Binalikan ni Raymond Lauchengco, 59, ang isang hindi malilimutang karanasan niya sa showbiz.
Ito ay ang paninigaw at pagwu-walk out sa kanya ng Diamond Star na si Maricel Soriano sa unang araw ng kanilang pagkikita sa shooting ng pinagsamahan nilang pelikula.
Si Raymond ay nagsimula sa showbiz bilang isang singer at matinee idol noong ‘80s.
Ilan sa mga kantang pinasikat niya ay ang “Farewell,” “I Need You Back,” at “Just Got Lucky.”
Taong 1983 ay ginawa ni Raymond ang drama movie na Saan Darating Ang Umaga, na siya rin ang kumanta ng theme song na ganoon din ang pamagat.
Sa pelikula ay love interest niya si Maricel.
Kuwento ni Raymond, unang beses silang magkikita ni Maricel sa kanyang first shooting day.
Nabuo raw sa isip ni Raymond na magiging maganda ang unang pagkikita nila ni Maricel dahil nga magkarelasyon sila sa pelikula.
“So, sabi ko, ‘Wow, ang laki ng pressure on that first shooting day. Kailangan maganda yung meeting namin to build chemistry from there. We never met,” lahad ni Raymond sa YouTube video ni Snooky Serna noong November 21, 2025.
Pero kabaliktaran ang nangyari.
Sinigawan siya ni Maricel, nag-walk out, at pinagbagsakan pa ng pinto si Raymond.
“The first superstar who screamed at me. I will never forget that,” pagbabahagi ni Raymond.
Read: Kim Chiu shuts down Kimerald reunion fantasy after fans' relapse
THE INCIDENT
Lahad ni Raymond, noong araw na iyon ay nakatanggap siya ng dalawang call slips—ang first shooting day niya para sa Saan Darating Ang Umaga at performance sa Ali Mall sa Cubao, Quezon City.
Ang unang call slip ay galing sa movie company na Viva Films, at ang pangalawang call slip ay mula sa music label na Vicor Records.
“Sabi ni Vicor, ‘Two o’clock nasa Ali Mall ka para kumanta.’
"Sabi ni Viva, ‘Two o’clock nasa UP ka to shoot with Maricel.’”
Hindi raw alam noon ni Raymond kung ano ang uunahin.
Ang Vicor daw ang nagbigay ng abiso kay Raymond.
“Sabi ni Vicor, ‘Mauna ka sa live, sumunod ka sa filming. Tutal isang oras lang naman yung kanta, e, promo lang.’ So, I listened to them.”
Ito raw ang naging mitsa ng hindi magandang pagkikita nila ni Maricel sa kanyang first shooting day para sa Saan Darating Ang Umaga.
“So, pagdating ko sa set, lahat sila galit. I was like two hours late. Lahat sila galit, walang kumakausap sa akin,” sabi ni Raymond.
Wala raw may alam sa tunay na rason kung bakit na-late si Raymond, pero nagpaliwanag siya sa direktor ng pelikula na si Maryo J. de los Reyes.
Lahad niya: “Until finally, I went to Maryo J. de los Reyes, and I explained. Si Maryo naman mabait din iyan.
“So he goes, ‘O, sige, sige, just don’t do it again. But you better talk to Marya because she’s really upset with you.’”
Nagtungo raw si Raymond sa dressing room ni Maricel para magpaliwanag.
“Pagpunta ko sa dressing room niya, kumatok ako. Nakita ko si Maricel naka-turn away, looking at the mirror.
“So I approached. I started to explain, ‘Maricel, ganito yung nangyari…’
“Before I could say anything, she turned around, she goes, ‘Bakit ka nag-i-Ingles?!’
“Freak out ako! I continue to say ‘I’m sorry,'” pagpapatuloy ni Raymond.
Subalit hindi raw nagpatinag si Maricel.
“She stood up and she faced me and she goes, ‘E, ano pa nga ba?!’
“She walked out of the room and banged the door!
“Ganun siya kagalit because she’s super disciplined, she is never late.
“I’m never late also, nagkataon lang that I got those two call slips.”
Mas hindi raw inasahan ni Raymond ang sumunod na nangyari.
“So there I was, didn’t know whether to cry or to run away or to go home.”
May kumatok daw sa pinto.
“Somebody came inside, ‘Sir, we need pictures for publicity.’
“'Ha? You want to take pictures now? She hates me!'” reaksiyon daw ni Raymond, na sinundan niya ng tawa.
Sumunod naman daw si Raymond.
“Pero wala, wala kang choice, so lumabas ako.”
During the pictorial, inuutusan daw si Raymond na akbayan si Maricel.
"‘Put your arm around her!’ I put my arm around her. ‘Smile!’
At ngiti naman daw si Raymond.
“But after that, we became… She forgave me. We became friends.”
Read: Netizens react to Kim Chiu and Gerald Anderson's beso moment