (Philippine Entertainment Portal) si Sunshine pagkatapos ng screening at mediacon ng Prime Video series na The Alibi. Ginanap ang event sa Cinema 6 ng Trinoma Mall noong November 4, 2025.
Dito ay ibinahagi ng aktres ang kanyang health condition.
"I have an autoimmune disease, myasthenia gravis, [which is] weakening of nerves and muscles.
"Walang gamot, bawal ma-stress, bawal mapuyat kaya nag-decline ako ng many shows because kahit gustuhin ko, di kaya ng katawan ko for now.
"Sinasabi ko nga sa mga offers ko, maybe next year baka mas lumakas at puwede na. Avoid stress muna.
"I explained it already nung nag-[clothing brand] fashion show ako. It's really hard for me to gain muscles because of my autoimmune disease," lahad ni Sunshine.
Read: Sunshine Cruz shuts down breakup issue with Atong Ang
SUNSHINE CRUZ DENIES pregnanCY RUMOR
Sa kabilang banda, nagbigay ng update si Sunshine sa pang-iintriga sa kanya at mga anak niyang dalaga.
"My lawyer is checking na kung mayroon kaming puwedeng i-file na case. It's Atty. Boni Alentajan," saad ng aktres.
Patungkol sa aniya'y mga fake news, paliwanag pa niya: "Matagal na naman yan—ako buntis, si Sam ang buntis, si Angelina...
"So far, yung bunso ko ang hindi pa, pero lagi naman kaming laman, we all knew that.
"For years, laging laman ng fake news. The more we keep quiet about it, the more na nagwo-worsen.
"That's why I really called out [yung nagpapakalat ng fake news], but unfortunately calling out did not do anything."
May hinala ba siya kung sino ang nasa likod ng mga ito?
"Wala naman. Alam naman natin na pag fake news naman, more clicks, more money for them.
"Binibigay ko na yung trust natin sa aming abogado na si Atty. Alentajan to do what he thinks is right."
Sa puntong ito, naalala rin ni Sunshine ang fake news na kinasangkutan ng ex-boyfriend niyang si Macky Mathay.
"Saka matagal na ito, di ba? Even si Macky nga, yung ex ko, ine-edit yung mukha, marami na talaga.
"It's been going on for so many years already. Kahit tumatahimik na kami. I've been lying low already, we all know that, pero wala pa rin."
Read: Slater Young’s Monterazzas blamed by netizens for Cebu flooding
SUNSHINE CRUZ SUPPORTS DAUGHTER ANGELINA
Dumalo si Sunshine sa special screening ng The Alibi para suportahan ang anak na si Angelina Cruz.
Katambal ni Angelina sa drama series si Robbie Jaworski, anak nina Mikee Cojuangco at Dodot Jaworski.
Pareho sina Angelina at Robbie na acting debut ang serye na ipalalabas sa Prime Video simula November 7.
Gumaganap si Angelina bilang kapatid ni Kim Chiu sa The Alibi, at sa first episode pa lang ay may kumprontasyon agad sila ni Kim.
Sabi ni Sunshine: "Nakaka-excite, of course, as a mom. Very proud ako kasi she really auditioned for this role.
"Marami silang nag-audition and hindi niya ine-expect, sobrang suprisingly nakapasok yung bata, so nakakatuwa.
"Sabi lang niya, don't expect too much kasi yung first few scenes, yun yung nangangapa pa siya."
Kabado raw talaga si Angelica sa unang sabak nito sa pag-arte.
Lahad ni Sunshine: "First teleserye niya ito, and parang muntik siyang mahimatay nung ginawa yung eksena na ito kasi parang natataranta siya.
"Iniba yung script all of a sudden. Iniba yung call time. Hindi siya nakapag-breakfast."
Kuwento raw ni Angelina sa kanya, "Mom, this is the scene that I almost fainted. And I told Direk FM [Reyes], 'Direk, wait lang po, I need to sit.'"
Pagpapatuloy ni Sunshine, "Lagi naman siyang nag-a-update sa akin. Every day naman siyang nag-a-update sa akin and she told me about this scene."
Bukod sa mga bidang sina Kim at Paulo Avelino, kasama rin sa powerhouse cast ng The Alibi sina John Arcilla, Zsa Zsa Padilla, Sofia Andres, Sam Milby, Rafael Rosell, at Romnick Sarmenta.
Kasama rin sina Ian de Leon, PJ Endrinal, Thou Reyes, at Alora Sasam.
Iprinodyus ng Dreamscape Entertainment ng ABS-CBN, ang mga direktor ay sina Onat Diaz, Jojo Saguin, at FM Reyes.
Read: John Arcilla, umaming "na-in love" kay Zsa Zsa Padilla